完整藏文原文 · 德格版页 当前仅加载第 87 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
སྲིད་གནོད་སྦྱིན་དུ་གྱུར་གྱི་བར་དུ་བཟླས་པ་བྱས་ལ་མྱ་ངན་མེད་ཀྱི་ཤིང་གི་རྩ་བར་འདུག་སྟེ་ཇི་སྲིད་གནོད་སྦྱིན་མོ་འོང་བར་གྱུར་གྱི་བར་དུ་བཟླས་པར་བྱའོ། །འོངས་ནས་ཅི་ཞིག་བགྱི་ཞེས་ཟེར་ན། གང་འདོད་པ་སྨྲས་ན་ཐམས་ཅད་བྱེད་པར་འགྱུར་ཞིང་འཁྱུད་ནས་རང་གི་ཁྱིམ་དུ་འཇུག་པར་
D502.087.0199b01.01འགྱུར་རོ། །པླྐཀྵའི་ཤིང་གི་རྩ་བར་མེ་ཏོག་སིལ་མ་བཀྲམ་པའི་དཀྱིལ་འཁོར་ལ་ལྷའི་བཞོན་པ་བྲིས་ལ། ཇི་སྲིད་འབར་བར་གྱུར་གྱི་བར་དུ་བཟླས་ན་རིག་པ་འཛིན་པར་འགྱུར་རོ། །རིའི་གསེབ་ཏུ་སེང་གེའམ། རྟ་བྲིས་ནས་དེ་ཉིད་དུ་འདུག་སྟེ། ཇི་སྲིད་འབར་བར་གྱུར་གྱི་བར་དུ་བཟླས་
D502.087.0199b02.01པ་བྱའོ། །དེ་བཞིན་དུ་གླང་པོ་ཆེ་དང་། མ་ཧེ་དང་། ལུག་དང་། ར་དང་། ངང་པ་དང་། རྨ་བྱ་ལ་སོགས་པ་བྲིས་ནས་མེ་ཏོག་སིལ་མས་བརྒྱན་པའི་དཀྱིལ་འཁོར་བྱས་ནས་མཚན་མོ་རངས་པ་བཟླས་པར་བྱའོ། །གལ་ཏེ་མཚན་མོ་དེ་ལ་མ་གྲུབ་ན་ཡང་བསྒྲུབ་པར་བྱ་སྟེ། སངས་
D502.087.0199b03.01རྒྱས་རྗེས་སུ་དྲན་བཞིན་དུ་ལྷ་ཆེན་པོའི་ཁང་པར་ཞུགས་ནས་ཅི་སྲིད་ལྷ་ཆེན་པོ་རང་གི་གཟུགས་ཀྱིས་འོང་བར་གྱུར་གྱི་བར་དུ་བཟླས་པ་བྱའོ། །དེ་ནས་དེ་ཉིད་དུ་ཉལ་ན་འོངས་ནས་གང་སྨྲས་པ་དེ་བྱེད་པར་འགྱུར་རོ། །སྲེད་མེད་ཀྱི་བུའི་གཟུགས་བརྙན་ལག་ཏུ་ཐོགས་ནས་ཇི་སྲིད་སྲེད་མེད་
D502.087.0199b04.01ཀྱི་བུ་འོང་གི་བར་དུ་བཟླས་པ་བྱས་ན་འོངས་ནས་གང་སྨྲས་པ་དེ་བྱེད་པར་འགྱུར་རོ། །ལྷ་གང་གི་ཁང་པར་བཟླས་པའི་ལྷ་དེ་ཟླ་བ་ཕྱེད་ཀྱི་ནང་དུ་ངེས་པར་འོང་བར་འགྱུར་བའམ། ཡང་ན་བསྐམས་པར་འགྱུར་རོ། །ཡར་ངོའི་བརྒྱད་དམ་བཅུ་བཞི་ལ་བ་བླ་བླངས་ནས་ལྷ་ཆེན་པོའི་བྱང་
D502.087.0199b05.01ཕྱོགས་སུ་ཀུ་ཤའི་ཆངས་བུ་ལ་ཉེ་བར་འདུག་ནས་ཅི་སྲིད་འབར་བར་གྱུར་གྱི་བར་དུ་བཟླས་པ་བྱས་ན་དེ་ནས་རིག་པ་འཛིན་པར་འགྱུར་བའམ། མི་སྣང་བར་འགྱུར་རོ། །རྣམ་ཐོས་ཀྱི་བུ་བྲིས་ནས་ཇི་སྲིད་མདུན་དུ་འོངས་ནས་མཆོག་སྩོལ་བར་གྱུར་གྱི་བར་དུ་བཟླས་པ་བྱའོ། །ཀླུའི་
D502.087.0199b06.01གནས་མཚེ་འུར་ཇི་སྲིད་ཀླུ་རྣམས་གྱེན་དུ་འཕགས་ཀྱི་བར་དུ་བཟླས་པ་བྱའོ། །གལ་ཏེ་ལྡང་བར་མ་གྱུར་ན་ཕུབ་མའི་མེ་ལ་ལྕགས་ཀྱི་སྣོད་དམ་ཟངས་ཀྱི་སྣོད་ཏིལ་མར་གྱིས་བཀང་ནས། ཇི་སྲིད་ཁོལ་བར་གྱུར་གྱི་བར་དུ་བཟླས་པ་བྱས་ནས། དེར་ཀླུའི་ལྕུག་མ་ཚྭ་དང་རང་སྐྱུར་གྱིས་
D502.087.0199b07.01