完整藏文原文 · 德格版页 当前仅加载第 96 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
ནུས་སོ། །གཞན་ལ་གཏམ་ཙམ་ཡང་མི་གྲག །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། ཉན་ཐོས་རྣམས་དང་། དེ་ལས་གཞན་པའི་རྒྱ་ཆེ་བའི་ལྷས་འདིའི་ཡོན་ཏན་སྟོན་པ་དང་། ཤེས་པ་ཙམ་ཡང་མི་ནུས་སོ། །མདོར་ན་ཅི་ལྟར་དེ་བཞིན་གཤེགས་པ་ཡོན་
D770.096.0092b01.01ཏན་མཐར་ཐུག་པ་དང་ལྡན་པ་རྣམ་པ་ཐམས་ཅད་མཁྱེན་པའི་སྟོབས་ཀྱིས་སོ། །འདི་དང་འདྲ་བའི་སྔགས་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་སྙིང་པོར་གྱུར་པ་སྙིང་པོའི་མཆོག་གོ། །གདུག་པ་རྣམས་ལ་གནོད་གནས་ཀྱིས། །ཕོངས་པ་རྣམས་ནི་གསོ་བར་བྱེད། །
D770.096.0092b02.01སེམས་ཅན་རྣམས་ཀྱི་གནས་ཡིན་ཅིང་། །འགྲོ་བ་རྣམས་ནི་ཡང་དག་སྲུང་། །དབང་པོ་ཀུན་ཤེས་གོ་འཕང་ལྡན། །གནོད་གནས་རྒྱལ་བར་བརྗོད་པའོ། །མདོར་ན་འདི་ལས་གཞན་པ་ཡི། །དེ་བཞིན་གཤེགས་པ་ཐ་དད་པའི། །དེ་བཞིན་གཤེགས་པ་གཞན་ན་མེད། །འདི་
D770.096.0092b03.01འཛིན་པས་དེ་བཞིན་གཤེགས་པ་ལ་ཉེ་བར་མཆོད་པའི་གནས་ཡོངས་སུ་བྱས་པར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་རྟག་ཏུ་བྱིན་གྱིས་བརླབས་པའོ། །ཕ་རོལ་དུ་ཕྱིན་པའི་སྟོབས་དང་ས་འཐོབ་པར་འགྱུར་རོ། །དེ་
D770.096.0092b04.01ནས་ཡང་བཅོམ་ལྡན་འདས་ཀྱིས་ཇི་ལྟར་གནས་པའི་འཁོར་རྣམས་ལ་གཟིགས་ནས། གནོད་སྦྱིན་གྱི་དབང་པོ་གནོད་གནས་ལ་འདི་སྐད་ཅེས་བཀའ་སྩལ་ཏོ། །གནོད་གནས་ཀྱི་དབང་པོ་ཁྱོད་ཀྱི་རྟོག་པ་དང་། དཀྱིལ་འཁོར་དང་། ཕྱག་རྒྱ་དང་། སྔགས་དང་། གསང་ཆེན་རྣམས་
D770.096.0092b05.01སྔོན་གྱི་སངས་རྒྱས་ཐམས་ཅད་ཀྱིས་ཀྱང་བསྟན་པ་ཡོད་དེ། རྣམ་པར་གཟིགས་དང་། གཙུག་ཏོར་ཅན་དང་། འཁོར་བ་འཇིག་དང་། ལོག་པར་དད་སེལ་དང་། གསེར་ཐུབ་དང་། འོད་སྲུང་དང་། ད་ལྟར་ཤཱཀྱ་ཐུབ་པ་ངས་ཀྱང་བཤད་དེ། དེ་ནི་ལེགས་པར་ཉོན་ལ་
D770.096.0092b06.01ལེགས་པར་ཡིད་ལ་ཟུང་ཤིག །ད་ལྟར་ང་ཡིས་བཤད་ཀྱིས་ལྷ་དང་མིའི་ཕན་པ་དང་བདེ་བས་དགེ་བའི་རྩ་བ་འཕེལ་བའི་དོན་དུ་ང་ཡིས་ཡང་དག་པར་ཤེས་སོ། །གང་གི་ཀཽ་ཤའི་གྲོང་ཁྱེར་དུ་ཤིང་ཁུར་ནས་འཚོང་བ་དེའི་ཚེ། དེ་རང་ལ་དགོན་པ་ན་སྡོད་པའི་དགེ་སློང་གཅིག་
D770.096.0092b07.01