完整藏文原文 · 德格版页 当前仅加载第 96 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ལྟེ་ཆེན་པོ། །མཚམས་སུ་བུམ་པ་བཟང་པོའོ། །འཕར་བ་གཉིས་ལ་དགོད་བྱ་བའི། །གནོད་སྦྱིན་དབང་པོ་སྟོབས་པོ་ཆེ། །གནོད་གནས་ཧུ་ལུ་ཧུ་ལུ་དང་། །སྡེ་མཛེས་དང་ནི་ཟླ་བའི་སྡེ། །རེངས་པ་དང་ནི་གདུལ་བ་དང་། །ལྕེ་དམར་དང་ནི་གསུས་པོ་ཆེ། །སྣམ་བུ་གསུམ་
D770.096.0094b01.01པ་ལ་བྱ་བ། །གནོད་སྦྱིན་མོ་ནི་ལྟ་མཛེས་མ། །རྒྱ་ཆེན་མ་དང་དྲི་བྲལ་མ། །ཟླ་མོ་བློ་གྲོས་སྙིང་པོ་སྤྱན། །པདྨའི་སྙིང་པོ་སྨིན་མཛེས་མ། །གནོད་སྦྱིན་ལག་པ་ལག་{མངས་,མང་}པོ། །སྤྲིན་ཆེན་མ་དང་སྐྲ་མཛེས་མ། །གཏེར་གྱི་ཕྲེང་བ་གཡེམ་པ་མོ། །ལྗོན་ཤིང་ཕྲེང་བ་ཕྲེང་
D770.096.0094b02.01བ་མོ། །འདོད་པ་ཀུན་གྱི་འབྲས་སྟེར་མ། །ཡིད་ཤུགས་མ་དང་འདོད་གཟུགས་མ། །ཐོས་ངག་མ་དང་ལྷ་མཛེས་མ། །རྫུ་འཕྲུལ་ཆེན་པོ་རྣམ་བཤད་པ། །ཉི་ཤུ་མཆོག་ནི་སྟེར་བའོ། །ཅི་ལྟའི་རིམ་པས་རྣམ་དགོད་པ། །ཇི་ལྟར་མདུན་དང་ཕྱོགས་གཞན་དགོད། །
D770.096.0094b03.01དབང་པོ་ལ་སོགས་དགོད་པར་བྱ། །དེ་རྣམས་ཕྱི་རོལ་དྲ་བ་སྟེ། །རྡོ་རྗེ་ཤག་ཏི་དབྱུག་པ་དང་། །རལ་གྲི་ཞགས་པ་རྒྱལ་མཚན་དང་། །འཁོར་ལོ་རྩེ་གསུམ་མཚོན་ཆ་རྣམས། །སྔར་བཞིན་དུ་ནི་དགོད་པར་བྱ། །སྟེང་འོག་མདའ་ཡི་དྲ་བ་དང་། །དེ་བཞིན་རྡོ་རྗེ་འབར་
D770.096.0094b04.01བའོ། །མཁས་པས་ཕྱི་རོལ་དུ་ནི་དགོད། །དེ་ནས་སྤྱན་དྲང་བརྩམ་པར་བྱ། །ཚོན་རྩི་ལྔ་ནི་དཀར་པོ་དང་། །སེར་པོ་དམར་པོ་སྔོན་པོ་གནག །དབྱངས་ཀྱི་སྔགས་ཀྱིས་མངོན་བསྔགས་ཏེ། །ཕྱི་རོལ་རྒྱལ་མཚན་བརྒྱད་དགོད་བྱ། །དེ་བཞིན་ཕྱོགས་རྣམས་ཨརྒྷའི་སྣོད། །ཆུ་
D770.096.0094b05.01ནི་མེ་ཏོག་གིས་བཀང་བྱ། །སྤྱན་དྲང་མཆོད་སྦྱིན་ཡིས་ནི་བྱ། །སྔགས་པས་བྱ་བར་ཐེ་ཚོམ་མེད། །གནོད་སྦྱིན་མོ་རྣམས་རང་སྔགས་ཀྱིས། །མཁས་པ་ཡིས་ནི་སྤྱན་དྲང་བྱ། །ལྷ་དང་ལྷ་མིན་སྤྱན་དྲང་བྱ། །གནོད་གནས་དབང་པོ་སྟོབས་པོ་ཆེ། །མ་ལི་ཀ་ཕྲེང་ཤིན་ཏུ་
D770.096.0094b06.01དཀར། །པདྨ་ཨུཏྤ་ལ་ཡི་ཚོགས། །ནཱ་ག་གེ་སར་ཀེ་སུ་དང་། །དྲི་དང་བདུག་པ་སྒྲོན་མ་དང་། །བཤོས་གཙང་གཏོར་མ་ཀུན་འདོད་པ། །རིམ་པ་བཞིན་དུ་མཆོད་པ་ནི། །མཁས་པ་ཡིས་ནི་བྱ་བ་ཡིན། །ག་བུར་དང་ནི་གུ་གུལ་ལམ། །ཡང་ན་ཙནྡན་དཀར་པོ་ཡིས། །
D770.096.0094b07.01