完整藏文原文 · 德格版页 当前仅加载第 96 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་ཀྱིས་འོངས་ནས་ང་ཡིས་ཅི་བྱེད་ཅེས་སྨྲ་བར་བྱེད་དོ། །དེ་ལ་སྨྲ་བ་དོང་ཙེ་ལྔ་བྱིན་ཅིག་ཅེས་སྨྲས་པ་དང་། དེ་ལྟར་བྱའོ་ཞེས་ཟེར་ནས་མི་སྣང་བར་གྱུར་ཏེ་ཉིན་རེ་བཞིན་དུ་སྟེར་བར་འགྱུར་རོ། །ལྷག་མ་མེད་པར་ཟད་པར་བྱའོ། །པདྨ་སྐྱེས་པ་མཚོའི་འགྲམ་དུ་ཕྱིན་ཏེ་ཆུ་
D770.096.0101b01.01དང་བཅས་པའི་ཕྱེ་ཟ་བའམ། ཡང་ཅི་ལྟར་རྙེད་པའི་ཟས་ཟ་ཞིང་ནོར་བུ་བཟང་པོ་ཁ་ཕྱིར་བསྟན་པར་བཞག་ལ་གསོལ་བ་བཏབ་ནས། ཇི་སྲིད་དུ་སྟོང་ཕྲག་བརྒྱ་རྫོགས་པར་པདྨའི་སྦྱིན་སྲེག་བྱས་ན། དེའི་རྟིང་ལ་དཔལ་མོ་འོངས་ཏེ་འོངས་པ་དེ་ལ་པདྨ་ཉེ་བར་ཕུལ་ནས་དྲི་དང་བཅས་
D770.096.0101b02.01པའི་ཆུའི་ཨརྒ་བྱིན་ན། དེས་སྨྲས་པ་བུ་གཅིག་ཅི་བྱ་ཞེས་སྨྲས་ན། སྒྲུབ་པ་པོས་སྨྲ་བར་བྱ་སྟེ། གཏེར་མང་པོ་བདག་ལ་རབ་ཏུ་སྩོལ་ཅིག །དེ་ལྟར་བྱའོ་ཞེས་ཟེར་ནས་མི་སྣང་བར་འགྱུར་རོ། །དེ་ནས་གང་དུ་འགྲོ་བ་དེར་ཁྱེར་ནས་བྱིན་པ་དེ་ཟད་པ་མེད་པར་འགྱུར་རོ། །ནོར་བུ་བཟང་
D770.096.0101b03.01པོའི་མདུན་དུ་ཟླ་བ་ཕྱེད་དུ་བཟླས་ནས་ཅི་སྲིད་ཟླ་བ་ཉའི་ནུབ་མོ་སྨྱུང་བར་གནས་པས། ཤ་མེད་པའི་གཏོར་མ་བྱིན་ནས། དེ་ནས་ནོར་བུ་བཟང་པོའི་སྙིང་གར་མིང་མེད་བཞག་ནས་ཅི་སྲིད་དུ་བཟླས་པ་དེ་སྲིད་དུ་གཡོ་བར་འགྱུར་རོ། །དེ་ནས་ཉིན་རེ་བཞིན་དུ་དོང་ཙེ་ལྔ་ལྔ་སྟེར་བར་འགྱུར་
D770.096.0101b04.01རོ། །ལྷག་མེད་པར་ཟད་པར་བྱའོ། །དུར་ཁྲོད་ཆེན་པོར་ཕྱིན་ནས་དུར་ཁྲོད་ཀྱི་ཐལ་བ་ལ་མཆོད་རྟེན་བྱས་ཏེ། བསོད་སྙོམས་ཟ་ཞིང་དུས་གསུམ་དུ་ཁྲུས་བྱས་ནས་འབུམ་ཕྲག་གསུམ་དུ་བཟླས་ལ། །ནག་པོའི་ཕྱོགས་ཀྱི་བཅུ་བཞི་ལ་མཚན་མོ་སྨྱུང་བར་གནས་པས། བཅོམ་
D770.096.0101b05.01ལྡན་འདས་ལ་རྒྱ་ཆེ་བའི་མཆོད་པ་བྱས་ནས་ལྷག་མ་མེད་པར་རབ་ཏུ་ཟད་པར་བྱའོ། །དུར་ཁྲོད་ཆེན་པོར་ནོར་བུ་བཟང་པོ་ལ་ཤ་ཏ་པུཥྤ་ཕུལ་ལ། ཨ་ཀ་རུ་དང་དུ་རུ་སྐ་བསྲེས་པའི་བདུག་པ་ཕུལ་ཏེ། གདོང་ཕྱིན་ཅི་ལོག་ཏུ་བཞག་ནས་ཅི་སྲིད་མཚན་ཕྱེད་པ་དེ་སྲིད་དུ་བཟླས་སོ། །
D770.096.0101b06.01དེ་ནས་ཤ་ཟའི་བདག་པོ་རང་འོངས་པ་དང་སྔར་བཞག་པའི་གཏོར་མ་ཕུལ་ལ། འཁོར་རྣམས་ལ་ཆང་ཡང་དབུལ། དེ་ནས་སྒྲུབ་པ་པོས་གསོལ་བ་བཏབ་པར་བྱའོ། །དེ་ནས་དེ་ང་མགུའོ་ཞེས་སྨྲའོ། །སྒྲུབ་པ་པོས་སྨྲས་པ། ཉི་མ་རེ་རེ་གཡོག་རེ་རེ་བྱིན་ཅིག །དེ་ལྟར་བྱའོ་
D770.096.0101b07.01