完整藏文原文 · 德格版页 当前仅加载第 87 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
མཁྱེན་པར་བགྱིས་ལགས་སམ། བཅོམ་ལྡན་འདས་ཁྱོད་ཀྱིས་དེང་འཛམ་བུའི་གླིང་དུ་ཆོས་ཀྱི་འཁོར་ལོ་ཆོས་ཀྱི་གཏེར་ལན་གཉིས་ལན་གསུམ་དུ་བསྐོར་བ་མཛོད་ཅིག །བཅོམ་ལྡན་འདས་ཀྱིས་ཚིག་འདི་གསུངས་མ་ཐག་ཏུ། སངས་རྒྱས་ཀྱི་ཞིང་འཇིག་རྟེན་གྱི་
D506.087.0291a01.01ཁམས་དེ་ཐམས་ཅད་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་དུ་རབ་ཏུ་གཡོས། འགུལ། རབ་ཏུ་འགུལ། ཀུན་དུ་རབ་ཏུ་འགུལ། ལྡེག །རབ་ཏུ་ལྡེག །ཀུན་ཏུ་རབ་ཏུ་ལྡེག །འུར་འུར། རབ་ཏུ་འུར་འུར། ཀུན་དུ་རབ་ཏུ་འུར་འུར། ཆེམ་ཆེམ། རབ་ཏུ་
D506.087.0291a02.01ཆེམ་ཆེམ། ཀུན་ཏུ་རབ་ཏུ་ཆེམ་ཆེམ་སྟེ། མེ་ཏོག་གི་ཆར་ཆེན་པོ་ཡང་རབ་ཏུ་འབབ། རྫུ་འཕྲུལ་གྱི་ཆོ་འཕྲུལ་ཆེན་པོ་ཡང་སྣང་། སིལ་སྙན་རྣམས་ཀྱང་མ་དཀྲོལ་བར་སྒྲ་འབྱིན། སྟེང་གི་ནམ་མཁའི་བར་སྣང་གི་ལྷའི་བུ་རྣམས་ཀྱང་ལྷའི་སིལ་སྙན་ཤིན་ཏུ་ཡིད་དུ་འོང་བ། ཡན་ལག་
D506.087.0291a03.01ལྔ་པ་དག་དཀྲོལ་བར་བྱེད། ཀླུ་ཆེན་པོ་གང་དག་ཡིན་པ་དེ་དག་ཐམས་ཅད་ཀྱང་རིན་པོ་ཆེ་སྣ་ཚོགས་ཀྱི་ཆར་རབ་ཏུ་འབེབས་པར་བྱེད། དྲིའི་ཕྱེ་མ་སྣ་ཚོགས་དང་། ཙནྡན་གྱི་ཆུ་སྣ་ཚོགས་ཀྱི་ཆར་ཡང་འབེབས་པར་བྱེད། གོས་སྣ་ཚོགས་དང་། རྒྱན་དང་། ལྷབ་ལྷུབ་སྣ་ཚོགས་ཀྱི་
D506.087.0291a04.01ཆར་ཡང་རབ་ཏུ་འབེབས་པར་བྱེད། ལྷའི་མུ་ཏིག་དམར་པོ་དང་། སྤུག་དང་། ནོར་བུ་རིན་པོ་ཆེ་ཆེན་པོ་རྣམ་པར་སྣང་བྱེད་དང་། ནོར་བུ་རིན་པོ་ཆེ་ཆེན་པོ་ཉི་མའི་སྙིང་པོ་དང་། ཆུ་ཤེལ་དང་། མེ་ཤེལ་དང་། དཔལ་གྱི་སྙིང་པོའི་ཆར་ཡང་རབ་ཏུ་འབེབས་པར་བྱེད། ལྷའི་མེ་
D506.087.0291a05.01ཏོག་ཨུ་ཏྤལ་དང་། པདྨ་དང་། ཀུ་མུ་ད་དང་། པདྨ་དཀར་པོ་དང་། མན་དཱ་ར་བ་དང་། མན་དཱ་ར་བ་ཆེན་པོའི་ཆར་ཡང་རབ་ཏུ་འབེབས་པར་བྱེད། ལྷའི་འཛམ་བུ་ཆུ་བོའི་གསེར་ལས་བྱུང་བའི་མེ་ཏོག་དང་། ལྷའི་དངུལ་ལས་བྱུང་བའི་མེ་ཏོག་གི་ཆར་ཡང་རབ་ཏུ་འབེབས་པར་
D506.087.0291a06.01བྱེད། ལྷའི་མེ་ཏོག་གི་ཕྲེང་བའི་ཆར་ཡང་རབ་ཏུ་འབེབས་པར་བྱེད། ནམ་མཁའི་དཀྱིལ་ན་གནས་པའི་ལྷའི་བུ་རྣམས་ཀྱང་ཨ་ལ་ལ་ཞེས་སྒྲ་སྙན་པར་འབྱིན་ཅིང་དབྱངས་ཀྱང་རྗེས་སུ་སྒྲོགས་པར་བྱེད། ལེགས་སོ་ཞེས་བྱ་བ་ཡང་སྦྱིན་པར་བྱེད། བཅོམ་ལྡན་འདས་ཤཱཀྱ་
D506.087.0291a07.01