完整藏文原文 · 德格版页 当前仅加载第 85 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་རྒྱལ་པོ་ལྟ་བུར་སྒོམ་ཞིང་རྒྱལ་བོའི་ཕོ་བྲང་དུ་སོང་ནས། རྒྱལ་པོའི་མདུན་དུ་བརྒྱ་བརྒྱ་ཞག་བརྒྱད་ཀྱི་བར་དུ་བཟླས་སོ། །དེ་ལྟར་ན་སློབ་དཔོན་གྱིས་གྲུབ་པ་ཐམས་ཅད་དང་། ཕུན་སུམ་ཚོགས་པ་ཐམས་ཅད་དང་། ཤེས་པ་ཐམས་ཅད་དང་།
D482.085.0057a01.01ཀུན་གྱིས་མཆོད་པ་ལ་སོགས་པ་དང་། ལས་ཐམས་ཅད་ཐོབ་པར་འགྱུར་རོ། །སློབ་དཔོན་གྱི་རབ་ཏུ་བྱ་བའོ། །དེ་ནས་ལས་གྲུབ་པ་ནི་སྙིང་པོ་བརྒྱ་རྩ་བརྒྱད་བཟླས་ཏེ། ལས་ཐམས་ཅད་བྱས་ན་ཐམས་ཅད་འགྲུབ་པར་འགྱུར་རོ། །རྡོ་རྗེའི་ཕྱག་རྒྱ་ཆེན་པོ་
D482.085.0057a02.01བཅིངས་ནས་རྡོ་རྗེའི་བཟླས་པ་བརྒྱད་སྟོང་བཟླས་ན་འཇིག་རྟེན་པ་དང་། འཇིག་རྟེན་ལས་འདས་པའི་ལས་ཐམས་ཅད་ལ་ཕྱག་རྒྱ་ཐམས་ཅད་བཅིངས་པ་ཙམ་གྱིས་བདག་དང་ཕ་རོལ་གཉིས་ཀ་འགྲུབ་པར་འགྱུར་རོ། །སྔགས་ནི་རྡོ་རྗེ་ཚིག་གིས་སྟོང་ཕྲག་བརྒྱར་བཟླས་ན་
D482.085.0057a03.01སྔགས་ཐམས་ཅད་ཐང་ཅིག་བཟླས་པས་ལས་ཀུན་བྱེད་དོ། །རིག་པ་སྟོང་ཕྲག་བརྒྱར་བཟླས་ན། དེ་ནས་རིག་པ་ཐམས་ཅད་ཐང་ཅིག་བཟླས་པས་ལས་ཐམས་ཅད་བྱེད་དོ། །དེ་ནས་སྙིང་པོ་དང་ཕྱག་རྒྱ་དང་སྔགས་དང་རིག་པ་རྣམས་འབྱུང་སྟེ། བཛྲ་སཏྭ་ནི་སྙིང་པོའོ། །
D482.085.0057a04.01སཏྭ་བཛྲ་ནི་ཕྱག་རྒྱའོ། ཨོྃ་ནི་སྔགས་སོ། །ཁི་ཏི་ནི་རིག་པའོ། །དེ་ནས་སྙིང་པོ་དང་། ཕྱག་རྒྱ་དང་སྔགས་དང་རིག་པ་ཐམས་ཅད་སྒྲུབ་པའི་སྙིང་པོ་འབྱུང་སྟེ། ཨོྃ་མ་ཧཱ་སུ་ཁ་བཛྲ་སཏྭ་ཛཿཧཱུྃ་བྃ་ཧོཿསུ་ར་ཏ་སྟྭྃ། འདི་བཅོམ་ལྡན་འདས་ཀྱི་སྤྱན་སྔར་རྡོ་རྗེ་
D482.085.0057a05.01སེམས་དཔས་བཟླས་པས་གླུ་དང་རྡོ་རྗེའི་ཚིག་གིས་སྟོང་རྩ་བརྒྱད་བཟླས་ན། སྙིང་པོ་དང་ཕྱག་རྒྱ་དང་སྔགས་དང་རིག་པའི་དངོས་གྲུབ་ཐམས་ཅད་འགྲུབ་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །འཇིག་རྟེན་གསུམ་ལས་རྣམ་པར་
D482.085.0057a06.01རྒྱལ་བའི་རྟོག་པ་ཆེན་པོའི་རྒྱལ་པོ་ལས་ཕྱི་མའི་རྒྱུད་བཤད་པའོ།། །།དེ་ནས་བཅོམ་ལྡན་འདས་ལ་ཕྱག་ན་རྡོ་རྗེ་བྱང་ཆུབ་སེམས་དཔས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་འཇིག་རྟེན་གསུམ་ལས་རྣམ་པར་རྒྱལ་བའི་ཆོས་ཀྱི་རྣམ་
D482.085.0057a07.01