完整藏文原文 · 德格版页 当前仅加载第 87 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་པ་དང་། རྒྱ་མཚོའི་རིན་པོ་ཆེ་ལ་སོགས་པ་ཉམས་དགའ་བ། བདག་པོ་མེད་ཅིང་ཡོངས་སུ་བཟུང་བ་མེད་པ་མ་ལུས་པ་དེ་དག་དང་། སེམས་ཅན་གྱི་ཁམས་ན་ཡོད་པ་དེ་དག་དུས་ཐམས་ཅད་དུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡོངས་སུ་བསྔོ་བར་བྱའོ། །
D502.087.0234b01.01ཡོངས་སུ་བསྔོས་ནས་བདག་གི་བསོད་ནམས་ཀྱི་སྟོབས་དང་། དེ་བཞིན་གཤེགས་པ་རྣམས་ཀྱི་བྱིན་གྱི་རླབས་ཀྱིས། མཆོད་པའི་སྤྲིན་རབ་འབྱམ་མཆོག་ཏུ་རྒྱ་ཆེ་བ། ཆོས་ཀྱི་དབྱིངས་རྒྱས་པར་འགེངས་པ་རྣམས་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་
D502.087.0234b02.01རབ་ཏུ་འབྱུང་བར་གྱུར་ཅིག་ཅེས་བརྗོད་ལ། དེ་ལྟ་བུའི་མཆོད་པའི་སྤྲིན་འབྱུང་བར་བྱེད་པའི་རིག་པའི་རྒྱལ་མོ་འདི་ཡང་བརྗོད་པར་བྱ་སྟེ། ན་མཿསརྦ་བུདྡྷ་བོ་དྷི་སཏྭཱ་ནཱཾ། སརྦ་ཏ་ཐཱ་ག་ཏེ་ཨདྷི་ཥྛི་ཏེ། ག་ག་ན་ཁཾ་བྷོ་སྥ་ར་ས་མནྟེ་ན་སྭཱ་ཧཱ། ཞེས་ལན་བརྒྱད་ཀྱི་བར་དུ་བརྗོད་པར་བྱའོ། །
D502.087.0234b03.01ལྷག་མ་ཡང་ཅི་ཙམ་འདོད་པ་བརྗོད་པར་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་མཆོད་པ་ཅི་ལྟ་བ་བཞིན་དུ་ཡང་དག་པར་གནས་པར་འགྱུར་ཞིང་བྱིན་གྱིས་རློབ་ལ་མཁྱེན་པར་ཡང་འགྱུར་རོ། །དེ་ནས་བདག་གི་བསོད་ནམས་ཀྱི་སྟོབས་ཀྱིས་སངས་རྒྱས་དང་བྱང་
D502.087.0234b04.01བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་བསྔགས་པའི་རྒྱ་མཚོ་གླུ་དབྱངས་མཆོག་རྒྱ་ཆེ་བ་རབ་འབྱམ་རྣམས་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་འབྱུང་བར་གྱུར་ཅིག་ཅེས་བརྗོད་ལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་བསྔགས་པ་དང་།
D502.087.0234b05.01ཆོས་སྒྲོགས་པའི་དབྱངས་འབྱུང་བར་བྱེད་པའི་རིག་པའི་རྒྱལ་མོ་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། སརྦ་ཏྲ་སྃ་ཀུ་སུ་མི་ཏ་ཨ་བྷི་ཛྙཱ་ཏ་རཱ་ཤི་ནི། ན་མོ་སྟུ་ཏེ་སྭཱ་ཧཱ། དེ་ལྟར་དོན་ཡོད་པ་འདི་ལ་མངོན་པར་དད་པར་བྱས་ནས་བསྒྲུབས་ན་དེ་བཞིན་དུ་འདིར་
D502.087.0234b06.01འབྱུང་བར་འགྱུར་རོ། །དེ་ནས་བླ་ན་མེད་པའི་བསོད་ནམས་དང་ཡེ་ཤེས་ཀྱི་ཚོགས་དེ་དག་ཐམས་ཅད་ཡང་དག་པར་རྫོགས་པའི་བྱང་ཆུབ་ཏུ་བསྔོ་བར་བྱའོ། །དེ་ནས་ཚད་མེད་པའི་སེམས་བསྐྱེད་པ་གང་ཡང་རུང་བའི་ལྷག་པའི་བསམ་པས་སེམས་བསྐྱེད་ལ་སྔགས་བཟླས་ཤིང་། དེ་སྔ་
D502.087.0234b07.01