完整藏文原文 · 德格版页 当前仅加载第 96 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
བཟླས་པ་བྱས་ཏེ་ཕྱོགས་བཞིར་གཏོར་ཞིང་སྟེང་དང་འོག་ཏུ་ཡང་གཏོར་ན་སད་དང་། རླུང་དང་། སྤྲིན་དང་། སེར་བ་ཐམས་ཅད་ལ་ཀུན་ནས་དཔག་ཚད་ཚུན་ཆད་དུ་མཚམས་བཅད་པར་འགྱུར་རོ། །ཀླུ་མི་སྲུན་པ་ཐམས་ཅད་བཅིངས་པར་འགྱུར་རོ། །ཀླུ་
D759.096.0042a01.01ཐམས་ཅད་མི་འདའ་བར་འགྱུར་རོ། །བ་སེར་སྐྱའི་ལྕི་བ་ས་ལ་མ་ལྷུང་བར་བླངས་པ་དང་། དེ་ཉིད་ཀྱི་མར་དང་། འོ་མ་དང་། གཅིན་བླངས་ལ་སབ་ཏ་བྱིས་ཀ་དང་། བག་ཕྱེ་དང་། ཐམས་ཅད་བསྲེས་ལ་ལན་དགུ་བཅུ་རྩ་གཉིས་བཟླས་པ་བྱས་ཏེ། དེ་ནས་ཀླུ་མགོ་ལྔ་
D759.096.0042a02.01པ་བྱའོ། །མགོ་གདེངས་ཀ་ཅན་གྱི་སྐྱིལ་མོ་ཀྲུང་བཅས་པ་ལུས་གཅུས་པ་བྱས་ཏེ། ཙནྡན་དཀར་པོ་དང་། གུར་གུམ་གྱིས་ལུས་བཀྲུ་བར་བྱའོ། །སྟན་གཙང་མའི་སྟེང་དུ་བཞག་གོ། །དར་གྱི་ཅོད་པན་གྱིས་དབང་བསྐུར་རོ། །མེ་ཏོག་ཕྲེང་བ་གདགས་སོ། །དཀྱིལ་འཁོར་གྲུ་
D759.096.0042a03.01བཞི་པ་བྱས་ཏེ། མེ་ཏོག་སིལ་མ་གཏོར། བུམ་པ་གང་བ་བཞི་བཞག་གོ། །མདའ་བཞི་བཙུགས་ཏེ། དར་གྱི་བ་དན་དཀར་པོ་བཞི་གདགས་ཏེ། དཀྱིལ་འཁོར་གྱི་དབུས་སུ་གཏོར་མ་བཞག་གོ། །དཀྱིལ་འཁོར་གྲྭ་བཞིར་སེང་ལྡེང་གི་ཕུར་བུ་བཞི་བཅུགས་སོ། །
D759.096.0042a04.01ཚོན་སྣ་ལྔའི་སྐུད་པས་ལན་ལྔ་བསྐོར་རོ། །ཀུན་ལ་ཡང་ལན་ཉི་ཤུ་རྩ་གཅིག་བཟླས་ཏེ་ལས་བྱའོ། །བུམ་པའི་མགུལ་དར་གྱིས་བཅིང་ངོ་། །ན་ལ་དང་། སྲ་རྩི་པོག་དང་། རྒྱ་སྤོས་དང་། ཀུན་དུ་ར་དང་། སེན་མོ་དང་། ནཱ་ག་པུཥྤ་དང་། ཡུངས་ཀར་དཀར་པོ་དང་།
D759.096.0042a05.01ཤ་ཀ་ར་དང་བསྲེས་ལ་ལན་བརྒྱ་རྩ་བརྒྱད་བཟླས་ལ་བདུག་པར་བྱའོ། །བདུག་པ་འདི་སྦྱར་ལ། དེ་ནས་རིག་པ་འཛིན་པས་ཤིན་ཏུ་ཁྲུས་བྱས་ཏེ། གོས་གཙང་མ་གོན་ལ་སྔགས་འདི་ཉིད་ཀྱིས་ཉེ་རེག་དང་། བྲག་བཅིང་བ་དང་། མཚམས་བཅིང་བ་དང་། ཕྱོགས་
D759.096.0042a06.01བཅིང་བ་དང་། དཀྱིལ་འཁོར་བཅིང་བ་དང་། གོས་གདེགས་པ་དང་། བདག་བསྲུང་བ་དང་། ཁྲུས་བྱ་བ་རྣམས་བྱའོ། །ཀླུ་ཁ་ཤར་ཕྱོགས་སུ་བསྟན་ཏེ་བཞག་ལ། རིག་པ་འཛིན་པ་ཀླུ་ལ་བལྟས་ཏེ། སྐྱིལ་མོ་ཀྲུང་དུ་འདུག་ལ། སྔགས་འདི་ཉིད་ཀྱིས་དགུག་
D759.096.0042a07.01