完整藏文原文 · 德格版页 当前仅加载第 83 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་གཤེགས་ཤིང་ལས་བཅོལ་ལོ། །རྒྱས་དང་བསྡུས་དང་ཤིན་ཏུ་བསྡུས། །ཁ་ཟས་སྤྱད་པ་བསྡུས་དང་མཐུན། །དེ་ལྟར་ཡི་གེ་བརྒྱ་པས་བཤགས། །ལག་ན་རྡོ་རྗེ་གོས་སྔོན་པོ་ཅན་རྡོ་རྗེ་མེ་ལྕེའི་རྒྱུད་ལས་གཏོར་མའི་ཆོ་གའི་ལེའུ་སྟེ་བརྒྱད་པའོ།། །།
D461.083.0052a01.01དེ་ནས་རྡོ་རྗེ་གོས་སྔོན་གྱིས། །བཅོམ་ལྡན་མགོན་ལ་འདི་སྐད་གསོལ། །རྣལ་འབྱོར་ཐམས་ཅད་བཀྲ་ཤིས་དང་། །གནོད་པ་ཐམས་ཅད་བསལ་བའི་ཕྱིར། །སྦྱིན་སྲེག་ཆོ་ག་གསུང་དུ་གསོལ། །འཇིག་རྟེན་མགོན་གྱིས་བཀའ་སྩལ་པ། །གཞན་དག་དྲན་པ་བསྐྱེད་པ་
D461.083.0052a02.01དང་། །དངོས་གྲུབ་ལྡན་པ་ཐོབ་འདོད་པས། །མན་ངག་རིམ་པར་དྲན་པའི་ཕྱིར། །རྣལ་འབྱོར་དོན་དུ་བཤད་པར་བྱ། །སྔོན་དུ་བསྙེན་པ་བྱས་པ་ཡིས། །བསྒྲུབ་པ་ཡི་ནི་དུས་དག་ཏུ། །སྦྱིན་སྲེག་གིས་ནི་ལས་ཀུན་འགྲུབ། །ས་བརྟག་བསླང་ཞིང་སྦྱང་བ་དང་། །བྱིན་
D461.083.0052a03.01གྱིས་བརླབས་ཤིང་བསྲུང་བ་དང་། །ས་གཞི་དཀར་པོར་རྒྱར་ཁྲུ་གང་། །ཟབས་སོར་བཅུ་གཉིས་ཟླུམ་པོར་བྱ། །དེ་དབུས་རྡོ་རྗེ་རྩེ་ལྔ་པ། །སོར་ནི་བརྒྱད་པ་དག་ཏུ་བྱས། །ཐབ་དེ་པ་ཡི་རྣམ་ལྔ་དང་། །ནང་ཀུན་དྲི་ནི་དཀར་པོས་བྱུག །དུས་གསུམ་མེ་ཏོག་དཀར་པོས་
D461.083.0052a04.01གཏོར། །ཡམ་ཤིང་ནིམ་པ་པ་ལ་ཤ། །ཨུ་དུམ་བ་ར་ཨ་མྲ་ལ། །སོགས་པ་བྱང་ཆུབ་ཤིང་དག་དང་། །འདབ་མ་ཅན་དང་འོ་མ་ཅན། །བརླན་དང་བཅས་པ་མཉམ་བཅད་ལ། །རྩེ་མོའི་ཆ་ལས་བྱུང་བ་ཡི། །མཐོ་གང་ཙམ་ནི་འོ་མ་དང་། །མར་དང་སྦྲང་རྩི་ལ་སོགས་པ། །
D461.083.0052a05.01རྩེ་གཉིས་ལོ་མ་བཅས་པ་དབུལ། །རྙིང་རུལ་གས་དང་འབུས་ཟོས་པ། །སྲོག་ཆགས་གནས་པ་སྤང་བར་བྱ། །ནས་དང་བྲ་ཡོས་ཏིལ་དག་དང་། །འབྲས་ཆེན་ཡུངས་ཀར་མར་དང་ཞོ། །མེ་ཏོག་ཐང་ཆུ་དྲི་ཞིམ་དང་། །ཇི་ཙམ་རྙེད་པ་དབུལ་བར་བྱའོ། །བུད་ཤིང་དག་
D461.083.0052a06.01གི་རྣམ་པ་ཡང་། །ཐབ་ལས་ཅུང་ཟད་དམའ་བར་ནི། །དགོན་པའི་བ་ཡི་ལྕི་བས་བྱ། །དེ་ནས་སྔགས་པ་ལུས་བཀྲུས་ཏེ། །དྲི་ཞིམ་སྤོས་དང་གླ་བས་བྱུག །ཚད་མེད་བཞི་ཡི་སེམས་ལྡན་ཞིང་། །ཞི་བའི་རྒྱན་བཅས་དཀར་པོ་བགོས། །ལྷ་ཡི་རྣལ་འབྱོར་གསལ་བྱས་ལ། །སྲོད་དང་
D461.083.0052a07.01