完整藏文原文 · 德格版页 当前仅加载第 85 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱ་བཟླས་ན་ནམ་མཁའ་ལ་དེ་བཞིན་གཤེགས་པ་ཐམས་ཅད་མཐོང་ངོ་། །དེས་དེ་ལ་ཕུན་སུམ་ཚོགས་པ་ཐམས་ཅད་ཉིན་གཅིག་བཞིན་སྩོལ་ཏོ། །སངས་རྒྱས་ཀྱི་སྤྱན་སྔར་སྟོང་ཕྲག་བརྒྱ་བཟླས་ན་མཆོག་ཐོབ་བོ། །ཕྱག་ན་རྡོ་རྗེའི་སྤྱན་སྔར་སྟོང་ཕྲག་བརྒྱ་བཟླས་ན་ཕྱག་
D482.085.0024b01.01ན་རྡོ་རྗེས་འདོད་པ་ཐམས་ཅད་སྩོལ་བར་འགྱུར་རོ། །འཕགས་པ་སྤྱན་རས་གཟིགས་ཀྱི་དབང་པོའི་སྤྱན་སྔར་སྟོང་ཕྲག་བརྒྱ་བཟླས་ན། སྤྱན་རས་གཟིགས་དབང་པོས་ལག་ནས་བཟུང་སྟེ། བདེ་བ་ཅན་གྱི་འཇིག་རྟེན་གྱི་ཁམས་སུ་ཁྲིད་ཅིང་སླར་ཡང་ཁྲིད་དེ་འོང་ངོ་། །འཇིག་
D482.085.0024b02.01རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས་དེ་བཞིན་གཤེགས་པའི་རྟོག་པ་རྫོགས་སོ།། །།དེ་ནས་བཅོམ་ལྡན་འདས་ལ་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས་ཡང་འདི་སྐད་གསོལ་ཏོ། །བཅོམ་ལྡན་འདས་བདག་གིས་ཀྱང་འཇིག་རྟེན་
D482.085.0024b03.01གསུམ་ལས་རྣམ་པར་རྒྱལ་བ་རྟོག་པ་ཆེན་པོའི་རྒྱལ་པོ་འདིར་སྙིང་པོ་གང་བརྗོད་པ་ཙམ་གྱིས་དེ་བཞིན་གཤེགས་པ་ཐམས་ཅད་རྡོ་རྗེའི་རི་ལྟར་མི་གཡོ་བའང་བསྐྱོད་ཅིང་འདྲེན་ན་སེམས་ཅན་གཞན་ལྟ་ཅི་སྨོས། གང་དྲན་པ་ཙམ་གྱིས་ཀྱང་འཇིགས་པ་ཐམས་ཅད་ལས་རྣམ་པར་གྲོལ་བར་
D482.085.0024b04.01འགྱུར་རོ། །གང་བརྗོད་པ་ཙམ་གྱིས་ཀྱང་མཚམས་མེད་པ་ཐམས་ཅད་ལྷག་མ་མ་ལུས་པར་འབྱང་བར་འགྱུར་བ་དང་། ཐམས་ཅད་ལ་སྲུང་བར་འགྱུར་བ་དང་། ཕྱག་ན་རྡོ་རྗེས་ཀྱང་འདོད་པ་ཐམས་ཅད་སྩོལ་བར་འགྱུར་བ་དང་། མཆོག་སྩོལ་བ་དང་། དོན་ཐམས་ཅད་སྒྲུབ་པ་
D482.085.0024b05.01དང་། དགོས་པ་ཐམས་ཅད་བྱེད་ཅིང་རྟག་པར་ཕྱི་བཞིན་འབྲང་བར་འགྱུར་བ་དང་། གང་བསླབས་པ་ཙམ་གྱིས་གྲུབ་པ་ཐམས་ཅད་མངོན་པར་འགྱུར་བར་སྩལ་བར་བགྱིའོ། །དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་འདི་སྐད་ཅེས་
D482.085.0024b06.01བཀའ་སྩལ་ཏོ། །ཕྱག་ན་རྡོ་རྗེ་ཁྱོད་ཀྱིས་ལེགས་པར་སྨྲོས་ཤིག །ངས་ཀྱང་བཟུང་ངོ་། །དེ་ནས་ཕྱག་ན་རྡོ་རྗེས་རྡོ་རྗེ་སྙེམས་པ་དང་བཅས་པས་རྡོ་རྗེ་གསོར་ཏེ། རང་གི་སྙིང་གར་བསྟོད་པའི་ཚུལ་གྱིས་བཟུང་ནས་རང་གི་སྙིང་པོ་འདི་གསུངས་སོ། །ཊཀྐི་ཧཱུྃ་ཛ། དེ་ནས་
D482.085.0024b07.01