完整藏文原文 · 德格版页 当前仅加载第 87 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
མི་སྣང་བར་གྱུར་གྱི་བར་དུ་བཟླས་པ་བྱའོ། །དུར་ཁྲོད་དུ་དཀྱིལ་འཁོར་བྱས་ནས་ཁམ་ཕོར་མ་བསྲེགས་པ་ཁ་སྦྱར་ཐལ་བས་བཀང་ནས་དུ་བ་བྱུང་གི་བར་དུ་བཟླས་པ་བྱས་ལ་དེ་ཆུ་གསུམ་བྱས་ནས་མི་སྣང་བར་འགྱུར་རོ། །བྱང་ཆུབ་སེམས་དཔའ་དགུག་པ་དང་། ལྷ་དང་ཀླུ་དགུག་པ་
D502.087.0200b01.01ནི་ནུབ་གཅིག་གིས་འགྲུབ་པར་འགྱུར་རོ། །མདོར་བསྡུས་ན་རིག་པ་མཆོག་འདི་དག་གིས་ནི་འདོད་པ་ཕུན་སུམ་ཚོགས་པ་བྱེད་པ་ཡིན་ནོ། །ཡིད་ལ་གང་འདོད་པའི་ཆོ་གས་ཇི་ལྟར་བསྒྲུབས་པ་དེ་དེ་ལྟར་འགྲུབ་པར་འགྱུར་རོ་ཞེས་མཁས་པས་བརྟགས་ལ། འདི་ལ་བྱང་ཆུབ་
D502.087.0200b02.01སེམས་དཔའི་ཐེག་པ་པས་སོམ་ཉི་མི་བྱའོ། །དེ་ནས་འདིའི་ཐུན་མོང་གི་རས་རིས་བསྟན་པར་བྱ་སྟེ། བཅོམ་ལྡན་འདས་རིན་པོ་ཆེའི་པདྨ་ལ་བཞུགས་པའོ། །གཡས་སུ་ནི་འཕགས་པ་ཕྱག་ན་རྡོ་རྗེའོ། །ལྷ་མོ་རྒྱན་ཐམས་ཅད་ཀྱིས་བརྒྱན་པ་རལ་པ་དང་བཅས་པ་གསེར་
D502.087.0200b03.01གྱི་མདོག་ཅན་ཐམས་ཅད་རིག་པའི་མཆོག་ཅེས་བྱ་བའམ། དྲི་མ་མེད་པ་རྣམ་པར་གནོན་པའི་གཟི་བརྗིད་ཅེས་བྱ་བ་ཡང་རུང་འདི་ལྟ་བུའི་བཅོམ་ལྡན་འདས་མ་འོད་ཀྱི་ཕྲེང་བ་དང་བཅས་པ་བྲི་བར་བྱ་སྟེ། བྲག་ལ་གནས་པའི་པདྨའི་སྡོང་བུ་ལ་བཞུགས་པའོ། །ལྷ་མོའི་
D502.087.0200b04.01འོག་ཏུ་ནི་དེ་བཞིན་དུ་བགེགས་ཐམས་ཅད་ཚར་གཅོད་པའི་གཡོག་མོ་མཐའ་ཡས་ཞེས་བྱ་བ་བྲིའོ། །ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །ཡང་ན་རས་རིས་ནི་ཇི་ལྟར་འདོད་པ་དེ་ལྟ་བུ་བྲི་བར་བྱ་སྟེ། སངས་རྒྱས་བཅོམ་ལྡན་འདས་རྣམས་དང་། བྱང་
D502.087.0200b05.01ཆུབ་སེམས་དཔའ་རྣམས་ཀྱི་གཟུགས་ཀྱི་སྐུ་ནི་མཐའ་ཡས་པ་ཡིན་པའི་ཕྱིར་རོ། །རྟོག་པ་དང་ལྡན་ཞིང་ཐབས་ལ་མཁས་པ་རྣམས་ཀྱིས་ནི་རས་རིས་ཀྱི་ཆོ་ག་མེད་པའམ། མཆོད་པ་མེད་པར་ཡང་འགྲུབ་བོ། །གསང་སྔགས་ཀྱི་སྒོར་སྤྱོད་པའི་བྱང་ཆུབ་སེམས་དཔའི་སྤྱོད་པའི་
D502.087.0200b06.01རིག་པ་མཆོག་གི་རྒྱལ་པོ་བསྡུས་པའི་ལེའུ་རབ་འབྱམ་རྫོགས་སོ།། །།དེ་ནས་གསང་བ་པའི་བདག་པོ་ལག་ན་རྡོ་རྗེ་བསྟན་པ་དོན་ཡོད་པའི་དངོས་གྲུབ་རབ་ཏུ་འབྱུང་བར་བྱ་བའི་ཕྱིར། བཅོམ་ལྡན་འདས་ཀྱི་སྤྱན་སྔར་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་རྒྱ་མཚོ་
D502.087.0200b07.01