完整藏文原文 · 德格版页 当前仅加载第 87 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །རྡོ་རྗེ་འཛིན་གྱི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །འདི་ལ་ཡང་ལས་དེ་དག་ཐམས་ཅད་སྦྱར་བར་བྱ་བའམ། དེ་བཞིན་གཤེགས་པའི་ཆོ་གས་སམ། རིག་པ་མཆོག་གི་ཆོ་གས་སྦྱར་བའམ། ཇི་ལྟར་མངོན་པར་འདོད་པས་སམ། རྟོག་པ་གཞན་གྱི་ཆོ་གས་ཀྱང་བསྒྲུབ་
D502.087.0206b01.01པར་བྱ་སྟེ། ཐེ་ཚོམ་དང་བྲལ་བའི་དད་པས་བྱའོ། །ཐོགས་པ་མེད་པ་དོན་ཡོད་པར་གྲུབ་པ་རིག་པའི་རྒྱལ་མོ་ཆེན་མོའི་རྩེ་མོ་འདིས་ཁ་ཅིག་ལ་ནི་མཚན་གཅིག་གིས་དངོས་གྲུབ་འབྱུང་བར་འགྱུར་རོ། །ཁ་ཅིག་ལ་ནི་ནུབ་གཉིས་ནའོ། །ཁ་ཅིག་ལ་ནི་ནུབ་གསུམ་ནའོ། །ཁ་ཅིག་ལ་ནི་ཟླ་བ་ཙམ་
D502.087.0206b02.01གྱིས་ངེས་པར་དངོས་གྲུབ་འབྱུང་བར་འགྱུར་རོ། །འདིར་ཡང་སྔ་མ་བཞིན་དུ་ཕན་ཡོན་ཡོད་པར་ཤེས་པར་བྱའོ། །འདི་ལ་ནི་ཚུལ་ཁྲིམས་དང་ལྡན་ཡང་རུང་། ཚུལ་ཁྲིམས་དང་མི་ལྡན་པ་ཡང་རུང་། བསོད་ནམས་དང་ལྡན་ཡང་རུང་། བསོད་ནམས་དང་མི་ལྡན་ཡང་རུང་འགྲུབ་པར་འགྱུར་ཏེ།
D502.087.0206b03.01གཞན་དུ་ན་དད་པ་མེད་པ་དང་། བྱང་ཆུབ་ཏུ་སེམས་མ་བསྐྱེད་པ་ནི་མ་གཏོགས་སོ། །ཐོགས་པ་མེད་པ་དོན་ཡོད་པར་གྲུབ་པ་རིག་པའི་རྒྱལ་མོ་རབ་འབྱམ་རིམ་པར་ཕྱེ་བའོ།། །།དེ་ནས་བཅོམ་ལྡན་འདས་འབར་བའི་རྩེ་མོ་ཀུན་དུ་མཐའ་ཡས་པ་ཞེས་བྱ་བའི་གད་མོ་སྤྱི་གཙུག་ནས་གྲགས་པས་མཐར་
D502.087.0206b04.01ཐུག་པ་མེད་པའི་ཆོས་ཀྱི་དབྱིངས་མཐའ་ཡས་པའི་རྣམ་པར་རོལ་པའི་སྤྱོད་ཡུལ་ཅན། གཙུག་ཏོར་གྱི་ཡང་གཙུག་ཏོར་དཀྱིལ་འཁོར་གྱི་བདག་པོ་རིག་པ་བྱུང་བར་གྱུར་ཏོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨ་གྲཱ་ཨ་གྲཱ་བི་ཥ་ཡེ། ས་མ་ས་མ། བར་བར། དེང་ཡཾ་ཀུ་རུ། ཨརྠ་སིདྡྷི། ཛྭཱ་ལ་ན་མཿ།
D502.087.0206b05.01ཨ་པྲ་ཏི་ཧ་ཏོ་ཥྞཱི་ཥཱཎཱཾ། ཨ་ཏི་ཨ་ཏི་སྭཱ་ཧཱ། སངས་རྒྱས་ཐམས་ཅད་ཀྱི་གཙུག་ཏོར་དང་གཞན་དག་ལས་ཀྱང་ཐོགས་པ་མེད་པར་གཙུག་ཏོར་གྱི་རྩེ་མོ་ཞེས་བྱ་བ་གསུངས་པ་ན་མཐའ་ཡས་ཤིང་ཡངས་པའི་ངོ་མཚར་བྱུང་བས་ཐམས་ཅད་གཡོས་པར་གྱུར་ཏོ། །དེ་ནས་ཤར་ཕྱོགས་ལགས་ནས་དེ་
D502.087.0206b06.01བཞིན་གཤེགས་པ་མཐའ་ཡས་པ་དྲི་མ་མེད་པ་ཞེས་བྱ་བས་དེ་བཞིན་དུ་འོད་ཀྱི་སྣང་བར་བྱེད་པ་ཞེས་བྱ་བའི་རིག་སྔགས་འདི་གསུངས་ཤིང་ཐོས་པར་གྱུར་ཏོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨ་གྲ་བི་མ་ལེ་ན་མཿ། ཨ་གྲཱ་བི་མནྜ་ལེ་ན་མཿ། ཨ་གྲི་ཡ་ཨ་གྲ་སྭཱ་དེ་ནཱ་མཿ། སིདྡྷྱ་ཨ་གྲ་ཡེ་ཀེ་
D502.087.0206b07.01