完整藏文原文 · 德格版页 当前仅加载第 81 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
འགའ་ལས་མྱུར་དུ་ཐོབ་བྱེད་ཅིང་། །གཡོ་འདོད་སྲེད་ལ་བླ་མ་སླུ། །ཚིག་ལ་སེམས་ཞིང་དོན་མི་ཚོལ། །བག་མེད་གཡེང་དང་སེར་སྣ་དང་། །བརྐམ་ཆེན་སྙིང་རྗེ་མེད་པས་ནི། །བསྐལ་པ་བརྒྱ་དང་སྟོང་ཕྲག་ཏུ། །བསྒྲུབས་ཀྱང་ནམ་ཡང་མི་འགྲུབ་སྟེ། །ལུས་
D432.081.0012a01.01དང་ངག་དང་ཡིད་ཀྱི་སྒོ། །ངལ་བ་ལས་ནི་གཞན་དུ་མིན། །བཟའ་བཏུང་ཞིམ་པོ་སྣ་ཚོགས་རྣམས། །རྟག་པར་ཉིན་རེ་དུས་གསུམ་དུ། །གྲོགས་པོ་ཀུན་ལ་བྱིན་པས་ཀྱང་། །ལན་གཅིག་བླ་མ་མཆོད་པ་ཡིས། །བརྒྱ་ཡི་ཆར་ཡང་མི་ཕོད་དོ། །དེ་ནས་དེའི་ཚེ་
D432.081.0012a02.01ལྷའི་དབང་པོ་དགའ་རབ་དབང་ཕྱུག་ལ་སོགས་པ་ལྷའི་བུ་དྲུག་ཁྲིས་ཁྲོ་བོ་ཆེན་པོ་མི་གཡོ་བ་ལ་བསྟོད་པ། ཀྱེ་ཧོ་བརྩེ་བའི་སེམས་མངའ་འོན་ཀྱང་འཁྲུགས་འདྲ་ཞིང་། །དགའ་ཞིང་ཤིན་ཏུ་དག་ཀྱང་ར་རི་སྣ་ཚོགས་སྤྲས། །ལྷ་ཡི་ཁམས་རྣམས་ཀུན་ལ་རལ་གྲི་ཕྱར་བའི་ཚེ། །ལྷ་
D432.081.0012a03.01མིན་ཚོགས་ཀུན་བརྒྱལ་ཞིང་རབ་ཏུ་སྐྲག་པར་སྣང་། །སྲིད་པའི་ཉོན་མོངས་ཀུན་ལ་བསྡིགས་པའི་སྡིགས་མཛུབ་ཀྱིས། །བདུད་རྣམས་བརྒྱལ་ཞིང་སྐྲག་ནས་སྐད་ཕྱུང་ཐག་རིང་འབྲོས། །ཡི་གེ་ཕྱེད་པ་ཨ་ཧེའི་ཀུ་ཅོས་ལོག་ཕྱོགས་སྐྲག །ཆེ་བ་ཡི་ནི་ཤིན་ཏུ་ཆེ་གྱུར་ཁྱོད་ཀྱི་སྐུ། །
D432.081.0012a04.01ཕྱོགས་བཅུའི་སངས་རྒྱས་རྣམས་ཀྱིས་ཤིན་ཏུ་བསྔགས་ཤིང་བསྟོད། །ཀླུ་རྣམས་འདུས་པས་ཆ་ཤས་ལུས་ཀྱིས་ཕྱོགས་པར་བརྒྱན། །ལྷ་དབང་བུ་མོ་རྣམས་ཀྱིས་རིན་ཆེན་རྒྱན་རབ་གསོལ། །སྤྱན་བགྲད་ལྗགས་འདྲིལ་སྟག་ལྤགས་འཛིན་པ་ཁྱོད་ལ་བསྟོད། །བསྟོད་པ་
D432.081.0012a05.01ཆེན་པོ་དེས་བསྟོད་ནས་ཚངས་པ་ཆེན་པོ་ལ་སོགས་པ་ལྷ་ཚོགས་ཐམས་ཅད་བཅོམ་ལྡན་འདས་ལ་མངོན་པར་དགའོ། །འཕགས་པ་མི་གཡོ་བའི་རྟོག་པའི་རྒྱལ་པོ་ལས་སྦྱིན་སྲེག་གི་ལེའུ་སྟེ་བདུན་པའོ།། །།འཕགས་པ་མི་གཡོ་བའི་རྟོག་པའི་རྒྱུད་ཀྱི་རྒྱལ་པོ་འབུམ་པ་ལས་
D432.081.0012a06.01དངོས་གྲུབ་ཐམས་ཅད་ཡོངས་སུ་འབྱུང་བ་ཞེས་བྱ་བའི་རྟོག་པ་རྫོགས་སོ།། །།པཎྜི་ཏ་ཨ་ཏུ་ལ་དཱ་ས་བཛྲ་དང་། བོད་ཀྱི་ལོ་ཙཱ་བ་མར་པ་བནྡེ་ཆོས་ཀྱི་དབང་ཕྱུག་གྲགས་པས་བསྒྱུར་བའོ།། །།
D432.081.0012a07.01