完整藏文原文 · 德格版页 当前仅加载第 87 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཁྱོད་དེ་བཞིན་གཤེགས་པ་ནོར་བུ་བཟང་པོ་རྣམ་པར་བཀྲ་བ་རབ་གནས་གཙང་མ་དེ་གཟིགས་པ་དང་། ཕྱག་བགྱི་བ་དང་། བསྙེན་བཀུར་བགྱི་ཞིང་བཞུད་པའི་དུས་ལ་བབ་ཀྱི་བཞུད་ལ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་
D506.087.0290a01.01པ་གསང་བ་ཞེས་བགྱི་བའི་གཟུངས་དེ་ཡང་རྒྱས་པར་གསོན་ཅིག །བཅོམ་ལྡན་འདས་གཟུངས་དེ་ནི་མཐུ་ཆེ་ཞིང་ཕན་ཡོན་ཆེ་བ་ལགས་སོ། །གཟུངས་དེ་ནི་སྔོན་གྱི་དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་པ་ལགས་ཏེ། གང་ལ་ལ་ཞིག་ཉན་ཏམ། ཆུང་ངུ་ན་
D506.087.0290a02.01མིང་ངམ། ལག་པས་རེག་ན་ཡང་ཕྱིར་མི་ལྡོག་པར་འགྱུར་ཞིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ནས་བཅོམ་ལྡན་འདས་ཀྱིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ནས་གཤེགས་པའི་སངས་
D506.087.0290a03.01རྒྱས་བཅོམ་ལྡན་འདས་རྣམས་ཀྱིས་གསོལ་བ་བཏབ་པར་ཐུགས་སུ་ཆུད་ནས་ཡང་འོད་ཟེར་བྱེ་བ་ཁྲག་ཁྲིག་བརྒྱ་སྟོང་བཀྱེ་སྟེ། ཇི་ལྟར་ལྷགས་པའི་འཁོར་དེ་ལ་བོས་ནས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཚུར་ཤེག །དེ་བཞིན་གཤེགས་པའི་བརྡ་བྱུང་བ་ནི་འདི་
D506.087.0290a04.01ཡིན་ནོ། །དེ་ནས་བཅོམ་ལྡན་འདས་ཉིད་ཀྱིས་གདན་ལས་བཞེངས་པ་དང་། ཁང་པ་བརྩེགས་མ་དེའི་དབུས་སུ་རྡོ་རྗེའི་སེང་གེའི་ཁྲི་བྱུང་ནས། ཁྲི་དེའི་སྟེང་དུ་རིན་པོ་ཆེའི་པདྨ་བཀྲ་བ། བལྟ་ན་སྡུག་པ། ཡིད་དུ་འོང་བ། སྡོང་བུ་ནི་གསེར། པདྨའི་སྙིང་པོ་ནི་མུ་ཏིག་
D506.087.0290a05.01དམར་པོ་ཅན་ཞིག་བྱུང་སྟེ། དེ་ལ་བཅོམ་ལྡན་འདས་བཞུགས་སོ། །བཅོམ་ལྡན་འདས་བཞུགས་མ་ཐག་ཏུ་ས་ཆེན་པོ་འདི་ཆེ་ཐང་དུ་གཡོས་པར་གྱུར་ཏོ། །བཅོམ་ལྡན་འདས་ཀྱང་ནོར་བུ་ཆེན་པོ་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འཁོར་ཐམས་ཅད་
D506.087.0290a06.01དབུགས་ཕྱུང་ནས་སྟེང་གི་ནམ་མཁའི་དཀྱིལ་དུ་འཁོར་གྱི་དཀྱིལ་འཁོར་ཐམས་ཅད་འཁོད་དེ། འཁོར་མང་པོ་དང་། འཁོད་པ་ཆེན་པོ་དང་། སངས་རྒྱས་ཀྱི་བྱིན་གྱི་རླབས་ཆེན་པོ་དང་། རྣམ་པར་སྤྲུལ་པ་དང་། བྱང་ཆུབ་སེམས་དཔའ་མང་པོའི་འཁོར་དང་། ལྷ་དང་།
D506.087.0290a07.01