完整藏文原文 · 德格版页 当前仅加载第 83 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
བླ་མ་ལ་གུས་གཏོང་བར་ཕོད། །ལྟུང་བ་མ་གོས་གཙང་མ་ལ། །རིམ་པ་བཞིན་དུ་དབང་བསྐུར་ནས། །ཚོགས་ཀྱི་འཁོར་ལོ་ལྔ་བྱས་ལ། །ཤེས་རབ་ལྡན་ལ་བསྟན་བྱ་བའི། །གསང་བ་དྲག་པོའི་རྒྱུད་རྒྱལ་འདི། །གཞན་ལ་བཤད་པར་བྱ་བ་མིན། །གསང་བ་བདག་
D461.083.0065b01.01པོ་ཁྱོད་ཀྱིས་ནི། །ཕན་དང་གནོད་བྱ་གང་ཡིན་ལ། །རིམ་པ་བཞིན་དུ་ཤེས་པ་ཡིས། །ལེགས་པར་སྦ་དང་བཤད་པ་ནི། །གནས་སྐབས་དུ་མ་དང་ལྡན་ཞིང་། །ཀུན་ལ་ངེས་པར་ཞུགས་པ་ཡིས། །རྒྱུད་འདི་ལ་ནི་ངེས་པར་བརྟག །རྒྱུད་འདི་གང་ན་གནས་པ་ན། །
D461.083.0065b02.01ས་ཕྱོགས་དེ་ཡི་གདུག་པ་རྣམས། །རིང་དུ་བསྲིངས་པས་གནས་མི་བྱེད། །གལ་ཏེ་གནས་པར་བྱེད་པ་ན། །དེ་རྣམས་ཀུན་གྱི་རྒྱུད་ཚིག་འགྱུར། །དྲག་པོ་རྒྱུད་ཀྱི་རྒྱལ་པོ་ལ། །གང་ཞིག་ཞུགས་པར་གྱུར་པ་ལ། །དུག་གསུམ་སྐུ་ལ་རབ་བརྒྱན་ནས། །བཙུན་མོའི་
D461.083.0065b03.01བྷ་ག་ལ་གནས་ཏེ། །ཉོན་མོངས་འཁོར་གྱིས་རབ་བསྐོར་ནས། །བདེ་བ་ཆེན་པོའི་རོལ་པས་གནས། །ལག་ན་རྡོ་རྗེས་དེ་ཉིད་དུ། །སྐད་ཅིག་ཙམ་གྱིས་བསྐོར་བ་ནི། །འབུམ་ཕྲག་གསུམ་དུ་རབ་བསྐོར་ནས། །བདེ་བར་གཤེགས་ལ་འདི་སྐད་གསོལ། །བདག་གིས་
D461.083.0065b04.01རྒྱུད་ཀྱི་རྒྱལ་པོ་འདི། །ངེས་པའི་དོན་དང་རབ་སྦྱར་ནས། །གསང་བ་ཉིད་དུ་སྦ་བར་བགྱི། །ལག་ན་རྡོ་རྗེ་གོས་སྔོན་པོ་ཅན་གནོད་སྦྱིན་དྲག་པོ་རྡོ་རྗེ་མེ་ལྕེའི་རྒྱུད་ལས་ལས་སྣ་ཚོགས་ཀྱི་ལེའུ་སྟེ་{བཅྭ་,བཅོ་}ལྔ་པའོ།། །།ཕྱག་ན་རྡོ་རྗེ་གོས་སྔོན་པོ་ཅན་གནོད་སྦྱིན་
D461.083.0065b05.01དྲག་པོ་ཆེན་པོ་རྡོ་རྗེ་མེ་ལྕེའི་རྒྱུད་ཀྱི་རྒྱལ་པོ་ཆེན་པོ་རྫོགས་སོ།། །།རྒྱ་གར་གྱི་མཁན་པོ་ཆེན་པོ་རཏྣ་ཀཱིརྟི་དང་། བོད་ཀྱི་ལོ་ཙྪ་བ་དགེ་ཚུལ་ཁྱུང་གྲགས་ཀྱིས་བཀའ་དྲིན་མནོས་ནས་རྒྱ་དཔེ་བོད་དུ་སྤྱན་དྲངས་ཏེ་བསྒྱུར་བ་ལགས་སོ།། །།
D461.083.0065b06.01