完整藏文原文 · 德格版页 当前仅加载第 96 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གྲུལ་བུམ་དང་། གསང་བ་པ་དེ་རྣམས་གནས་འདི་ལས་མི་འདའོ། །དེ་ནས་རིག་པ་འཛིན་པ་དཀྱིལ་འཁོར་གྱི་དབུས་སུ་འདུག་སྟེ། བལ་པོ་སེའུ་ཤིང་གི་ལྕུག་མ་ལ་ལན་བདུན་བཟླས་པས་ཀླུ་བཟློག་པར་བྱའོ། །ཤིན་ཏུ་ཁྲོ་བས་བཟློག་པར་བྱ་བ་ནི་མ་ཡིན་
D759.096.0043b01.01ནོ། །ཀླུའི་སྐྱིལ་མོ་ཀྲུང་གི་ཕྱག་རྒྱ་བཅིང་བར་བྱ་སྟེ། མཛུབ་མོ་གཉིས་མགོ་བོ་གདེངས་ཀ་ལྟར་བྱས་ལ་མཐེའུ་ཆུང་གཉིས་བརྐྱང་ངོ་། །འདི་ནི་ཀླུ་ཐམས་ཅད་ཀྱི་ཕྱག་རྒྱའོ། །བརྗོད་མ་ཐག་ཙམ་གྱིས་ཀླུ་ཐམས་ཅད་ཀྱི་སྙིང་དག་ལ་གནོད་པར་འགྱུར་རོ། །གལ་ཏེ་ཀླུ་
D759.096.0043b02.01དག་ཕྱོགས་དེ་མ་རུང་བར་བྱ་བར་འདོད་ན་དེའི་ཚེ་བྱེ་ཚན་མགོ་ལ་འབབ་བོ། །མགོ་དང་། མཇུག་མ་དང་། ཁོག་པ་ཇི་ཙམ་པར་དེ་ཙམ་དུ་ལུས་ལ་རལ་གྲིའི་ཆར་གྱི་རྒྱུན་འབབ་པར་འགྱུར་རོ། །དེ་ནས་ཀླུ་ཐམས་ཅད་དངངས་སྐྲག་པར་གནས་པར་འགྱུར་ཏེ།
D759.096.0043b03.01དེའི་ཚེ་འཛམ་བུའི་གླིང་དུ་དུས་དུས་སུ་ཆར་གྱི་རྒྱུན་འབེབས་སོ། །ཀླུ་མི་བགྲུངས་པ་ཐམས་ཅད་དབང་དུ་འགྱུར་རོ། །ཁང་སྟེང་དུ་དཀྱིལ་འཁོར་གྲུ་བཞི་པ་བྱས་ཏེ། མེ་ཏོག་སིལ་མས་གང་བར་གཏོར་ལ་བདུག་པས་བདུགས་ཏེ། བུམ་པ་ཆུས་བཀང་བ་ཐམས་
D759.096.0043b04.01ཅད་ལ་ལན་བདུན་དུ་བཟླས་པར་བྱའོ། །གཏོར་མ་བཞག་གོ། །སེང་ལྡེང་གི་ཕུར་བུ་ལ་ལན་ཉི་ཤུ་རྩ་གཅིག་བཟླས་ཏེ། སེང་ལྡེང་གི་ཕུར་བུ་དཀྱིལ་འཁོར་གྱི་དབུས་སུ་བཙུགས་ན་རླུང་དང་། སྤྲིན་དང་། སེར་བ་དང་། སད་ཀྱི་ཉེས་པ་ཐམས་ཅད་བཅིངས་པར་
D759.096.0043b05.01འགྱུར་ཏེ། ཕུར་བུ་མ་ཕྱུང་གི་བར་དུ་ཐུབ་པར་འགྱུར་རོ། །ཡུངས་ཀར་ལ་ལན་བདུན་བཟླས་ལ་སྤྲིན་ལ་བལྟས་ཏེ་གཏོར་ན། སེར་བ་ཐམས་ཅད་འཆད་པར་འགྱུར་རོ། །ཤིང་ཀ་ར་བཱི་རའི་ལྕུག་མ་ལ་ལན་ཉི་ཤུ་རྩ་གཅིག་བཟླས་ཏེ། གདུ་བུར་བྱས་ན་ཐམས་
D759.096.0043b06.01ཅད་དུ་སེར་བ་ཆོད་པར་འགྱུར་རོ། །ཤིང་ཀ་ར་བཱི་རའི་དམར་པོའི་མེ་ཏོག་ལ་ལན་ཉི་ཤུ་རྩ་གཅིག་བཟླས་ཏེ། །གློག་བྱུང་བའི་ཚེ་ན་ནམ་མཁའ་ལ་འཕངས་ན་ནམ་མཁའ་ཉིད་དུ་འདུག་སྟེ་བཅིངས་པར་འགྱུར་རོ། །ཆུ་ལ་ལན་བདུན་བཟླས་ཏེ་གཏོར་ན་གྲོལ་
D759.096.0043b07.01