完整藏文原文 · 德格版页 当前仅加载第 99 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མཆོད་གཏོར་དང་། །དུག་གཏོར་ཐུན་གཏོར་ཐུན་རྫས་དང་། །ཤ་ཁྲག་བཤོས་ཆང་བཟའ་བཏུང་སོགས། །རྒྱལ་མཚན་བ་དན་མདའ་དང་གཞུ། །དཔའ་བའི་ཆས་དང་རོལ་མོའི་སྒྲ། །རབ་ཏུ་བརྡར་ཞིང་མཛེས་པར་བཤམ། །རྡོ་རྗེ་འཛིན་པས་ཏིང་འཛིན་གསལ། །
D844.099.0276a01.01ལས་ཀྱི་རྒྱལ་པོས་མཆོད་བསྟོད་བྱ། །རྒྱུ་དང་མདངས་ཀྱིས་ཐུགས་དམ་བསྐང་། །བཤགས་དྲལ་གཅུགས་སྦྱང་དབབ་པ་བྱ། །མོས་ཤིང་སྤྲོས་བདག་དང་བ་ཡིས། །བདུད་འདུལ་གཙོ་ལ་སྐྱབས་སུ་འགྲོ། །བསྟན་པ་བསྲུང་བར་སེམས་བསྐྱེད་དེ། །བླ་མ་སངས་རྒྱས་རྡོ་རྗེ་འཛིན། །
D844.099.0276a02.01ཧེ་རུ་ཀ་དང་གཉིས་མེད་ལ། །གདུག་བྱེད་ལོག་ལྟ་འདུལ་ནུས་པའི། །མཐུ་དབང་ཆེན་པོའི་གཞུང་འཚལ་གྱིས། །བརྩེ་བའི་ཐུགས་ཀྱིས་དགོངས་ནས་ནི། །དཀྱིལ་འཁོར་དམ་པར་གཞུག་ཏུ་གསོལ། །ཉོན་ཅིག་སྐལ་ལྡན་རིགས་ཀྱི་བུ། །དུས་གསུམ་སངས་རྒྱས་སྐུ་གསུང་ཐུགས། །
D844.099.0276a03.01གནས་པའི་བསྟན་པ་བསྲུང་བའི་ཕྱིར། །སྤྲོ་བས་འཇུག་པ་ཁྱོད་ལགས་ཀྱིས། །མངོན་སྤྱོད་བརྟུལ་ཞུགས་དམ་པ་ཡིས། །དམ་ཚིག་ཆེན་པོའི་སར་འདུག་ཤོག །མགོན་པོ་ཧེ་རུ་ཀ་དཔལ་རྗེ། །འདུལ་བའི་འཁོར་ཚོགས་བཅས་པ་ཡི། །དྲག་ཤུལ་སྤྱོད་པའི་ཕོ་བྲང་དུ། །མཛེས་པའི་མེ་
D844.099.0276a04.01ཏོག་བདག་དབུལ་གྱིས། །རྡོ་རྗེ་དམ་ཚིག་འདི་བཞེས་ལ། །དྲེགས་པ་འདུལ་ནུས་དངོས་གྲུབ་གསོལ། །པྲ་ཏི་གྲྀཧྞ་པུཥྤ་ཧཱུྃ། དཔལ་ལྡན་རྡོ་རྗེ་འཆང་བ་ཡི། །རྗེས་འཇུག་རིགས་ཀྱི་བུ་ཁྱོད་ནི། །ཐོག་མ་མེད་ནས་ད་ལྟའི་བར། །བསྟན་པ་བསྲུང་བའི་སྐལ་ལྡན་ཏེ། །སྡེ་དཔོན་དབང་ཆེན་
D844.099.0276a05.01དཀྱིལ་འཁོར་འདིར། །བསྟན་ལ་རབ་དགའི་སེམས་ཀྱིས་ལྟོས། །བཛྲ་ཡ་ས་མ་ཡ་མ་དྷ་ལ་ཙག་ཤུ་བྲ་བེ་ཤ་ཡ་ཕཊ། རྡོ་རྗེ་བདུད་རྩི་དམ་ཚིག་ཆུ། །འདི་ལས་དུས་གསུམ་འདའ་མི་བྱ། །གྲུབ་པའི་འབྲས་བུ་གཉིས་ཡིན་ཏེ། །ཚུལ་བཞིན་མི་འདའ་བྲོས་དོར་ཅིག །མ་ཧཱ་ས་མ་ཡ་ཨི་
D844.099.0276a06.01དནྟེ་ནཱ་ར་ཀཱན་ཥཱ་བ་མི་ལྃ། རྡོ་རྗེ་འཛིན་པ་བཀའ་དྲིན་ཆེ། །ཐུགས་རྗེས་རྟག་ཏུ་བྱིན་བརླབ་ཕྱིར། །འདི་ནས་རྫོགས་སངས་རྒྱས་ཀྱི་བར། །མཐུ་སྟོབས་དངོས་གྲུབ་སྩལ་དུ་གསོལ། །བཛྲ་ས་མ་ཡ་ཙིཏྟ་སིདྷི་སིདྡྷི་ཧཱུྃ། ཐོག་མའི་སངས་རྒྱས་སྲས་བཅས་ཀྱི། །རྗེས་སུ་བསྒྲུབ་པ་བདག་
D844.099.0276a07.01