完整藏文原文 · 德格版页 当前仅加载第 81 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་གཏེར་རྙེད་ངེས་སོ། །གལ་ཏེ་ཆར་འབེབས་པར་འདོད་ན། ཀླུ་ཡོད་པའི་གནས་སུ་ཀླུའི་དཀྱིལ་འཁོར་བྱས་ཏེ། སྤྲ་ཚིལ་ལམ་བག་ཟན་ལ་དགའ་བོ་ལ་སོགས་པའི་གཟུགས་བྱས་ཏེ་ཁ་དོག་ཐ་དད་པར་བྱས་ནས་མཎྜལ་དེར་གཞུག་སྟེ། དམ་ཚིག་པ་
D432.081.0008a01.01བསྐྱེད་ནས་དབུས་སུ་མི་གཡོ་མགོན་པོ་དང་བཅས་པ་ལ་ཡེ་ཤེས་ཀྱི་ལྷ་བཅུག་ནས། ཀ་ར་དང་། བུ་རམ་དང་། སྦྲང་དང་། འོ་མ་ལ་སོགས་པས་མཆོད་ཅིང་རྩ་བའི་སྔགས་འབྲུག་ལྟར་བསྒྲགས་པས་ཀླུ་རྣམས་སྐྲག་ནས་ཆར་པའི་རྒྱུན་འབེབས་པར་བྱེད་དོ། །གལ་ཏེ་མི་འབེབ་
D432.081.0008a02.01ན་ཐོད་པ་དུམ་བུ་གཅིག་པར་ཀླུའི་གཟུགས་རྣམས་བཅུག་ལ། གདུག་པ་ཅན་གྱི་མེས་བསྲོས་ན་ཆར་ཤིང་རྟའི་འཕང་ལོ་ཙམ་ཞག་བདུན་དུ་འབེབས་པ་ལ་ཐེ་ཚོམ་མེད་དོ། །འཕགས་པ་མི་གཡོ་བའི་རྟོག་པའི་རྒྱུད་ཀྱི་རྒྱལ་པོ་ལས་སྦྱོར་ཀ་ཕྲ་མོའི་ལེའུ་སྟེ་ལྔ་པའོ།། །།དེ་ནས་ཡང་དག་
D432.081.0008a03.01བཤད་བྱ་བ། །བསམ་གཏན་བརྟན་ལས་བྱུང་བ་ནི། །འཁྲུལ་མེད་ཉིད་དེ་གནོད་རྣམས་སེལ། །ཁམས་གསུམ་རྒྱལ་པོ་ཆེར་ཉོན་ཅིག །སྤྲོ་བསྡུའི་རིམ་པ་གོམས་གྱུར་ལས། །ཇི་སྲིད་འདོད་པའི་དུས་བར་དུ། །རང་སེམས་གནས་ནས་བརྟན་པར་འགྱུར། །དངོས་མེད་དངོས་
D432.081.0008a04.01སོགས་མ་ལུས་པའི། །རྣམ་རྟོག་རབ་རིབ་ཀུན་བསལ་ནས། །ཉོན་མོངས་ནད་རྣམས་མ་ལུས་པ། །བག་ཆགས་དང་བཅས་གཏན་བཅོམ་ནས། །འཕྲལ་དུ་ཡང་ནི་བྲོད་དགའ་སྐྱེ། །སྤྲོ་ཡང་མི་དམིགས་བསྡུ་མི་དམིགས། །སྐྱེ་མེད་འགག་མེད་ཏིང་ངེ་འཛིན། །འབྱུང་
D432.081.0008a05.01མེད་འགྲོ་མེད་བསམ་གཏན་ལ། །གནས་ན་ཡེ་ཤེས་མྱུར་དུ་ཐོབ། །བླ་མེད་ཡེ་ཤེས་ཡོན་ཏན་དང་། །མཐུ་རྣམས་ཆེ་བར་འགྱུར་བ་ནི། །བླ་མ་མཉེས་ལས་རྙེད་འགྱུར་བའི། །དེ་ཉིད་བདུད་རྩི་བཅུད་ཀྱིས་ལེན། །གུས་པས་རྟག་པར་ཉིན་མཚན་དུ། །རྒྱུན་ཆད་མེད་པར་
D432.081.0008a06.01གོམས་བྱས་ན། །མྱུར་དུ་ཕྱག་རྒྱ་ཆེན་པོ་ཡི། །དངོས་གྲུབ་སྣོད་དུ་འགྱུར་བ་ཡིན། །འབད་རྩོལ་བྱང་ཆུབ་ཡན་ལག་སྟེ། །ལེ་ལོ་གཉིད་དང་གཡེང་བ་སྤང་། །སྔགས་གསལ་དམིགས་པ་བརྟན་གྱུར་ཅིང་། །བསམ་གཏན་ཐོན་ནས་འཁྲུལ་འཁོར་བརྩམ། །སྐར་མ་རྒྱལ་གྱི་
D432.081.0008a07.01