完整藏文原文 · 德格版页 当前仅加载第 81 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
ཨ་ཙ་ལ་ཏེ་ཛ། སརྦ་ཏྲ་ཨ་ནུཏྟ་རེ་ཀི་ཙ་ཏ། ཏ་ཊ་ཏ་ཊ། དྷརྨ་དྷརྨ། ཕཊ་ཕཊ་ཧཾ། འདི་ནི་བསྲུང་བ་དམ་པའི་སྔགས་སོ། །ཁྲོ་བོའི་རྒྱལ་པོ་མི་གཡོ་བའི། །གང་གིས་གསང་སྔགས་རྣམས་ཤེས་ན། །ཡི་གེ་ཙམ་གྱིས་བདུད་བརླག་བྱེད། །མང་དུ་བརྗོད་ན་
D432.081.0007a01.01སྨོས་ཅི་དགོས། །འཕགས་པ་མི་གཡོ་བའི་རྟོག་པའི་རྒྱུད་ཀྱི་རྒྱལ་པོ་ལས་གསང་སྔགས་རྣམས་འབྱུང་བའི་ལེའུ་སྟེ་བཞི་པའོ།། །།དེ་ནས་ཡང་དག་བཤད་བྱ་བ། །གསང་སྔགས་གྲུབ་པ་ལས་བྱུང་བའི། །ལས་ཀྱི་སྦྱོར་བའི་དབྱེ་བ་ཡིས། །འདོད་རྣམས་
D432.081.0007a02.01ཤིན་ཏུ་འགྲུབ་བྱེད་དེ། །བསམ་གཏན་རྣམ་དག་ཆོས་རྣམ་དག །ཡེ་ཤེས་རྣམ་དག་སྐུ་རྣམ་དག །རང་བྱུང་རྣམ་དག་དོན་རྣམ་དག །བྱ་བ་རྣམ་དག་བྱེད་པ་དག །སྒྱུ་མ་སྒྱུ་མའི་ཡེ་ཤེས་ཆེ། །སྒྱུ་འཕྲུལ་ལྟ་བུའི་འཁྲུལ་འཁོར་དང་། །མིག་ཡོར་སྨིག་རྒྱུའི་གཟུགས་
D432.081.0007a03.01བརྙན་འབྲེལ། །སྣ་ཚོགས་ཆུ་བུར་བཞིན་གཡོ་བའི། །གང་གིས་བདུད་ལས་རྒྱལ་བྱེད་པའི། །ཡུངས་ཀར་རྒྱལ་པོ་བསྒྲུབ་པར་བྱ། །རྒྱལ་གྱི་སྐར་མར་བཙུགས་བྱས་ཏེ། །ཐོད་པ་དཀར་པོ་དྲི་ཆུས་བྲན། །འདི་ནི་ལས་རྣམས་ཀུན་བྱའི་ཕྱིར། །དུས་སུ་བསྲུང་ཞིང་
D432.081.0007a04.01བསྐྱེད་བྱ་སྟེ། །དུས་སུ་མཆོད་དང་གཏོར་མ་བྱས། །བར་ཆད་ཀུན་ལས་རྣམ་རྒྱལ་ཡིན། །ཡང་ན་གྲོ་གའམ་སྤྲ་ཚིལ་ལ་སྦྲུལ་ནག་པོའི་གཟུགས་བྱས་ནས་གུ་གུལ་ཚིལ་ཆེན་གྱིས་བདུག་ཅིང་སྔགས་དྲག་ཏུ་བརྗོད་དེ། གང་འདོད་པའི་ལུས་ལ་བྱབས་ནས། ཁྲུས་བྱས་ཏེ་རྩྭ་
D432.081.0007a05.01ཀུ་ཤའི་ཆུན་པོས་འོག་ནས་གཡུག་ཅིང་། །ནཱ་ག་རཱ་ཛ་ས་མ་ཡ་དུན་ཏི། །ཕུ་ཊ་ཕུ་ཊ་ཕཊ་ཅེས་བརྗོད་ན། གང་ལ་ཀླུ་གནོད་པ་དེ་སོས་པར་བྱེད་དོ། །ཡང་ན་གོང་དུ་བསྟན་པའི་ཡུངས་ཀར་དང་། གུ་གུལ་གྱིས་བདུག་ཅིང་སྔགས་དྲག་ཏུ་བརྗོད་ན་ཀླུ་འབྲོས་སོ། །སླར་ཡང་
D432.081.0007a06.01མི་ལྡོག་གོ། །འབྱུང་པོ་ལ་སོགས་པའི་གདོན་གྱིས་ཟིན་པ་ལ་ཡུངས་ཀར་བསྐྱེད་པ་ལ་སྔགས་མང་དུ་བཟླས་ནས་གཏོར་ན་འབྱེར་རོ། །བྱིས་པ་གསར་དུ་བཙས་པ་བསྲུང་བ་ནི་ཁམ་ཕོར་ལ་རྡོ་རྒྱུས་ཀྱིས་བྲིས་པ་བཅང་ངོ་། །སྤྲ་ཚིལ་གྱི་གཟུགས་སོར་བཞི་པའི་ཚད་དུ་བྱས་པའི་
D432.081.0007a07.01