完整藏文原文 · 德格版页 当前仅加载第 96 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
དུ། སྔགས་དང་ཕྱག་རྒྱས་བདག་བསྲུང་བ་བྱས་ལ། འཁོར་དང་བཅས་པ་སྤྱན་དྲངས་ཏེ་ཞབས་བསིལ་བ་དང་། མཆོད་ཡོན་ལ་སོགས་པ་ཕུལ་ནས། ཉེ་བར་སྤྱོད་པའི་མཆོད་པ་ཉི་ཤུ་སྔགས་དང་ཕྱག་རྒྱས་ཕུལ་ལ་ཆོག་ཅི་ལྟར་ཚོགས་པའི་མཆོད་པ་བྱས་ནས་སྔོན་དུ་
D770.096.0096b01.01བསྙེན་པར་བྱའོ། །དེ་ནས་ཕྱག་རྒྱ་དང་སྔགས་ཀྱི་ཚོགས་ང་ཡིས་རྒྱས་པར་བཤད་པར་བྱ་སྟེ། དེ་ནས་ཡང་གནོད་སྦྱིན་གྱི་དབང་པོས་གུས་པ་ཉེ་བར་སྐྱེས་ནས་བཅོམ་ལྡན་འདས་ལ་གསོལ་བ་བཏབ་བོ། །དེ་ནས་བཅོམ་ལྡན་འདས་ཀྱིས་འཁོར་གྱི་དཀྱིལ་འཁོར་རྣམས་ལ་
D770.096.0096b02.01གཟིགས་ནས་སེང་གེའི་སྒྲ་བསྒྲགས་པས་འདི་སྐད་ཅེས་བཀའ་སྩལ་པ། ཁྱོད་རྣམས་ཉོན་ཅིག་འདའ་དཀའ་བ་འདི་བསྟན་པ་སྙིང་རྗེ་ཆེན་པོའི་བདག་ཉིད་སེམས་ཅན་རྣམས་ལ་ཕན་པ་དང་བདེ་བ་དང་ལྡན་པ། གནོད་གནས་ཀྱི་དབང་པོའི་ཕྱག་རྒྱའི་མཚན་ཉིད་སྔགས་དང་
D770.096.0096b03.01ལྡན་པ། དེ་ནས་གནོད་གནས་ཀྱི་དབང་པོས་ཐལ་མོ་སྦྱར་ཏེ། པུས་མོ་ས་ལ་བཞག་སྟེ་ཕྱག་བྱས་ནས་ཅང་མི་སྨྲ་བར་སྡོད་དོ། །དེ་ནས་བཅོམ་ལྡན་འདས་སེང་གེ་བཞིན་འཇིགས་པ་མེད་པས་སྔགས་དང་ཕྱག་རྒྱ་འདི་གསུངས་པ། ལག་པ་གཉིས་ཐལ་མོ་མཉམ་
D770.096.0096b04.01པར་སྦྱར་ནས། གུང་མོ་གཉིས་ཕྱིར་བཟློག་མིང་མེད་ཀྱི་རྩེ་མོ་གཉིས་ལ་སྦྱར་ལ། མཛུབ་མོ་གཉིས་ཚིགས་གསུམ་པ་བཅག་ནས་དེར་བཞག་སྟེ། མཐེ་བོང་ཕྱོགས་སུ་བཞག །མཐེའུ་ཆུང་གཉིས་ཁབ་ཀྱི་རྣམ་པ་ལྟར་བྱས་པ་འདི་ནི་བཅོམ་ལྡན་འདས་ཀྱི་རྩ་བའི་
D770.096.0096b05.01ཕྱག་རྒྱའོ། །འདི་བཅིངས་པ་ཙམ་གྱིས་གནོད་གནས་ཀྱི་དབང་པོ་ཉེ་བར་གནས་པར་གྱུར་ནས་སྒྲུབ་པ་པོ་ལ་ལྟ་ཞིང་མཆོག་སྟེར་བར་འགྱུར་རོ། །འདིའི་སྔགས་ནི། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མ་ཧཱ་ཡཀྵཱ་སེ་ནཱ་པ་ཏ་ཡེ། ཨོཾ་ཛམ་བྷ་ལ་ཛ་ལེན་དྲཱ་ཡ་
D770.096.0096b06.01སྭཱ་ཧཱ། སྔགས་འདི་དང་ལྡན་པའི་ཕྱག་རྒྱ་ཡིས་གནས་རྣམ་པ་ལྔར་སྦྱར་བས་བྱིན་གྱིས་བརླབ་པར་བྱའོ། །གནོད་གནས་དང་སོ་སོར་མཉམ་པར་འགྱུར་རོ། །ལག་གཉིས་ཁུ་ཚུར་བཅངས་ནས་མཐེའུ་ཆུང་གཉིས་ཁབ་ཀྱི་རྣམ་པ་ལྟར་བྱས་པ་ནི་སྤྱོད་པའི་དབང་པོའི་
D770.096.0096b07.01