完整藏文原文 · 德格版页 当前仅加载第 96 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་སེམས་ཅན་ཐམས་ཅད་ཀྱི་དོན་དང་། བདག་ལ་ཐུགས་བརྩེ་བའི་སླད་དུ་དེ་བྱིན་གྱིས་བརླབ་ཏུ་གསོལ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །དྲང་སྲོང་ཆེན་པོ་ངས་བྱིན་གྱིས་བརླབས་ཀྱིས། སེམས་ཅན་ཐམས་ཅད་ཀྱི་དོན་དང་། ལོ་
D759.096.0031b01.01ཏོག་དང་། མེ་ཏོག་དང་། འབྲས་བུ་དང་། ལྡུམ་ར་ཡོངས་སུ་བསྲུང་བའི་ཕྱིར་གཟུངས་ཀྱི་སྔགས་ཀྱི་ཚིག་སྨྲོས་ཤིག །དེ་ནས་དྲང་སྲོང་ཆེན་པོ་རྣམས་ཀྱིས་བཅོམ་ལྡན་འདས་ཀྱི་སྤྱན་སྔར་འདུག་ནས་འདི་སྐད་ཅེས་སྨྲས་སོ། །ན་མོ་བྷ་ག་བ་ཏེ། ཤཱཀྱ་རཱ་ཛཱ་ཡ། ཏ་ཐཱ་
D759.096.0031b02.01ག་ཏཱ་ཡ། ན་མོ་ཨ་ག་སྟཱ་ཡ། མ་ཧཱ་རྀ་ཥ་ཡེ། ཏདྱ་ཐཱ། ཀྵ་མི་ཙུ་ལི། ཙ་ལ་ཙ་ར་ཙ་ར། ཧོ་མི་ལི། བནྡྷ་ནི། ནཱ་ཤ་ནི། ད་ཧ་ད་ཧ། སུ་མ་རི་ཙ་རི། སརྦ་དུ་ཥྚཾ་བ་ནྡྷ་ནི་ཏུ་ཎྜ་བནྡྷ་ནི། ས་ར་ས་ར་ཎི། ཀྵུ་ཀྵུ་ཀྵུ། མ་ནི་ཤུ་རི་བི་ས་ར་ས་ར། ཧ་ལི་ཧུ་ལི། ཧུ་ཏི་ཧུ་
D759.096.0031b03.01ཏི། ས་ར་མ་ཎི། ས་ར་ནྟུ། སརྦ་པཱ་པ་པཱ་ནག་ཀྵུ་དྷ་ལི་སྭཱ་ཧཱ། དྲང་སྲོང་ཆེན་པོ་ཉེས་འདོར་གྱིས་བཅོམ་ལྡན་འདས་ཀྱི་སྤྱན་སྔར་རིག་པ་འདི་སྨྲས་མ་ཐག་ཏུ་ཀླུ་དང་། གནོད་སྦྱིན་དང་། སྲིན་པོ་གནོད་པར་སེམས་པ་དེ་དག་ཐམས་ཅད་ཁས་བུབ་ཏུ་འགྱེལ་ནས་
D759.096.0031b04.01བཅོམ་ལྡན་འདས་ལ་སྐད་ཀྱི་གསང་མཐོན་པོས་སྨྲེ་སྔགས་འདོན་ཏེ། བཅོམ་ལྡན་འདས་བདག་ཅག་མ་རུངས་ལགས་སོ། །དྲང་སྲོང་གི་དམོད་པ་བབ་པར་གྱུར་ཏོ། །བཅོམ་ལྡན་འདས་བདག་ཅག་དྲང་སྲོང་གི་དམོད་པའི་མེས་ཚིག་གོ། །ཀུན་དུ་ཚིག་གོ། །བཅོམ་ལྡན་
D759.096.0031b05.01འདས་ཤཱཀྱ་ཐུབ་པ་བདག་ཅག་སླན་ཆད་འཛམ་བུའི་གླིང་དུ་སེམས་ཅན་རྣམས་ལ་རྣམ་པར་འཚེ་བར་མི་བགྱིད་དོ། །བཅོམ་ལྡན་འདས་བདག་ཅག་སླན་ཆད་ལོ་ཏོག་དང་། མེ་ཏོག་དང་། འབྲས་བུ་དང་། འདབ་མ་མ་རུངས་པར་མི་བགྱིད་དོ། །སྲོག་ཆགས་ཀྱི་རིགས་
D759.096.0031b06.01ཐམས་ཅད་བཟློག་པར་བགྱིད་དོ། །བཅོམ་ལྡན་འདས་ཀྱིས་དེ་དག་ལ་བཀའ་སྩལ་པ། ཀླུའི་བདག་པོ་དག་ཁྱེད་ཀྱིས་དེ་ལྟར་གྱིས་ཤིག །འཛམ་བུའི་གླིང་བའི་སེམས་ཅན་ཐམས་ཅད་ལོ་ཏོག་དང་། མེ་ཏོག་དང་། འབྲས་བུ་དང་། འདབ་མ་དང་། ཡལ་ག་བདེ་བར་
D759.096.0031b07.01