完整藏文原文 · 德格版页 当前仅加载第 85 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
དབུས་མ་མཉམ་པའི་ཁ་འབུས་པའི་མཆོག་གི་ཡན་ལག་སྤྱི་བོར་བཞག་ལ་གཡས་ལོགས་སུ་ཐམས་ཅད་ལ་ཅོད་པན་བཅིངས་ལ་མདུན་ལོགས་རྡོ་རྗེ་ཁུ་ཚུར་གཉིས་ཀྱིས་མདུད་པའི་ཚུལ་བྱ་སྟེ། །ཕྲེང་བ་བཅིངས་པ་བྱས་ལ་སྒེག་པ་དང་བཅས་པས་མཐེའུ་
D488.085.0245a01.01ཆུང་ལ་སོགས་པ་བཀྲོལ་ཏེ་ལོགས་གཉིས་ལ་དར་དཔྱངས་འཆིང་བའི་ཚུལ་དུ་བྱས་ལ་མཉམ་པའི་ཐལ་མོས་རྒྱས་བཏབ་པས། རྡོ་རྗེ་སེམས་དཔའི་དབང་བསྐུར་བར་འགྱུར་བ་ཡིན་ནོ། །དེ་ནས་བདེ་བ་ཆེན་པོའི་རྡོ་རྗེ་བདུད་རྩིའི་ཆུས་དབང་བསྐུར་བར་བྱས་ཏེ། ཐམས་ཅད་
D488.085.0245a02.01ཀྱི་རྡོ་རྗེ་སློབ་དཔོན་ཉིད་དང་རྡོ་རྗེ་འཆང་ཆེན་པོ་ཉིད་དུ་འགྱུར་བ་ཡིན་ནོ། །རྡོ་རྗེའི་ཁུ་ཚུར་གྱིས་རྡོ་རྗེ་རྩེ་ལྔ་པ་རྡོ་རྗེའི་འོད་ཟེར་འབར་བའི་རྩེ་མོ་ཅན་ཁ་དོག་དམར་པོ་སྦྱིན་པར་བྱའོ། །སློབ་མས་ཀྱང་སློབ་དཔོན་ལ་ཡོན་ཕུལ་ལ་དེ་ནས་མེ་ཏོག་ལ་སོགས་པའི་དབང་བསྐུར་བ་ཐམས་
D488.085.0245a03.01ཅད་ཐམས་ཅད་ཀྱི་སློབ་དཔོན་ལས་རྡོ་རྗེ་ཐལ་མོ་བསྐོར་བའི་ཕྱག་འཚལ་བའི་ཕྱག་རྒྱས་བླང་བར་བྱ་སྟེ་དེ་ལྟར་ན་དཀྱིལ་འཁོར་ཐམས་ཅད་ཀྱི་ཆོ་གའོ།། །།དེ་ནས་དངོས་གྲུབ་ཐམས་ཅད་ཀྱི་དབང་ཕྱུག་གྲུབ་པའི་རྡོ་རྗེ་འཆང་ཆེན་པོ་རྒྱལ་པོ་སྒྲུབ་པའི་ཕྱག་རྒྱའི་རྒྱུད་ནི། བདེ་
D488.085.0245a04.01བ་ཆེན་པོའི་གསང་བ་ཆེན་པོའི་ལྕགས་ཀྱུ་རང་གི་སྙིང་པོའི་སྔགས་ལན་ཅིག་བརྗོད་པས་རྡོ་རྗེ་སེམས་དཔའ་སྤྱན་དྲང་བའོ། །སེམས་དཔའི་སྐྱིལ་མོ་ཀྲུང་དང་ལྡན་པས། རྡོ་རྗེ་གར་གྱི་མཆོད་པ་དབུལ་བས་གློག་འགྱུ་བའི་གར་དང་རྡོ་རྗེ་ཁུ་ཚུར་ཡོངས་སུ་བཟུང་བས་བསྙེམས་པ་
D488.085.0245a05.01དང་བཅས་པའི་རྡོ་རྗེ་མཚོན་ཆ་མ་ལ་སོགས་པ་བསྒྲེང་བར་བྱས་ལ་སྒེག་མོ་དགའ་བའི་རྡོ་རྗེ་མས་ཕྱག་བྱའོ། །རྡོ་རྗེ་གླུས་ནི་གླུ་ལེན་ཅིང་། །བཟླས་པའི་དོན་ནི་ཅི་བདེ་བར། །རྡོ་རྗེ་གར་གྱི་མཆོད་པ་ཡིས། །ཡང་དག་མཆོད་ནས་མྱུར་དུ་གྲུབ། །དེ་ལས་དང་པོའི་རྡོ་རྗེའི་
D488.085.0245a06.01གསང་བའི་གླུ་འདི་དང་པོ་ལ་སོགས་པ་རྣམས་ཀྱིས་བླང་བར་བྱ་སྟེ། ཐམས་ཅད་བདེ་བ་དམ་པ་རྗེས་སུ་ཆགས་པའི་ཐུགས། །རྡོ་རྗེ་སེམས་དཔའ་ཁྱེད་ནི་རབ་ཏུ་དགའ་བ་ཡིན། །བདེ་བ་ཆེན་པོ་བརྟན་ཞིང་འཐོར་བར་བདག་གྱུར་ཅིག །སོ་སོར་རྟོགས་ཤིང་མྱུར་དུ་བསྒྲུབས་
D488.085.0245a07.01