完整藏文原文 · 德格版页 当前仅加载第 87 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་རྣམས་ཀྱི་གསུང་ཐོས་པར་འགྱུར་རོ། །ལྔས་ནི་གཟུངས་རྣམས་ཐོབ་པར་འགྱུར་རོ། །དྲུག་གིས་ནམ་མཁའ་ལ་འགྲོ་བར་འགྱུར་རོ། །བདུན་གྱིས་མངོན་པར་ཤེས་པ་ལྔ་རབ་ཏུ་ཐོབ་པར་འགྱུར་རོ། །བརྒྱད་ཀྱིས་སངས་རྒྱས་ཐམས་ཅད་ལ་
D502.087.0199a01.01མངོན་པར་མཆོད་པར་འགྱུར་རོ། །དགུས་ནི་མྱ་ངན་ལས་འདས་པ་མངོན་པར་སྒྲུབ་པར་བྱེད་དོ། །བཅུས་ནི་འཇིག་རྟེན་གྱི་ཁམས་རྣམས་སུ་རྒྱུ་བར་འགྱུར་རོ། །འདི་དག་ནི་ཐབས་ལ་མཁས་པའི་བཟླས་པའི་ཆོ་ག་སྟེ། མཐའ་ཡས་པའི་འབྲས་བུ་ཐོབ་པའི་རྒྱུར་འགྱུར་བའོ། །ཐབས་
D502.087.0199a02.01ལ་མི་མཁས་པ་རྣམས་ཀྱིས་ཀྱང་བརྩོན་འགྲུས་རབ་དང་འབྲིང་དང་ཐ་མས་ཅི་ལྟར་བསྙེན་པ་དེ་ལྟར་རབ་ཏུ་སྦྱར་ན་ནུབ་གཅིག་གིས་རིག་པ་འཛིན་པར་འགྱུར་ཏེ་སྔ་མ་བཞིན་ནོ། །རི་འམ་ཕུག་གམ་ཁང་པའི་ཕུག་ལ་སོགས་པ་དབེན་ཞིང་སྟོང་པར་མེ་ཏོག་དྲི་ཞིམ་པོ་སིལ་མ་བཀྲམ་པ།
D502.087.0199a03.01དྲི་ཞིམ་པོའི་སྤོས་ཀྱིས་བདུགས་པའི་ས་ཕྱོགས་འགའ་ཞིག་ཏུ་ཉི་མ་ནུབ་པའི་དུས་ན་སྐྱིལ་མོ་ཀྲུང་བཅས་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་པས་སྐྱིལ་མོ་ཀྲུང་མ་བཤིག་པར་གང་ཡང་རུང་བའི་རིག་པའི་མཆོག་ནམ་ཕྱེད་དམ། ཉི་མ་ཤར་གྱི་བར་དུ་
D502.087.0199a04.01བཟླས་པ་བྱས་ན་ལུས་འབར་བར་གྱུར་ནས་གསེར་གྱི་མདོག་ཏུ་འགྱུར། ནམ་མཁའ་ལ་འགྲོ་བ་དང་། ཐམས་ཅད་དུ་འགྲོ་བའི་རིག་པ་འཛིན་པར་འགྱུར་རོ། །གལ་ཏེ་མ་གྲུབ་ན་བར་དུ་ནུབ་གཅིག་ངལ་བསོས་ལ་ནུབ་གསུམ་པ་ལ་ཡང་དེ་བཞིན་དུ་བྱའོ། །ཡང་ནུབ་གཅིག་
D502.087.0199a05.01གིས་བར་དུ་ཆོད་པའི་ནུབ་ལྔ་པ་ལ་ནི། དམ་པའི་ཆོས་སྤོང་བ་ཡང་ངེས་པར་འགྲུབ་པར་འགྱུར་རོ། །བསྲུང་བའི་ཆོ་ག་བྱས་ནས་འབུམ་བཟླས་ཏེ་རྫས་གང་ལ་བསྒྲུབས་པ་དེ་འགྲུབ་པར་འགྱུར་རོ། །ལྕགས་ལས་བྱས་པའི་འཁོར་ལོ་འམ། རྡོ་རྗེ་དང་རལ་གྲི་ལ་སོགས་པ་
D502.087.0199a06.01ལག་ཏུ་ཐོགས་ནས་ཇི་སྲིད་འབར་བར་གྱུར་གྱི་བར་དུ་བཟླས་པ་བྱས་ཏེ། དེ་ཉིད་ཀྱིས་རིག་པ་འཛིན་པར་འགྱུར་རོ། །གལ་ཏེ་འབར་བར་མ་གྱུར་ན་བ་ལང་གི་ལྕི་བའི་ནང་དུ་དེ་བཅུག་ལ་གང་ཡང་རུང་བའི་རིག་པའི་མཆོག་གིས་བསྲུང་བ་བྱས་ཏེ་གཞག་གོ། །དུར་ཁྲོད་དུ་འདུག་ནས་ཅི་
D502.087.0199a07.01