完整藏文原文 · 德格版页 当前仅加载第 96 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཀླུ་ཐམས་ཅད་ཆར་གྱི་རྒྱུན་འབེབས་སོ། །མེ་ཏོག་དང་། འབྲས་བུ་དང་། ལོ་ཏོག་ཐམས་ཅད་ལེགས་པར་ཡོངས་སུ་རྒྱས་པར་འགྲུབ་པར་འགྱུར་རོ། །གང་དང་གང་དུ་དགོས་པར་འགྱུར་བ་ཐམས་ཅད་ལན་ཅིག་དྲན་པར་བྱས་ན་འགྲུབ་པར་འགྱུར། སྤྲ་ཚིལ་ལས་ནམ་
D759.096.0047b01.01མཁའ་ལྡིང་གི་གཟུགས་སོར་བརྒྱད་པ་སྐྱིལ་མོ་ཀྲུང་བཅས་པ། འདབ་མ་བསྐྱང་པ། །ཀླུ་རྒྱལ་གདན་དུ་བཏིང་བ། མགོ་དགུ་པ་མགོ་རྒྱན་དུ་ཐོགས་པ། ཀླུ་མགོ་གསུམ་པ་ལག་པ་གཡས་ན་ཐོགས་པ། ནོར་བུ་རིན་པོ་ཆེ་འབར་བ་ལག་པ་གཡོན་ན་ཐོགས་པ། གསེར་གྱིས་
D759.096.0047b02.01གཡོགས་པ་བྱས་ཏེ། ཆོ་ག་བཞིན་དུ་ཚོན་གྱིས་རི་མོ་བྲིས་ལ། སྟན་སྣ་ཚོགས་ཀྱི་སྟེང་དུ་བཞག་ལ། ཉིན་ཞག་གཅིག་ལ་སྔགས་སྟོང་བརྗོད་དོ། །ན་མ་ལུས་ཀྱིས་མི་ཐུབ་པའི་ཚེ་ཁ་ཟས་དཀར་པོ་བཟའ་བར་བྱ་སྟེ། ཡང་ཁྲུས་བྱས་ལ་བསྒྲུབ་པར་བྱའོ། །གུ་གུལ་གྱིས་བདུག་
D759.096.0047b03.01གོ། །མེ་ཏོག་དང་། བདུག་པ་དང་། གཏོར་མ་ཅི་འབྱོར་པ་སྦྱར་རོ། །མར་མེ་བཏང་ལ་དེའི་མདུན་དུ་ཉལ་ན་སྟོན་པར་འགྱུར་ཞིང་ལས་ཐམས་ཅད་བརྗོད་པར་འགྱུར་རོ། །མཆོག་ཐམས་ཅད་སྦྱིན་པར་འགྱུར། ལས་ཐམས་ཅད་བྱེད་པར་འགྱུར་རོ། །ཅི་བསྒོ་བ་བྱེད་
D759.096.0047b04.01པར་འགྱུར་རོ། །ལང་ལོང་མེད་པའི་གནས་སུ་བཞག་ལ། ནམ་ཐན་པ་བྱུང་བའི་ཚེ་རིག་པ་འཛིན་པས་བླངས་ཏེ། ཀླུའི་གནས་སུ་བཀུར་བར་བྱ། ཀླུའི་གནས་མཚོར་བཞག་ལ། མེ་ཏོག་དང་བདུག་པ་བྱིན་ལ། ཡུངས་ཀར་ལ་སྔགས་ལན་གསུམ་བཟླས་ཏེ་
D759.096.0047b05.01གནས་སུ་གཏོར་ན་འཕྲལ་དུ་ཀླུ་ཐམས་ཅད་ཆར་གྱི་རྒྱུན་འབེབས་སོ། །གལ་ཏེ་འཕྲལ་དུ་ཆར་གྱི་རྒྱུན་མི་འབེབས་ན། དེའི་ཕྱིར་ཀླུའི་གནས་ཀུན་དུ་ནམ་མཁའ་ལྡིང་གིས་གང་བར་མཐོང་བར་འགྱུར། གནས་མེ་ལྕེ་གཅིག་ཏུ་འབར་བར་འགྱུར། བྱེ་ཚན་མགོ་ལ་འབབ་
D759.096.0047b06.01པར་འགྱུར། ཆུ་བསྐམས་པར་འགྱུར་རོ། །ཐན་པ་བྱུང་བའི་ཚེ་སྤྲིན་ལ་བསྟན་ན་ཆར་འབེབ་པར་འགྱུར་རོ། །རླུང་དང་། སྤྲིན་དང་། སེར་བ་དང་། སད་དང་། ཆར་སྤྲིན་ལ་བསྟན་ན་སྐད་ཅིག་ཏུ་མེད་པར་འགྱུར་རོ། །དཔག་ཚད་བདུན་གྱི་ནང་དུ་ཕྱོགས་བཞི་ཀུན་
D759.096.0047b07.01