完整藏文原文 · 德格版页 当前仅加载第 85 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
མཚོན་ཆ་དང་། མེ་ཏོག་དང་། འབྲས་བུ་ལ་སོགས་པ་དངོས་པོ་ཐམས་ཅད་འགུགས་སོ། །གཟུགས་དང་། སྒྲ་དང་། དྲི་དང་། རོ་དང་། རེག་བྱ་ལས་དམ་པ་ཐམས་ཅད་ཀྱང་འགུགས་སོ། །བུད་མེད་ཀྱི་ནུ་མ་དང་། མངལ་ཕྱོགས་དང་། མིག་དང་། སྣ་དང་།
D482.085.0039a01.01མཆུ་དང་། རྣ་བ་དང་། མགོ་དང་། བརླ་དང་། སྐ་རགས་དང་། གསང་སྤུ་ལ་སོགས་པ་དངོས་པོ་ཐམས་ཅད་ཀྱང་འགུགས་སོ། །བཀྲོལ་ན་ཐར་བར་འགྱུར་རོ། །ཉིན་ཞག་གཅིག་སྨྱུངས་ལ་ལག་པ་གཉིས་རྡོ་རྗེ་ཁུ་ཚུར་བཅངས་ཏེ་སྟོང་ཕྲག་བརྒྱ་བཟླས་ན། དེ་ཕྱིན་ཅད་ཁུ་ཚུར་
D482.085.0039a02.01བཅངས་པས་ལས་ཐམས་ཅད་བྱེད་དོ། །དེ་ལ་ལས་རྣམས་ནི་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བ་དང་། རེངས་པར་བྱ་བ་དང་། རྨུགས་པར་བྱ་བ་དང་། རྒྱས་གདབ་པ་དང་། གཉིད་ལོག་པ་དང་། བསླང་བ་དང་། དྲང་བ་དང་། བསྒྱེལ་
D482.085.0039a03.01བ་དང་། བརྡབས་པ་དང་། བསྐྲད་པ་དང་། དབྱེ་བ་དང་། གོ་བཟློག་པ་དང་། གཏན་འཕོ་བ་དང་། གསོ་བ་དང་། སྒྱུ་མ་ཐམས་ཅད་བསྟན་པ་དང་། དུས་ཚིགས་བསྒྱུར་བ་དང་། ས་ལ་སོགས་པ་གཡོ་བ་དང་། ཐམས་ཅད་ལ་དབབ་པ་དང་། དཀྱིལ་འཁོར་དུ་གཞུག་
D482.085.0039a04.01པ་དང་། གར་བྱེད་པ་དང་། གླུ་ལེན་པ་དང་། སྔོན་མ་བྱུང་བའི་སྦྱོར་བ་དང་། སོ་སོར་ལུང་སྟོན་པ་དང་། འཁྲུལ་འཁོར་ཐམས་ཅད་གཞོམ་པ་དང་། སྒོ་ཐམས་ཅད་དབྱེ་བ་དང་། གདོན་ཐམས་ཅད་འཇུག་པ་དང་། དུག་ཐམས་ཅད་བསླང་བ་དང་། མ་རུངས་པར་བྱ་བ་དང་།
D482.085.0039a05.01ཐམས་ཅད་སྤོ་བ་དང་། ཐམས་ཅད་ཀྱི་ཕྱག་རྒྱ་གཞོམ་པ་དང་། ཐམས་ཅད་འགེགས་པ་དང་། གས་པ་སྦྱར་བ་དང་། སྤྲུལ་བསྐྲད་པ་དང་། གཟུང་བ་དང་། གཏང་བ་དང་། སེར་བ་དང་། ཆར་དབབ་པ་དང་། གློག་དབྱུང་བ་དང་། ཐམས་ཅད་སླར་གཅད་པ་དང་། སྔན་
D482.085.0039a06.01ཆད་མེད་པའི་གོས་དང་། རྒྱན་དང་། རིན་པོ་ཆེ་དང་། མེ་ཏོག་དང་། འབྲས་བུ་དང་། སྐྱེས་པ་དང་། བུད་མེད་དང་། བྱ་དང་{རི་དགས་,རི་དྭགས་}དགུག་པ་དང་། གཏོང་བ་དང་། གཟུགས་མང་པོ་སྟོན་པ་དང་། མི་སྣང་བ་དང་། ནམ་མཁའ་ལ་འགྲོ་བ་བསྟན་པ་ལ་སོགས་པ་འདོད་པ་
D482.085.0039a07.01