完整藏文原文 · 德格版页 当前仅加载第 85 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
ནི། རྡོ་རྗེ་གར་གྱི་རྡོ་རྗེ་སྐུའི་མཆོག་གིས་སོ། །རྣམ་ཐོས་སྲས་མནན་ནས་དཔལ་དྲང་བ་དང་། ལྷའི་བུ་མོ་ཐམས་ཅད་རབ་ཏུ་དབྲོག་པ་དང་། ལྷ་དང་ལྷ་མ་ཡིན་གྱི་བུད་མེད་ཐམས་ཅད་དང་རྩེ་བ་དང་འཇིག་རྟེན་གསུམ་མ་ལུས་པ་ལས་རྒྱལ་བ་དང་འདོད་པའི་དབང་ཕྱུག་
D488.085.0211a01.01ཐམས་ཅད་ལས་རྒྱལ་བ་དང་དབང་ཕྱུག་ཆེན་པོ་ཐམས་ཅད་དབྲོག་པ་ལ་ནི་རྡོ་རྗེ་གར་གྱི་སྐྱེས་བུ་བྱེད་པ་ཆེན་པོས་སོ། །མཆོད་པ་ཐམས་ཅད་སྒྲུབ་པ་དང་། ཐམས་ཅད་རྡོ་རྗེར་བྱ་བ་དང་བདུད་ལ་སོགས་པ་ཐམས་ཅད་རབ་ཏུ་གཞོམ་པ་དང་། ཕྱག་རྒྱ་ཐམས་ཅད་བཅིང་བ་དང་དངོས་
D488.085.0211a02.01གྲུབ་ཀྱི་མཆོག་ལ་སོགས་པ་མ་ལུས་ཤིང་ལུས་པ་མེད་པའི་དངོས་གྲུབ་ཐམས་ཅད་ཀྱི་ལས་ཀྱི་རྒྱུ་མྱུར་དུ་གྲུབ་པར་བྱ་བ་ལ་ནི། རྡོ་རྗེ་གར་གྱི་དོན་ཡོད་ཅིང་། ཐོགས་པ་མེད་པ་མྱུར་བའི་ལས་སྣ་ཚོགས་ཀྱི་དངོས་གྲུབ་དམ་པས་སོ།། །།དེ་ནས་ཕྱག་རྒྱ་ཐམས་ཅད་བསྒྲུབ་པའི་
D488.085.0211a03.01ཆོ་ག་རྒྱས་པའི་རྒྱུད་ནི། ཉིན་རེ་དང་པོ་ལན་ཅིག་ནི། །ཕྱག་རྒྱ་ཐམས་ཅད་རབ་སྒྲུབ་བྱེད། །སྙིང་མཆོག་ལན་ཅིག་བཟླས་ནས་ནི། །ཕྱག་རྒྱ་ཆེན་པོ་རབ་གྲུབ་བྱ། །དེ་ཡི་རྗེས་ལ་ཉེ་སྙིང་པོ། །ལས་རྣམས་ཀུན་ལ་ངེས་སྦྱར་བས། །དོན་ཡོད་གྲུབ་པས་ལས་རྣམས་
D488.085.0211a04.01ནི ། །ཀུན་ལ་ཤིན་ཏུ་འགྲུབ་པར་འགྱུར། །ཕྱག་རྒྱ་ཐམས་ཅད་རབ་བྱིན་རློབ། ཕྱག་ན་རྡོ་རྗེའི་ཕྱག་རྒྱ་ནི། །དཀྱིལ་འཁོར་དག་ཀྱང་མ་མཐོང་བ། །མ་བཤད་པ་ལའང་རབ་འགྲུབ་འགྱུར། །རྟོག་འདིར་འཇིགས་པ་ཡོད་མིན་ཏེ། །འཁོར་ལོ་མེད་ལ་བརྒྱ་བྱིན་
D488.085.0211a05.01ལ། །གང་ཕྱིར་བདག་ལ་བྱིན་རློབ་པས། །རང་སྲས་རྒྱུ་ནི་འགྱུར་བ་ཡིན། །སྡིག་པ་ཆེན་པོ་བྱེད་པ་ཡང་། །བསམ་པ་ཤེས་ནས་སྦྱིན་པར་བྱ། །འདི་དག་བཅིངས་ཙམ་ཉིད་དག་བྱེད། །དངོས་གྲུབ་ཐམས་ཅད་འགྲུབ་པར་འགྱུར། །དཔལ་མཆོག་དང་པོའི་རྟོག་པ་ཆེན་པོའི་རྒྱལ་
D488.085.0211a06.01པོ་བདེ་བ་ཆེན་པོའི་རྡོ་རྗེ་དོན་ཡོད་པའི་དམ་ཚིག་གི་ཆོ་ག་རྒྱས་པའི་རྟོག་པའོ།། །།དེ་ནས་སྟོན་པ་རྡོ་རྗེ་འཛིན། །འབྱིན་པ་བྱེད་པ་བདེ་བ་ཆེ། །བདེ་ཆེན་ཅན་དུ་བརྟན་ཕྱིར་དང་། །སེམས་ཅན་ཐམས་ཅད་རྣམ་དག་ཕྱིར། །ཁམས་ཀུན་དང་མཉམ་ཟད་པ་མེད། །
D488.085.0211a07.01