完整藏文原文 · 德格版页 当前仅加载第 85 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
གྲངས་འདི་བཤད་ལགས་ན། དེ་བས་ན་བཅོམ་ལྡན་འདས་ཇི་ལྟར་དེ་བཞིན་གཤེགས་པ་རྣམས་གྲུབ་པ་དེ། སེམས་ཅན་འདུལ་བའི་སླད་དུ་ཡུལ་གཞན་དུ་མཆི་བའམ། དབུལ་པོར་འགྱུར་བའམ། འཁྲུག་པའམ། ཕྲག་དོག་གམ། སྨ་དབབ་
D482.085.0057b01.01པའམ། སྡུག་བསྔལ་བའམ། འདོད་པ་ཆུང་བའམ། འདོད་པ་ལ་ཆགས་པའམ། རབ་ཏུ་འབྱུང་བར་སེམས་པའམ། གནོད་པ་མང་བའམ། ཉེས་པ་མང་བའམ། མྱ་ངན་ནམ། ནད་དམ། འཇིགས་པ་མང་པོ་ལ་སོགས་པ་གཞན་
D482.085.0057b02.01ཡང་དད་པ་མེད་པར་འགྱུར་བ་དེ་ལྟ་བུར་མི་འགྱུར་བར་ལྷག་པའི་བསམ་པའི་ཆོས་སྐྱེ་བ་དང་། སྒྲིབ་པ་ཡོངས་སུ་བྱང་བར་འགྱུར་བ་དེ་ལྟར་བྱིན་གྱིས་བརླབ་པར་གསོལ། དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་འདི་སྐད་ཅེས་གསུངས་སོ། །དམ་ཚིག་
D482.085.0057b03.01ཆེན་པོ་དེ་ཁོ་ན་ཉིད་སྐུ་དང་གསུང་དང་ཐུགས་རྡོ་རྗེ་ཐམས་ཅད་པ། མ་ཐུལ་བ་འདུལ་བ་འདི་ཁྱོད་ཀྱིས་དེ་བཞིན་དུ་བཤད་པ་དེ་དག་གི་ཕྱིར་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་སོ། །དེ་ནས་སྒྲུབ་པ་པོ་དེ་དག་གིས་དང་པོར་རེ་ཞིག་དེ་བརྒྱད་སྟོང་ཇི་ལྟ་
D482.085.0057b04.01བར་བཟླས་ནས་དེ་ཉིད་དམ་གཞན་དག་གི་ཡང་རུང་བསྒྲུབ་པར་བྱའོ། །གང་དག་འདོད་ཆགས་དང་བྲལ་བའི་ཆོས་ཀྱིས་འདུལ་བ་དེ་ལྟ་བུ་དག་ཀྱང་འབྱུང་བར་འགྱུར་ཏེ། དེ་དག་ལ་ཡང་སྙིང་པོ་འདི་སྦྱིན་ནོ། ཨོྃ་བྷུ་སརྦ་ཏ་ཐཱ་ག་ཏ་བཛྲ་སཏྭ་ཧོ། ས་མ་ཡ་སྟྭྃ།
D482.085.0057b05.01འདི་ཡང་བརྒྱ་སྟོང་དུ་བཟླས་ནས་དེ་ཉིད་དམ་གཞན་ཡང་བསྒྲུབ་པར་བྱའོ། །དེ་ནས་བཅོམ་ལྡན་འདས་ཀྱི་ཞབས་ལ་ཕྱག་ན་རྡོ་རྗེས་ཕྱག་འཚལ་ཏེ་ཚིགས་སུ་བཅད་པ་འདི་གསུངས་སོ། །སེམས་ཅན་ཀུན་ལ་ཕན་པའི་ཕྱིར། །རྟོག་པའི་དམ་པ་རབ་བཤད་པ། །འཇིག་རྟེན་
D482.085.0057b06.01གསུམ་རྒྱལ་ཞེས་བྱ་བ། །གྲུབ་པ་ཐམས་ཅད་རབ་སྩོལ་མཆོག །གང་གིས་བརྗོད་པ་ཙམ་གྱིས་ན། །སྡིག་པ་ཀུན་ལས་རྣམ་པར་གྲོལ། །འཇིག་རྟེན་ཀུན་ན་མཆོད་པ་སྟེ། །གྲུབ་པ་ཐམས་ཅད་ཐོབ་པར་འགྱུར། །གང་དག་
D482.085.0057b07.01