完整藏文原文 · 德格版页 当前仅加载第 96 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
བཀབ་ནས་སོར་མོ་ལྷག་མ་རྣམས་བརྐྱང་སྟེ་རྡོ་རྗེ་ལྟར་མཚོན་ནས་ཡོངས་སུ་བསྐོར་བ་ནི་རླུང་ཡབ་ཀྱི་ཕྱག་རྒྱ་སྟེ། འདིའི་སྔགས་ནི། ཨོཾ་བྷེ་རཾ་བྷ་བྷ་ཡུ་བྷ་གཱ་ཡ་སྭཱ་ཧཱ། རྒྱལ་མཚན་གྱི་ཕྱག་རྒྱ་ཉེ་བར་བསྟན་པ་ནི། ལག་པ་གཡས་པའི་མཐེ་བོང་གིས་མིང་མེད་དང་མཐེའུ་ཆུང་
D770.096.0098b01.01གི་སེན་མོ་མནན་ནས་མཛུབ་དང་གུང་མོ་གཉིས་གཅིག་གི་རྣམ་པ་ལྟར་བྱས་ནས་འོག་ཏུ་བསྐྱོད་པ་ནི་རྒྱལ་མཚན་གྱི་ཕྱག་རྒྱ་སྟེ། འདིའི་སྔགས་ནི། ཨོཾ་ཏུ་ཤ་ཏུ་ཤ་ཀ་ལས་ཧ་ཛ་པྲི་ཡཱ་ཡ་སྭཱ་ཧཱ། གདན་གྱི་ཕྱག་རྒྱ་ཉེ་བར་བསྟན་པ་ནི། ཡང་ལག་པ་གཉིས་ཀྱི་མིང་
D770.096.0098b02.01མེད་དང་མཐེའུ་ཆུང་རིམ་གྱིས་མནན་ནས་གུང་མོ་དང་སྡིགས་མཛུབ་གཉིས་ཁབ་ཀྱི་རྣམ་པ་ལྟར་བྱས་ལ་སྟེང་དུ་བསྐྱོད་པ་ནི་གདན་གྱི་ཕྱག་རྒྱ་སྟེ། འདིའི་སྔགས་ནི། །ཛཱ་ལ་ཛཱ་མ་ཏུ་རུ་ཁེ་ཛ་ཡན་ཏི་པྲི་ཡཱ་ཡ་སྭཱ་ཧཱ། གདན་གྱི་སྔགས་སོ། །འདི་རྣམས་ནི་གནོད་སྦྱིན་གྱི་
D770.096.0098b03.01དབང་པོའི་ཉེ་བར་མཆོད་པ་ཉི་ཤུའོ། །སྔར་གྱི་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ལ་ཡིད་ལས་བྱུང་བའི་མཆོད་པ་མཐོང་བ་དང་ཐོས་པས་རང་བཞིན་གྱི་སྔགས་དང་ཕྱག་རྒྱས་མཆོད་པ་འདི་ཐམས་ཅད་དབུལ་བར་བྱའོ། །དེ་ནས་བདག་ཉིད་
D770.096.0098b04.01དབུལ་བ་དང་། སྡིག་པ་བཤགས་པ་དང་། བསོད་ནམས་ལ་རྗེས་སུ་ཡི་རང་བ་དང་། དེ་བཞིན་གཤེགས་པ་ལ་གསོལ་བ་གདབ་པ་དང་། བསྟོད་པས་མཉེས་པར་བྱ་བ་དང་། གླེང་གཞི་དང་། ཆེད་དུ་བརྗོད་པའི་མདོ་ལ་སོགས་པ་གདོན་པ་དང་། མཚན་བརྒྱ་རྩ་བརྒྱད་
D770.096.0098b05.01པ་གདོན་པ་དང་། མཆོད་སྦྱིན་གྱི་ཚིགས་སུ་བཅད་པས་བསྐུལ་བ་དང་། རྟག་ཏུ་ཆུ་སྦྱིན་པ་དང་། ལྷ་ཐམས་ཅད་ལ་གཏོར་མ་སྦྱིན་པ་དང་། འདི་རྣམས་ཐམས་ཅད་བྱས་ལ། བོ་དེ་ཙེ་སྔགས་ཀྱི་སྐུད་པ་ཡོངས་སུ་བཟུང་ལ་གནོད་གནས་དང་འདྲ་བར་རང་བསྒོམས་པའི། ཨོཾ་ཡིག་སྤྱི་
D770.096.0098b06.01བོར་དགོད་པར་བྱ། །ཛཾ་ཡིག་ཁ་རུ་ངེས་པར་དགོད། །བྷ་ཡིག་ལག་པ་གཡས་པར་དགོད། །ལཱ་ཡིག་གཡོན་པར་དགོད་པར་བྱ། །ཛ་ཡིག་སྙིང་གར་དགོད་པའོ། །བརླ་ནི་གཡས་དང་གཡོན་པ་ལ། །ལེན་དྲ་ངེས་པར་དགོད་པར་བྱ། །ཡེ་ཡིག་མཚན་མར་དགོད་པར་བྱ། །
D770.096.0098b07.01