完整藏文原文 · 德格版页 当前仅加载第 87 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྙིང་པོའི་ཕྱོགས་བཞིར་ད་ར་སྔོན་པོ་འཕྱང་བ་དང་། བཅུད་སྣ་ཚོགས་དང་། ཚུལ་སྣ་ཚོགས་གཞག་པར་བྱའོ། །བུམ་པ་གང་བ་བཞི་དང་། མར་མེ་སུམ་ཅུ་རྩ་གཉིས་དང་། འབྲས་བུ་དང་མེ་ཏོག་སྣ་ཚོགས་རྣམས་གཞག་པར་བྱའོ། །སངས་རྒྱས་བཅོམ་ལྡན་འདས་ཀྱི་ནི་གསེར་ལས་གྲུབ་
D506.087.0304b01.01པའི་བུམ་པ་གཞག་གོ། །སོ་སོར་དུ་རུ་སྐ་བསྲེག་པར་བྱའོ། །དཀྱིལ་འཁོར་གྱི་སྙིང་པོར་དངུལ་གྱི་རང་བཞིན་གྱི་བུམ་པ་གཞག་གོ། །རྡོ་རྗེ་འཛིན་པའི་བདུག་སྤོས་སོ། །ནོར་བུ་འཛིན་པའི་དུ་རུ་སྐ་དང་། ཙནྡན་དང་། མ་ཧཱ་རཱ་ཛྙཱ་དང་། ཀུན་དུ་རུ་དང་། ཀཱ་ཀ་བི་ཛ་དང་། སྤོས་དཀར་གྱི་བདུག་པའོ། །དཔལ་
D506.087.0304b02.01ལྷ་མོའི་ཙནྡ་ནོ། །དུང་ཅན་མའི་གུ་གུལ་ལོ། །ཕོ་ཉ་མོའི་ཤ་ལའི་བདུག་སྤོས་ཏེ་སོ་སོར་བསྲེག་པར་བྱའོ། །གཏོར་མ་ཡང་སྦྱིན་ནོ། །དཀྱིལ་འཁོར་གྱི་སྙིང་པོའི་བྱ་བའོ། །ཕྱི་རོལ་གྱི་དཀྱིལ་འཁོར་ནི་སྒོ་བཞི་རྣམ་པར་འབྱེས་ཤིང་ཆ་མཛེས་པ་བཀྲ་ཤིས་ཀྱི་སྒོ་བཞི་གནས་པ་བྱའོ། །ཤར་གྱི་སྒོར་
D506.087.0304b03.01ཁྱབ་འཇུག་འཁོར་དང་བཅས་པའོ། །ལྷོར་དབང་ཕྱུག་ཆེན་པོའོ། །ནུབ་ཏུ་མེ་ཏོག་སོ་ཞེས་བྱ་བའི་གནོད་སྦྱིན་མོའོ། །བྱང་དུ་འཇིགས་བྱེད་མ་ཞེས་བྱ་བའི་ལྷ་མོ་ངོ་ཚ་དང་བཅས་པ་བྱ་སྟེ། ན་ཆུང་བདུན་དང་བཅས་པའོ། །དེ་ནས་ཕུར་བུ་སུམ་ཅུ་སོ་གཉིས་གདབ་པར་བྱས་ལ་ཁ་དོག་ལྔའི་སྐུད་པས་ཕུར་
D506.087.0304b04.01བུ་བཅིང་ངོ་། །ཟུར་བཞི་མཉམ་པར་ཁ་དོག་ལྔའི་བ་དན་གྱིས་བརྒྱན་ནོ། །མེ་ཏོག་སྣ་ཚོགས་དགྲམ་པ་དང་། གཏོར་མ་དང་། མེ་ཏོག་སྣ་ཚོགས་རྣམས་མ་འཁྲུགས་པ་མཉམ་པར་བྱའོ། །བཅུད་སྣ་ཚོགས་འཕྲོག་པའི་སྣོད་བདུན་གཞག་གོ། །རྫའི་སྣོད་སུམ་ཅུ་རྩ་གཉིས་དང་། ཕྱེ་མའི་སྣོད་སུམ་ཅུ་
D506.087.0304b05.01རྩ་གཉིས་དང་། པོག་ཕོར་སུམ་ཅུ་རྩ་གཉིས་དང་། མར་མེ་བརྒྱ་རྩ་བརྒྱད་གཞག་པར་བྱའོ། །ཕྲེང་བ་བརྒྱ་རྩ་བརྒྱད་དང་། དྲི་ཡིས་གང་བ་སྣ་ཚོགས་གཞག་པར་བྱའོ། །བདུག་པ་དང་ཀུན་དུ་རུ་སྣ་ཚོགས་སྲེག་གོ། །དེ་ནས་སྒོ་ནས་འཇུག་པ་ལ་དྲི་ཡིས་གང་བའི་བུམ་པ་གཉིས་བཞག་ལ། ཇི་ལྟར་
D506.087.0304b06.01རྙེད་པའི་གཏོར་མ་བྱིན་ནས་ཇི་ལྟ་བ་བཞིན་དུ་གཞུག་པའི་ཆོ་ག་ལ་སྤྱད་ལ། དེ་ནས་ཨོཾ་མ་ཎི་བི་པུ་ལ་པྲ་ཏིཥྛི་ཏ་སིདྡྷེ་ཨ་བྷི་ཥིཉྩ་ཡ་མཾ་སརྦྦ་ཏ་ཐཱ་ག་ཏ་ཨ་བྷི་ཥེ་ཀཻརྦྷ་ར་བྷ་ར་སྃ་བྷ་ར་སཾ་བྷ་ར་ཧཱུྃ། ཇི་ལྟ་བ་བཞིན་དུ་སྔགས་འདིས་དབང་བསྐུར་ན་དེ་བཞིན་གཤེགས་པ་ཐམས་ཅད་ཀྱིས་དབུགས་འབྱིན་པ་དང་།
D506.087.0304b07.01