完整藏文原文 · 德格版页 当前仅加载第 85 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སྙིང་པོར་བྱིན་གྱིས་བརླབས། །དེ་ནས་སྟོན་པ་རྡོ་རྗེ་འཛིན། །དཀྱིལ་འཁོར་གྱི་ནི་མཆོག་གསུངས་པ། །སེམས་ཅན་ཀུན་ལ་བདེ་དོན་ཕྱིར། །རྟོག་པ་ཀུན་གྱི་བདེ་བ་ཆེ། །དེ་ནས་ཡང་དག་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །དཀྱིལ་
D488.085.0212a01.01འཁོར་ཆེན་པོའི་ཕྱི་རོལ་མཆོག །རྡོ་རྗེ་འཁོར་ལོ་ཡང་དག་བྲི། །འཁོར་ལོ་ལྟེ་བར་སངས་རྒྱས་ཉིད། །འཛུམ་པའི་ཚེམས་ནི་མི་སྣང་བ། །སུ་ར་ཏེ་ས་མ་ཡ་སྟྭཾ། །ཨོྃ་སིད་དྷ་མཱཾ་ཞེས་བརྗོད་དགོད། །མདུན་དུ་བདུད་ལས་རྣམ་རྒྱལ་བར། །མཛད་པའི་སངས་རྒྱས་ཡང་དག་བྲི། །
D488.085.0212a02.01གཡས་སུ་བྱང་ཆུབ་སེམས་དཔའ་ཡི། །ནོར་ཆེན་པོས་ནི་དབང་བསྐུར་བ། །རྒྱབ་ཏུ་བྱང་ཆུབ་སེམས་དཔའ་དང་། །མཉམ་དུ་ཆོས་ཀྱི་འཁོར་ལོ་བསྐོར། །གཡོན་དུ་ལོག་པར་རྣམ་དྲེགས་པ། །སྡིག་པ་བསྡུས་པ་ཀུན་འབྱིན་པའོ། །དེ་ནས་འདི་རྣམས་ཀྱི་སྙིང་པོ་ནི། །བཛྲ་སཏྭ།
D488.085.0212a03.01བཛྲ་རཏྣ། བཛྲ་དྷརྨ། བཛྲ་ཀརྨ། དེ་ནས་ཕྱག་རྒྱ་རྣམས་ཏེ། སཏྭ་བཛྲཱི། རཏྣ་བཛྲཱི། པདྨ་བཛྲཱི། བི་ཤྭ་བཛྲཱི། །མཚམས་ཀྱི་ཆར་ནི་རྡོ་རྗེ་དང་། །རིན་ཆེན་སྡོང་བུ་ནོར་བུ་བྲིའོ། །མཚམས་རྣམས་སུ་ཡང་ལྷ་མོ་སྟེ། །ལྕགས་ཀྱུ་ལ་སོགས་སྒོ་རྣམས་སུའོ། །དེ་
D488.085.0212a04.01བཞིན་སྔ་མ་ཅི་ལྟ་བར། །འཁོར་ལོ་དེ་ནི་བརྟག་པར་བྱ། །མཆོད་པའི་ཐལ་མོ་སྙིང་གར་བཅིང་། གཡོན་དུ་དེ་བཞིན་བསྐོར་བར་བྱ། །མེ་ཏོག་དང་བཅས་ཕྱག་རྒྱ་འདི། །སངས་རྒྱས་ཀུན་གྱི་དམ་ཚིག་རིམ། །མེ་ཏོག་བཅས་ཏེ་སྙིང་གར་བཅིང་། །བསམ་པ་གཡོས་པས་གདུང་བར་
D488.085.0212a05.01བྱ། །མགོན་ལ་མགོ་བོས་ཕྱག་བྱས་ལ། །བསྐོར་བ་ལན་གསུམ་བྱས་ནས་ནི། །ཞུགས་ནས་མེ་ཏོག་འདོར་བར་བྱ། །ཤིན་ཏུ་གསང་བ་ཡང་དག་དགུག །དེ་ལ་དེ་བཞིན་གཤེགས་པ་ཐམས་ཅད་མཉེས་པར་བྱ་བ་དང་། དབང་དུ་བྱ་བ་དང་དགུག་པ་དང་བསྒྲུབ་པར་བྱ་བའི་སྙིང་པོ་ནི་
D488.085.0212a06.01འདི་ཡིན་ཏེ། ཨོྃ་ཨ་ཀཱ་རོ་མུ་ཁྃ་སརྦ་དྷ་རྨཱ་ཎཱྃ་ཨཱདྱཱ་ནུ་ཏྦ་ནྣ་ཏྭཱ་ད། དེ་ནས་ཆོ་ག་ཇི་བཞིན་དུ། །སྟོན་ལ་མེ་ཏོག་སིལ་མ་དོར། །སངས་རྒྱས་བྱང་ཆུབ་རབ་བསྒྲུབ་ཕྱིར། །འགྲོ་བའི་མགོན་ལ་དེ་ཉིད་བརྗོད། །དེ་ཡིས་ཀུན་ནས་སངས་རྒྱས་ནི། །ཐམས་ཅད་འདུས་པ་ཉིད་དུ་འགྱུར། །
D488.085.0212a07.01