完整藏文原文 · 德格版页 当前仅加载第 81 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་ཐམས་ཅད་སོད་ཅིག །ཆིངས་ཤིག །བཏོགས་ཤིག །རྒྱོབ་ཅིག །ཕྲོལ་ཅིག །གཏུབས་ཤིག །དྲིལ་ཅིག །ཕུལ་ཅིག །ནོན་ཅིག །གཟིར་ཅིག །ཕུག་ཅིག །ཚོས་ཤིག །སྲེགས་ཤིག །ཕྱེ་མར་གྱིས་ཤིག །མེད་པར་གྱིས་ཤིག །
D432.081.0003a01.01ཁོས་ཤིག །སྡོམས་ཤིག །ཟོ་ཤིག །འཐུང་ཤིག །སྡིགས་ཤིག །ཧཱུྃ་ཧཱུྃ་ཧཱུྃ་ཛ་ཛ་ཛ་ཧཾ་ལཾ་ཏྲཾ་ཕཊ། ཅེས་གསུངས་པ་དང་། ཁྲོ་བོའི་རྒྱལ་པོ་དེ་ཁྲོས་ནས་ཧཱུྃ་ཞེས་བརྗོད་པས་ཞལ་གསུམ་ཕྱག་དྲུག་པར་བྱས་ཏེ། ཀླུའི་ཚོགས་ཐམས་ཅད་མ་ལུས་པར་ཟོས་ཏེ། ཕཊ་ཅེས་བརྗོད་
D432.081.0003a02.01ནས་ཞལ་བཞི་ཕྱག་བཞི་ཞབས་ཀྱང་བཞིར་བྱས་ནས་ལྷ་མ་ཡིན་ཐམས་ཅད་མེད་པར་བྱས་སོ། །ཞལ་གཅིག་ཕྱག་གཉིས་པ་དྲང་སྲོང་ཁྲོས་པའི་དབྱིབས་ལྟར་བྱས་ནས་ལྷའི་གདོན་ཐམས་ཅད་ཕམ་པར་བྱས་ཏེ། ཚོགས་ཀྱི་བདག་པོ་གདན་དུ་བྱས་སོ། །གཞོན་ནུའི་ཆ་བྱད་
D432.081.0003a03.01དུ་བྱས་ནས་པུས་མོ་གཡས་པའི་ལྷ་ང་ས་ལ་བཙུགས་ནས་ལྷའི་བུའི་བདུད་ཕམ་པར་བྱས་སོ། །གཡོན་པ་ས་ལ་བཙུགས་ནས་བི་ནཱ་ཡ་ཀ་མེད་པར་བྱས་སོ། །དེ་ནས་ཡང་དག་བཤད་བྱ་བ། །ལྷ་ལ་སོགས་པ་རྣམས་སྡང་ཞིང་། །ཁྲོས་ནས་གདུག་པ་རྣམས་འཇིགས་བྱེད། །
D432.081.0003a04.01སྣ་ཚོགས་རབ་མང་སྦྱོར་མཛད་པའོ། །ཆོས་རྣམས་གང་གིས་ཅིར་མ་མཐོང་། །ལུས་དང་སེམས་དང་ངག་རྣམས་དག །ཀུན་རྫོབ་སྟོང་པ་རྣམ་དག་ནས། །མི་གནས་སྣ་ཚོགས་ཟུང་འཇུག་བདེ། །འཕགས་པ་མི་གཡོ་བའི་རྟོག་པའི་རྒྱུད་ཀྱི་རྒྱལ་པོ་ལས་སྤྲུལ་པ་རྣམ་པར་
D432.081.0003a05.01དག་པའི་ལེའུ་སྟེ་དང་པོའོ།། །།དེ་ནས་ཡང་དག་བཤད་བྱ་བ། །བདེ་བར་གཤེགས་རྣམས་འདུས་པའི་སྐུ། །སྣ་ཚོགས་ལུས་ཅན་འཇིགས་པའི་གཟུགས། །ནམ་མཁའ་གང་བའི་བསམ་གཏན་བྱ། །སྐད་ཅིག་བསམ་གཏན་མངོན་རྫོགས་ཤིང་། །སྐད་
D432.081.0003a06.01ཅིག་ཡི་གེ་རྣམ་དགོད་བྱེད། །སྐད་ཅིག་ལ་ནི་གསང་སྔགས་འདོན། །འཇིགས་གཟུགས་སྐད་ཅིག་སྤྲུལ་པ་འགྱེད། །ཚར་གཅོད་ཟིལ་གྱིས་གནོན་མཛད་ཕྱིར། །སྐད་ཅིག་ཁྲོས་སྤྱན་ནག་པོ་འབར། །མཁའ་ལ་གཟིགས་པས་ལྷ་རྣམས་སྐྲག །ས་ལ་གཟིགས་པས་ཀླུ་རྣམས་ས་སྐྲག །
D432.081.0003a07.01