完整藏文原文 · 德格版页 当前仅加载第 96 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
གཞི་ལ་བཞུགས་སོ། །ཀླུའི་དམ་ཚིག་ཅེས་བྱ་བ་ཆར་འབེབས་པའི་སྐབས་རྫོགས་{སྷོ,སོ}།། །།དེ་ནས་བཅོམ་ལྡན་འདས་ཚངས་པའི་ཁང་པ་བརྩེགས་པར་བཞུགས་པ་དང་། ལྷའི་ཚོགས་དུ་མ་ལྷགས་བྱང་ཆུབ་སེམས་དཔའི་འཁོར་ཆེན་པོ་ཡང་
D759.096.0038a01.01ལྷགས། ལྷ་རྣམས་ཀྱི་དབང་པོ་བརྒྱ་བྱིན་དང་། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། ཀླུའི་དབང་པོ་མཐུ་ཆེ་བ་ཐམས་ཅད་ཀྱང་ལྷགས། ནམ་མཁའི་ལྡིང་གི་དབང་པོ་དང་། རྒྱལ་པོ་ཆེན་པོ་གསེར་མིག་གི་འདབ་མ་ཅན། རྡོ་རྗེའི་མཆུ་ཅན་བདག་
D759.096.0038a02.01ཉིད་ཆེན་པོ་ལུས་འབར་ཞིང་ཁྲོ་བ་འཇིགས་སུ་རུང་བའི་རྩལ་ཅན་རིན་པོ་ཆེ་ཐ་དད་པ་སྣ་ཚོགས་དང་། མུ་ཏིག་དང་། གསེར་གྱིས་སྤྲས་པའི་ཅོད་པན་མགོ་ལ་ཐོགས་པ། གསེར་གྱིས་བཀླུབས་པ་དྲག་པོའི་གཟུགས་ཅན་འགྱིང་བར་བལྟ་བ། ཀླུའི་དབང་པོ་གདན་དུ་བཏིང་
D759.096.0038a03.01བ། གཡོག་འཁོར་མང་པོ་ཐམས་ཅད་དང་ལྷགས་སོ། །གནོད་སྦྱིན་གྱི་དབང་པོ་ལག་ན་རྡོ་རྗེ་གནོད་སྦྱིན་བྱེ་བ་དང་། རྡོ་རྗེ་འཛིན་གཡོག་འཁོར་རིག་འཛིན་སྟོང་ལྷགས་ཏེ། བཅོམ་ལྡན་འདས་ནི་ནོར་བུ་རིན་པོ་ཆེ་སྣ་ཚོགས་ཀྱིས་སྤྲས་པ། མུ་ཏིག་དམར་པོ་ཐ་དད་པ་
D759.096.0038a04.01མང་པོས་བརྒྱན་པའི་སེང་གེའི་ཁྲི་ལ་བཞུགས་པ། ཁང་པ་བརྩེགས་པ་ན་ཞམ་རིང་ཆེན་པོ་དང་། དེ་བཞིན་གཤེགས་པའི་བྱིན་གྱི་རླབས་ཆེན་པོས་བྱིན་གྱིས་བརླབས་པ་དང་ལྡན་པས་བཞུགས་ཏེ། བཅོམ་ལྡན་འདས་ནི་འོད་ཟེར་སྣ་ཚོགས་བྱེ་བ་ཁྲག་ཁྲིག་བརྒྱ་སྟོང་གིས་
D759.096.0038a05.01སྐུ་ནི་ཤིན་ཏུ་བརྒྱན། གསེར་གྱི་མཆོད་སྡོང་ལྟར་ནི་འབར། ཉི་མ་ལྟར་ནི་སྣང་། མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུ་མངའ་བ་འོད་འདོམ་གང་བས་ནི་སྐུ་ལེགས་པར་བརྒྱན། དེ་བཞིན་གཤེགས་པའི་སྐུ་ནི་ཤིན་ཏུ་རྣམ་པར་དག་ཅིང་ཤིན་ཏུ་དྲི་མ་དང་
D759.096.0038a06.01སྐྱོན་མེད་པའི་འོད་ནི་གསལ། དེ་ནས་བཅོམ་ལྡན་འདས་ཀྱིས་འཁོར་ཆེན་པོ་འདུས་པར་མཁྱེན་ནས་སྐུ་ལས་འོད་ཟེར་སྣ་ཚོགས་ཕྱུང་སྟེ་འོད་ཟེར་གྱི་སྣང་བ་དེས་ཕྱོགས་བཅུ་ཀུན་དུ་ཁྱབ་པར་མཛད་དོ། །དེ་ནས་ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོས་
D759.096.0038a07.01