完整藏文原文 · 德格版页 当前仅加载第 85 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་བཅིང་བ་དང་ཐར་བ་དང་དྲལ་བ་དང་ལྟུང་བ་དང་ལྡང་བ་ལ་ནི་རྡོ་རྗེ་གར་གྱི་རྡོ་རྗེ་ཆེན་པོའི་ཁྲོ་བོས་སོ། །མཁའ་འགྲོ་མ་ཐམས་ཅད་ཀྱི་ཕྱག་རྒྱ་གཞིག་པ་དང་གདོན་ལས་ཐར་བར་བྱ་བ་དང་ཤི་བ་བསླང་བར་བྱ་བ་དང་ཚེ་མངོན་པར་འཕེལ་བ་དང་ཤིན་ཏུ་བསྲུང་བ་ལ་ནི་རྡོ་རྗེ་གར་གྱི་ཕྱག་རྒྱའི་
D488.085.0210b01.01ལན་གྱིས་སོ། །སྒྲིབ་པ་ཐམས་ཅད་དང་། སྡིག་པ་ཐམས་ཅད་དང་། རྨི་ལམ་ངན་པ་དང་། ལྟས་ངན་པ་དང་བྱུར་གཞིག་པ་ལ་ནི་རྡོ་རྗེ་གར་གྱི་ཞི་བས་སོ། །ཐམས་ཅད་དབབ་པ་དང་། བསྐྱོད་པ་དང་གར་བྱེད་དུ་གཞུག་པ་དང་ཐམས་ཅད་བདེན་པར་སྨྲར་གཞུག་པ་དང་། པྲ་སེན་
D488.085.0210b02.01ཐམས་ཅད་བསྒྲུབ་པ་ལ་ནི་རྡོ་རྗེ་གར་གྱི་ཐམས་ཅད་འབེབས་པའི་ཕྱག་རྒྱས་སོ། །ཐམས་ཅད་རྒྱས་གདབ་པ་དང་གསད་པ་དང་ལྟུང་བར་བྱ་བ་དང་བསླང་བ་དང་། སླར་གསོ་བ་ལ་ནི་དོན་ཡོད་གྲུབ་པའི་རྡོ་རྗེ་གར་གྱི་མཁའ་འགྲོ་མ་ཆེན་མོས་སོ། །ཐམས་ཅད་རེངས་པར་བྱ་བ་དང་རྨོངས་པར་བྱ་བ་
D488.085.0210b03.01དང་གཉིད་ལོག་པར་བྱ་བ་དང་གསད་པ་དང་བཟའ་བར་བྱ་བ་ལ་ནི་རྡོ་རྗེ་གར་གྱི་གདུག་པའི་སྲིན་པོས་སོ། །གཞན་གྱི་དཔུང་ཐམས་ཅད་སྐྲག་པར་བྱ་བ་དང་གཞིག་པར་བྱ་བ་དང་དབང་དུ་བྱ་བ་དང་ལྟུང་བར་བྱ་བ་དང་གསད་པར་བྱ་བ་ལ་ནི་རྡོ་རྗེ་གར་གྱི་གཤེད་བྱེད་ཀྱིས་སོ། །ཁྲོ་བོ་ཐམས་ཅད་
D488.085.0210b04.01གསལ་བ་དང་བཞིན་རས་དང་བར་བྱ་བ་དང་རྩོད་པ་ལས་རྒྱལ་བ་དང་འཇིགས་པ་ལས་ཐར་བ་དང་གཡུལ་འགྱེད་པ་ལས་རྒྱལ་བ་བསྒྲུབ་པ་ལ་ནི་རྡོ་རྗེ་གར་གྱི་རྒྱལ་མཚན་མཆོག་གི་དཔུང་རྒྱན་གྱིས་སོ། །སྤྲིན་ཐམས་ཅད་ཡང་དག་པར་བཟུང་ཞིང་མི་གཡོ་བར་བྱ་བ་དང་ཆར་ཆེན་པོ་དབབ་
D488.085.0210b05.01པ་དང་རླུང་དང་ཆར་པ་དང་གློག་དང་སེར་བ་བཟློག་པ་དང་དྲོ་བ་དང་གྲང་བ་བསལ་བ་ལ་ནི། རྡོ་རྗེ་གར་གྱི་དབང་པོའི་རྡོ་རྗེས་སོ། །གཟུགས་དང་སྒྲ་དང་དྲི་དང་རོ་དང་རེག་བྱ་ཐམས་ཅད་ཤིན་ཏུ་གྲུབ་པ་ལ་ནི། རྡོ་རྗེ་གར་གྱི་འདོད་པའི་དབང་ཕྱུག་གིས་སོ། །རྒྱུ་བ་དང་མི་རྒྱུ་བ་ཐམས་ཅད་རྗེས་
D488.085.0210b06.01སུ་ཆགས་པ་དང་དགུག་པ་དང་དབང་དུ་བྱ་བ་དང་རྩེ་བ་དང་ལས་ཐམས་ཅད་ལ་ངེས་པར་སྦྱར་བ་ལ་ནི། རྡོ་རྗེ་གར་གྱི་དངོས་གྲུབ་ཐམས་ཅད་ཀྱིས་སོ། །ལྷ་ཐམས་ཅད་དབབ་པ་དང་ཀླུ་ཐམས་ཅད་དབང་དུ་བྱ་བ་དང་། གནོད་སྦྱིན་དང་འབྱུང་པོ་དང་མ་མོ་ཐམས་ཅད་ལས་ལ་ངེས་པར་སྦྱར་བ་ལ་
D488.085.0210b07.01