完整藏文原文 · 德格版页 当前仅加载第 83 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
ལོག་ཕར་འགྲོ་ཡང་དང་ཡང་། །ཐ་མ་སྙོམས་པར་ཞུགས་གྲུབ་འགྱུར། །ཡང་ན་གནས་བཞི་གསུམ་པོ་དག །གང་ཡང་རུང་བས་སྟེང་དུ་ཕྱིན། །སླར་ལོག་རྡོ་རྗེ་རྩེ་ལ་བཏོན། །ཚུར་ལོག་གནས་ནས་ལས་རྣམས་བྱས། །དེས་ནི་དངོས་གྲུབ་ཆེན་པོ་ཡང་། །
D461.083.0051a01.01རྡོ་རྗེ་བཞིན་དུ་འགྲུབ་པར་བསམ། །ཁམས་གསུམ་ཐམས་ཅད་དག་པ་དང་། །ཞིང་རྣམས་གཙང་མར་སྐྱེ་བར་འགྱུར། །བསམ་གཏན་དེ་དང་ལྡན་པའི་ཚེ། །གཞན་པའི་ཡུལ་དུ་འགྲུབ་འགྱུར་སྤང་། །སྤང་བ་མ་ཡིན་བླང་བ་མིན། །སྙོམས་པ་དེ་ཡི་ངང་ལ་བཞག །གཟུགས་དང་
D461.083.0051a02.01སྒྲ་ལ་སོགས་པ་ཡི། །རང་གི་སེམས་གཡེང་འགྱུར་བའི་ཚེ། །བསྟན་པའི་རང་བཞིན་མེད་པ་བསམ། །བར་དུ་སོ་སོའི་ཐིག་ལེ་བསམ། །ཐམས་ཅད་སྒྱུ་མ་ལྟ་བུར་བརྟག །དང་པོ་དང་པོའི་དུས་དག་ཏུ། །འདོད་པའི་ཡོན་ཏན་ལྷ་མོར་བསམ། །དེས་ནི་རྟོག་པ་ཞི་
D461.083.0051a03.01བར་འགྱུར། །ལག་ན་རྡོ་རྗེ་གོས་སྔོན་པོ་ཅན་རྡོ་རྗེ་མེ་ལྕེའི་རྒྱུད་ལས་ལས་ཐམས་ཅད་རྫོགས་པ་ཆེན་པོའི་རིམ་པ་རྣལ་འབྱོར་པའི་ལེའུ་སྟེ་བདུན་པའོ།། །།དེ་ནས་ལག་ན་རྡོ་རྗེ་ཡིས། །བཅོམ་ལྡན་མགོན་ལ་འདི་སྐད་གསོལ། །འཇིག་རྟེན་ཀུན་ལ་ཕན་གདགས་ཕྱིར། །
D461.083.0051a04.01གཏོར་མའི་རིམ་པ་གསུང་དུ་གསོལ། །ཀུན་མཁྱེན་མགོན་གྱིས་བཀའ་སྩལ་པ། །རྣལ་འབྱོར་རྣམས་ལ་ཕན་གདགས་ཕྱིར། །བདག་གིས་གཏོར་མ་བཤད་པར་བྱ། །ཕན་གདགས་པ་དང་ཚར་གཅད་པ། །ཕན་པ་མཆོག་དང་ཐུན་མོང་ངོ་། །གསང་བ་བླ་མེད་མཆོག་
D461.083.0051a05.01ཏུ་འདོད། །ཕྱི་ནང་ཐུན་མོང་ཤེས་པར་བྱ། །རྒྱས་དང་བསྡུས་དང་ཤིན་ཏུ་བསྡུས། །ཚར་གཅོད་པ་ཡང་ཤེས་པར་བྱ། །དགུག་དང་བསྐྲད་དང་གསད་པར་དང་། །གནན་དང་བསྲེག་པར་ཤེས་པར་བྱ། །རྒྱུན་དུས་ཆེན་པོའི་གསུམ་ཉིད་དང་། །ཆུང་ངུ་རྒྱུན་ནམ་དུས་ཆེན་
D461.083.0051a06.01གྱི། །བཅུ་གཉིས་བཞི་འམ་ཐ་མ་གཅིག །རྩ་བ་ལྔ་འམ་ཡན་ལག་ལྔ། །འབྲུ་དང་ཤིང་ཏོག་སྨན་རྣམས་དང་། །ཆ་མཐུན་འབུར་བ་ལ་སོགས་རྫས། །དེ་སྟེངས་དཀར་གསུམ་ཀླུ་ལ་ཤིས། །ཁྲག་སྣ་སྙིང་སྣ་ཤ་སྣ་གསུམ། །དེ་སོགས་མཐུན་རྫས་ཚར་གཅད་པའི། །བསྐྱེད་
D461.083.0051a07.01