完整藏文原文 · 德格版页 当前仅加载第 87 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ལ་མཆོད་པ་བྱེད་དོ། །འཁོར་ཆེན་པོ་ཡང་འདུས་པར་གྱུར་ཏོ། །འཁོར་ལོས་སྒྱུར་བའི་རྒྱལ་པོ་ཆེན་པོ་དེ་ཡང་བློན་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མའི་འཁོར་དང་། བཙུན་མོའི་ཚོགས་ཀྱི་འཁོར་དང་བཅས་ཤིང་བུ་སྟོང་དུ་གཅིག་གིས་མ་ཚང་བས་ཡོངས་སུ་
D506.087.0298b01.01བསྐོར་ཏེ། མདུན་གྱིས་བལྟས་སོ། །ས་དེ་ཡང་རྡོ་རྗེའི་རང་བཞིན་དུ་གྱུར་ཏོ། །དེ་ནས་འཁོར་ཆེན་པོ་དེ་ཉིད་ཀྱི་དབུས་བཅོམ་ལྡན་འདས་ཀྱི་སྤྱན་སྔར་ས་ལ་བརྟོལ་ནས་རིན་པོ་ཆེ་སྣ་བདུན་གྱི་པདྨ་འདབ་མ་སྟོང་པ་ཞིག་བྱུང་སྟེ། པདྨ་དེའི་སྟེང་དུ་འཛམ་བུ་ཆུ་བོའི་གསེར་ལས་
D506.087.0298b02.01བྱས་པའི་འཁོར་ལོ་རྩིབས་སྟོང་པ། མུ་ཁྱུད་དང་བཅས་པ། ལྟེ་བ་དང་བཅས་པ། ལྷག་པའི་འོད་འཕྲོ་བ། ཉི་མ་བཞིན་དུ་གསལ་བ་ཞིག་བྱུང་ངོ་། །དེའི་འོད་ཀྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བར་བྱས་ནས། འཁོར་ལོ་དེའི་ལྟེ་བའི་
D506.087.0298b03.01ནང་ནས་སྒྲ་བྱུང་བ། ཤཱཀྱ་ཐུབ་པ་གང་འདི་འདྲ་བའི་གཟུངས་ཀྱི་གསང་བ་རྣམས་གསུངས་པ་ནི་ལེགས་སོ་ལེགས་སོ། །ཆོས་ཀྱི་འཁོར་ལོ་བསྐོར་བའི་རིག་སྔགས་ཀྱི་རྒྱལ་པོ། །བྱང་ཆུབ་ཆེན་པོའི་སྙིང་པོར་གཤེགས་པའི་རིག་སྔགས། དེ་བཞིན་གཤེགས་པ་ཐམས་
D506.087.0298b04.01ཅད་ཀྱི་རིག་སྔགས་ཀྱི་སྙིང་པོ། དེ་བཞིན་གཤེགས་པ་རྣམས་ཀྱི་ཡང་དག་པའི་ཚུལ་གྱི་རིག་སྔགས་ཀྱི་སྙིང་པོ་འདི། བཅོམ་ལྡན་འདས་ཡང་གསུངས་ཤིག །ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་ཞེས་བྱ་བའི་གཟུངས་གསུངས་
D506.087.0298b05.01ཤིག་དང་། །བཅོམ་ལྡན་འདས་ཀྱིས་བསྐུལ་བའི་སྙིང་པོ་དང་ལྡན་པ་ཞེས་བྱ་བའི་གཟུངས་གསུངས་ཏེ། དེ་བཞིན་གཤེགས་པ་ཐམས་ཅད་བསྐུལ་ཅིང་འཁོར་གྱི་དཀྱིལ་འཁོར་ཆེན་པོ་འདུས་པས་བཅོམ་ལྡན་འདས་དེ་བཞིན་གཤེགས་པའི་གསང་བའི་གསུངས་བའི་དུས་ནི་འདི་
D506.087.0298b06.01ལགས་སོ། །བཅོམ་ལྡན་འདས་འདི་ནི་སངས་རྒྱས་ཉིད་བསྒྲུབ་པའི་རྩ་བ། སྡིག་པ་ཐམས་ཅད་སེལ་བ། སྡུག་བསྔལ་ཐམས་ཅད་ཀྱི་མཚོ་སྐེམས་པ། འཁོར་བའི་འབྲོག་དགོན་པ་ལས་ངེས་པར་འབྱིན་པ་ལགས། འདི་ནི་ཆུ་བོ་ཆེན་པོ་ལས་སྒྲོལ་བ་ལགས་ཏེ།
D506.087.0298b07.01