完整藏文原文 · 德格版页 当前仅加载第 83 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
ནི། །ངེས་པར་འགྲུབ་པར་ཡང་དག་བཤད། །ལག་ན་རྡོ་རྗེ་གོས་སྔོན་པོ་ཅན་རྡོ་རྗེ་མེ་ལྕེའི་རྒྱུད་ལས་གནོད་སྦྱིན་གདོང་སེར་གྱི་གདོན་འདུལ་བའི་ལེའུ་སྟེ་བཅུ་གསུམ་པའོ།། །།ལག་ན་རྡོ་རྗེ་གོས་སྔོན་གྱིས། །བཅོམ་ལྡན་མགོན་ལ་འདི་སྐད་གསོལ། །གང་
D461.083.0062a01.01ཞིག་སྒྲུབ་པར་བྱེད་པ་ལ། །བྲིས་སྐུ་ལ་སོགས་གླེགས་བམ་ཉིད། །ཚད་དེ་གང་གིས་བགྱི་བ་ལགས། །རིག་པའི་རྒྱལ་པོས་བཀའ་སྩལ་པ། །གང་ཞིག་སྒྲུབ་པར་བྱེད་པ་ཡིས། །བྲིས་སྐུ་གླེགས་བམ་སྦྱོར་བ་འདིས། །ཡང་དག་པར་ནི་བསྒྲུབ་པར་བྱ། །དུར་ཁྲོད་ལ་སོགས་
D461.083.0062a02.01གང་ཡིན་པར། །རི་མོ་མཁན་ཉིད་རིམ་པ་བཞིན། །དབང་བསྐུར་བ་ནི་ཡང་དག་བྱ། །(ཐག་,ཐ་ག་)པ་ཡང་བསྙེན་བྱས་ལ། །དྲི་ཞིམ་པ་ཡིས་ཡོངས་སུ་བྱུག །སྟེང་འོག་གཉིས་ལ་མཐའ་གཉིས་གསུམ། །མཉམ་པར་བཞག་པས་ཡང་དག་བརྟག །དམར་པོ་ལྔ་ཡིས་རབ་
D461.083.0062a03.01བྱུགས་ལ། །ས་བོན་ཡང་དག་ལྡན་པ་དང་། །དྲི་ཞིམ་རྣམ་པ་སྣ་ཚོགས་པ། །ཡོངས་སུ་བྱུག་པར་བྱ་བ་ཡིན། །ཚོན་རྩི་རྣམ་པ་སྣ་ཚོགས་པས། །ཡིད་ཆེས་སྔགས་ཀྱི་ཚོན་རྩི་རྣམས། །མཉམ་པར་སྦྱར་བ་བྲི་བར་བྱ། །སྣོད་དག་ཐོད་པ་ཉིད་ལ་ནི། །པིར་ནི་མི་ཡི་སྐྲ་ཡིས་བྱ། །
D461.083.0062a04.01དུར་ཁྲོད་ཉིད་དམ་ཁང་སྟོང་ངམ། །གནས་དབེན་པར་ནི་ཡོངས་སུ་བྲི། །ལས་མཁན་སྔོན་པོའི་གོས་བགོས་ཏེ། །ཁྲག་གིས་གདོང་དག་བྱུགས་བྱས་ལ། །སྔགས་འདི་ཡིས་ནི་རྟག་ཏུ་བཟླས། །ཨོཾ་ཙཎྜ་མ་ཧཱ་རོ་ཥ་ཎ་ཀ་ར་ཡྃ། སརྦ་ས་ཏྭཱ་ར་ཐ་ཧཱུྃ་ཧཱུྃ། གཏོར་མ་དྲག་པོ་གང་
D461.083.0062a05.01ཡིན་པ། །བྲི་བའི་དུས་སུ་གཞག་པར་བྱ། །ཟིན་ནས་དེ་ཉིད་གཏང་བར་བྱ། །དང་པོར་ཚོན་རྩི་ཐམས་ཅད་ལ། །རིན་ཆེན་སྣ་ལྔར་བྱིན་གྱིས་བརླབ། །རྡོ་རྗེ་རྩེ་གཅིག་ཕྱག་རྒྱ་ཡིས། །ཡང་དག་པ་རུ་བྲི་བྱ་སྟེ། །སྐྱེད་བྱེད་དང་ནི་ཡོན་བདག་གི །བསམ་པས་ཡོངས་སུ་བྲི་བར་བྱ། །དཀྱིལ་
D461.083.0062a06.01དུ་པདྨ་བཅུ་དྲུག་ལ། །སྙིང་པོ་ཟེ་འབྲུ་ཡང་དག་ལྡན། །དཀྱིལ་དུ་གཙོ་བོ་འབར་བ་ཉིད། །གོང་མའི་གཟུགས་ཀྱིས་བྲི་བར་བྱ། །འཁོར་ལ་སོགས་པ་ཐམས་ཅད་ཀྱང་། །སྔ་མ་ལྟ་བུར་ཡང་དག་བྲིས། །ཕྱི་རོལ་ཤིང་ལ་སོགས་པ་དང་། །དུར་ཁྲོད་བརྒྱད་ཀྱིས་རྣམ་པར་བརྒྱན། །འཇིགས་པར་བྱེད་
D461.083.0062a07.01