完整藏文原文 · 德格版页 当前仅加载第 85 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ནོར་སྦྱིན་པར་འགྱུར་རོ། །སཱ་ལ་བྷཉྩི་ཀ་མནན་ནས་འབུམ་བཟླས་ན་ཉིན་རེ་ཞིང་ཡང་གསེར་གྱི་དོང་ཙེ་བརྒྱད་བརྒྱད་སྟེར་བར་འགྱུར་རོ། །གོས་ཀྱི་སྒྲོག་མ་ལ་མནན་ཏེ་འབུམ་བཟླས་ན་མི་ཟད་པར་འགྱུར་རོ། །གང་དང་གང་གི་སྣོད་མནན་ཏེ་འབུམ་བཟླས་ན་དེ་དང་དེ་མི་ཟད་པར་
D482.085.0030b01.01འགྱུར་རོ། །གནོད་སྦྱིན་གྱི་ཆ་ལུགས་མནན་ཏེ་འབུམ་བཟླས་ན། གནོད་སྦྱིན་གྱིས་ཅི་དང་ཅི་འདོད་པ་ཀུན་སྦྱིན་པར་འགྱུར་རོ། །སྲིན་པོ་མནན་ཏེ་འབུམ་བཟླས་ན་དེ་དེའི་གཡོག་ཏུ་འགྱུར་རོ། །འབྱུང་པོ་མནན་ཏེ་འབུམ་བཟླས་ན། འབྱུང་པོ་ཐམས་ཅད་ཀྱི་བདག་པོར་
D482.085.0030b02.01འགྱུར་རོ། །ཤ་ཟའི་ཆ་ལུགས་བྲིས་པ་མནན་ཏེ་འབུམ་བཟླས་ན་དེ་དེའི་གཡོག་བྱེད་པར་འགྱུར་རོ། །དེ་བཞིན་དུ་གནོད་སྦྱིན་མ་ལ་སོགས་པ་ཡང་བསྒྲུབ་བོ། །རི་ལ་འཛེགས་ཏེ་འབུམ་བཟླས་ན་རི་ཐམས་ཅད་དབང་དུ་འགྱུར་རོ། །ཕྱུགས་ཀྱི་ལྷས་སུ་འདུག་སྟེ་འབུམ་བཟླས་
D482.085.0030b03.01ན་ཕྱུགས་ཐམས་ཅད་ལ་དབང་དུ་འགྱུར་རོ། །ཤིང་ལྗོན་གྱི་དྲུང་དུ་འབུམ་བཟླས་ན། ཤིང་ལྗོན་པའི་ལྷ་རྣམས་མཆོག་སྦྱིན་པར་འགྱུར་རོ། །ཞིང་ལ་འདུག་སྟེ་འབུམ་བཟླས་ན། བཟའ་བ་འབུམ་དུ་འཕེལ་བར་འགྱུར་རོ། །ཚོང་པ་དང་བཅས་པའི་གྲོང་དུ་འབུམ་བཟླས་
D482.085.0030b04.01ན་ནོར་ཐམས་ཅད་མ་བསླངས་པར་ཐོབ་པར་འགྱུར་རོ། །གནས་བྱིན་ཅན་དུ་འབུམ་བཟླས་ན་ཐམས་ཅད་ལ་དབང་དུ་འགྱུར་རོ། །གྲོང་དུ་འབུམ་བཟླས་ན་ཟླ་བ་གཅིག་ཚུན་ཅད་ཀྱིས་གྲོང་དེ་འཐོབ་བོ། །གཙུག་ལག་ཁང་དུ་འབུམ་བཟླས་ན། གཙུག་ལག་ཁང་ན་གནས་པས་ནོར་
D482.085.0030b05.01ཐམས་ཅད་སྦྱིན་པར་འགྱུར་རོ། །ལྷའི་རྟེན་དུ་འབུམ་བཟླས་ན་ལྷས་ནོར་ཐམས་ཅད་སྦྱིན་པར་འགྱུར་རོ། །ཁང་པ་སྟོང་པར་འབུམ་བཟླས་ན་ཤ་ཟ་ཐམས་ཅད་དེའི་གཡོག་ཏུ་འགྱུར་ཏེ། དགོས་པ་ཐམས་ཅད་སྦྱོར་བར་འགྱུར་རོ། །སྣང་བའི་གནས་སུ་འབུམ་བཟླས་ན་སྣང་བ་དབང་
D482.085.0030b06.01དུ་འགྱུར་རོ། །སྐྱེད་མོས་ཚལ་དུ་འབུམ་བཟླས་ན། སྐྱེད་མོས་ཚལ་གྱི་མེ་ཏོག་དང་འབྲས་བུ་ཐམས་ཅད་རྟག་ཏུ་འབྱུང་བར་འགྱུར་རོ། །མཚོར་འབུམ་བཟླས་ན་མཚོ་དེའི་ལྷ་ལ་དབང་བར་འགྱུར་རོ། །གཏེར་གྱི་གནས་སུ་འབུམ་བཟླས་ན་གཏེར་རང་འབྱུང་བར་འགྱུར་རོ། །དགོད་
D482.085.0030b07.01