完整藏文原文 · 德格版页 当前仅加载第 85 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་མཆོག་བསྒྲུབ་པ་ལ་ནི་རྡོ་རྗེ་རིན་ཆེན་ཕུན་སུམ་ཚོགས་པས་སོ། །མཆོད་པ་ཐམས་ཅད་དགུག་པ་དང་གཞུག་པ་དང་བཅིང་བ་དང་དབང་དུ་བྱ་བ་དང་དབྲོག་པ་དང་བསག་པ་དང་ལེན་པ་དང་འདྲེན་པ་དང་འགུགས་པ་དང་གཏོད་པ་དང་གཞིག་པ་དང་འཕེན་པ་དང་། འདེགས་པ་དང་
D488.085.0220b01.01འབེབས་པ་དང་བརྡེག་པ་དང་སྦྱང་བ་དང་རྙེད་པ་དང་ཉོ་བ་དང་བཙོང་བ་དང་ཀུན་ཏུ་འགྱེད་པ་དང་ཉེ་བར་དགོད་པ་དང་བརྟན་པར་བྱ་བ་དང་རྡོ་རྗེར་བྱ་བ་དང་འབྱོར་པ་ཐམས་ཅད་བསྒྲུབ་པ་དང་འབྱོར་པ་ཐམས་ཅད་ཀྱི་མཆོག་བསྒྲུབ་པ་ལ་ནི་རྡོ་རྗེ་རིན་ཆེན་གྱི་མཆོད་པ་སྒྲུབ་པས་སོ་ཞེས་ཀྱང་གསུངས་སོ། །སེམས་
D488.085.0220b02.01ཅན་ཐམས་ཅད་བདེ་དོན་དུ། །རྡོ་རྗེ་སེམས་དཔའ་ནོར་ཆེ་བ། །རང་གི་རྒྱལ་མཆོག་ལན་ཅིག་བསྒྲུབ། །ཡི་གེ་ཏྲྃ་ནི་སྦྱར་བར་བྱ། །དཔལ་མཆོག་དང་པོའི་རྟོག་པའི་རྒྱལ་པོ་ཆེན་པོ་ལས། བསམ་པ་ཡོངས་སུ་རྫོགས་པར་བྱེད་པ་རྡོ་རྗེ་རིན་ཆེན་གྱི་རྟོག་པའི་ཆོ་ག་རྒྱས་པའོ།། །།
D488.085.0220b03.01དེ་ནས་རྒྱལ་བ་རྡོ་རྗེ་འཛིན། །འཇིག་རྟེན་གསུམ་པོ་ཁམས་གསུམ་པ། །འཇིག་རྟེན་གསུམ་བདག་ཐམས་ཅད་ལ། །འཇིག་རྟེན་གསུམ་མཆོག་འདུལ་མཛད་པ། །ཆོ་ག་བཞིན་དུ་བསྒོམས་གྱུར་ཞིང་། །སེམས་ཅན་དོན་ཕྱིར་ཆོ་གས་བཞུགས། །འདོད་ཆགས་ཞེ་སྡང་གཏི་མུག་རྣམས། །
D488.085.0220b04.01རྟག་ཏུ་རྣམ་པར་གནས་པ་ཡིན། །མི་མཉམ་པ་ཡིས་བསྟེན་གྱུར་ན། །དུག་ཉིད་དུ་ནི་ཉེ་བར་འགྲོ། །བདུད་རྩི་ཉིད་ཀྱིས་བསྟེན་གྱུར་ན། །བདུད་རྩི་ཉིད་དུའང་འགྱུར་བ་ཡིན། །འདོད་ཆགས་ཚངས་པ་མཆོག་འབྱིན་པ། །ཞེ་སྡང་དྲག་པོའི་ཏིང་འཛིན་གྱིས། །གཏི་མུག་ཁྱབ་
D488.085.0220b05.01འཇུག་བརྟན་མཛད་ནས། །འཇིག་རྟེན་གསུམ་པོ་བྱིན་གྱིས་བརླབས། །འདོད་ཆགས་ཞེ་སྡང་གཏི་མུག་རྣམས། །རྟག་ཏུ་གནས་པས་སྲིད་གསུམ་གནས། །ཆོས་ཀྱིས་བསྟེན་ནས་གསུམ་མཆོག་སྟེ། །ཆོས་མིན་བསྟེན་པས་ངན་སོང་གསུམ། །འདོད་ཆགས་སྦྲང་
D488.085.0220b06.01རྩིར་བྱེད་པར་བཤད། །ཞེ་སྡང་རྒྱལ་བར་བྱེད་པར་བཤད། །གཏི་མུག་དོན་ནི་སྒྲུབ་བྱེད་ཅེས། །ཀུན་ཏུ་གསང་བའི་མིང་ཡིན་ནོ། །ང་ནི་འཇིག་རྟེན་གཅིག་པུ་ཉིད། །འཇིག་རྟེན་གསུམ་དུ་རབ་ཏུ་བཤད། །ང་ནི་འདོད་པ་གཅིག་པུ་ཉིད། །ཚངས་པ་དྲག་པོ་གཡུང་དྲུང་ཡིན ། །
D488.085.0220b07.01