完整藏文原文 · 德格版页 当前仅加载第 83 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སོགས་པ། །མཚོན་གྱིས་ཡོངས་སུ་གཏུབ་པར་བྱ། །དེ་ནས་མེ་ཉིད་རབ་སྦྱར་བས། །སྔགས་དང་ཕྱག་རྒྱར་རབ་ལྡན་པས། །ལུས་ངག་ཡིད་ནི་དྲག་པོ་ཡིས། །ལས་ཀྱི་སྦྱོར་བ་ངེས་པར་སྤྱད། །ཨོཾ་མ་ཧཱ་ཀཱ་ལ་མཱ་ར་ཡ་མཱ་ར་ཡ་སརྦ་ཤ་ཏྲཱུྃ་ནཱྃ་ཕཊ་ཕཊ་
D461.083.0060a01.01ཕཊ། ཨོཾ་མ་ཧཱ་ཀཱ་ལ་སརྦ་ཤ་ཏྲཱུྃ་ཙྪིནྡ་ཡ་ཕཊ། ད་ས་དྃ་རེ་ཕ་ར་ཧ་ཧ་ཧ་བྷ་སྭཱ་ཧཱ། དེ་ནས་སྔགས་པ་ཡོངས་རྟོགས་པས། །སངས་རྒྱས་བྱང་ཆུབ་སེམས་དཔའ་དང་། །ཉན་ཐོས་རང་སངས་རྒྱས་རྣམས་ལ། །གང་ཞིག་གནོད་པར་བྱེད་པ་ཡི། །གང་ཟག་རྣལ་འབྱོར་བསྒྲུབ་པ་
D461.083.0060a02.01ཡི། །གོང་མའི་སེམས་ཀྱིས་ཡང་དག་སྦྱར། །དེ་ལ་བླ་མའི་མན་ངག་གིས། །ཡང་དག་པར་ནི་དབྱེ་བར་བྱ། །བླ་མ་ཉིད་ལ་ཅི་ནུས་པའི། །ཡོངས་སུ་མཆོད་པས་མན་ངག་དབྲལ། །འདིས་ནི་ངེས་པར་འགྲུབ་པས་ན། །ཡིད་ཆེས་པར་ནི་ཡོངས་སུ་བསྒྲུབ། །ལག་ན་
D461.083.0060a03.01རྡོ་རྗེ་གོས་སྔོན་པོ་ཅན་རྡོ་རྗེ་མེ་ལྕེའི་རྒྱུད་ལས་གཤིན་རྗེ་བྲང་དམར་གྱི་གདོན་འདུལ་བའི་ལེའུ་སྟེ་བཅུ་གཉིས་པའོ།། །།ལག་ན་རྡོ་རྗེ་གོས་སྔོན་གྱིས། །བཅོམ་ལྡན་མགོན་ལ་འདི་སྐད་གསོལ། །གང་ཞིག་གནོད་སྦྱིན་གདོན་གྱིས་ཟིན། །དེ་ལ་ཐབས་གཉིས་གསུང་དུ་གསོལ། །
D461.083.0060a04.01གསང་བའི་མགོན་གྱིས་བཀའ་སྩལ་པ། །གནོད་སྦྱིན་གདོང་སེར་ཞེས་པའི་གདོན། །ཤིན་ཏུ་དྲག་པར་གྱུར་པ་ལས། །ཐབས་འདི་ཡང་དག་བརྩམ་པར་བྱ། །དྲག་པོའི་སྒྲ་དང་རབ་ལྡན་པའི། །ཁ་དོག་སེར་བ་སུམ་ཅུའི་གཟུགས། །སྟོབས་དང་ལྡན་ཞིང་རབ་ཏུ་གུས། །
D461.083.0060a05.01ཟས་སུ་སྦྲང་རྩི་ཟར་བཅུག་ལ། །ཞག་བདུན་བར་དུ་ངེས་པར་བསྙེན། །གོས་དག་ལྗང་ཁུ་བསྐོན་བྱས་ལ། །སྔགས་འདི་དག་གིས་ཡོངས་སུ་བསྔགས། །བདག་གིས་རབ་ཏུ་དང་བས་ནི། །སངས་རྒྱས་རྣམས་ལ་མཆོད་པས་མཆོད། །དེ་ནས་སུམ་ཅུ་པ་དག་ལ། །
D461.083.0060a06.01དངོས་པོ་བརྟེན་པར་བྱེད་པ་ཡི། །རས་སོགས་གོས་དྲས་བཙེམས་བྱས་ལ། །བྱང་ཕྱོགས་དག་གི་ཁང་སྟོང་དུ། །ཕྱིན་པས་ས་ཉིད་བླང་བར་བྱ། །ལུས་ངན་སྲས་པོས་རབ་བསྔགས་པ། །སྙིང་པོ་ཉིད་ཀྱང་གདོན་བྱ་ཞིང་། །དེ་ཐོབ་བྱང་ཕྱོགས་ཁྲོ་བོ་ཡི། །སྔགས་བཟླས་
D461.083.0060a07.01