完整藏文原文 · 德格版页 当前仅加载第 81 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
མཛུབ་དང་། འཁོར་ལོ་དང་། ཁ་ཊྭཱཾ་ག་འཛིན་པ་དང་། ཀླུས་བརྒྱན་ཅིང་ཐོད་པའི་དོ་ཤལ་ཅན། སྟག་གི་ཤམ་ཐབས་དང་། གླང་པོ་ཆེའི་སྟོད་གཡོགས་དང་། ཐོད་པ་ལྔའི་དབུ་རྒྱན་ཅན། རུས་པས་བརྒྱན་ཅིང་པདྨ་དང་། ཉི་མའི་སྟེང་ན་གཡོན་བརྐྱང་ཞིང་གཡས་བསྐུམ་པའི་ཚུལ་གྱིས་
D432.081.0005b01.01འགྱིང་བ། བསྐལ་པའི་མེའི་གཟི་མདངས་ཀྱི་ནང་ནས་ཁྲོ་བོ་བཅུ་འཕྲོ་བ་བྲིའོ། །ལྷ་མིན་རྒྱལ་པོ་མི་གཡོ་བ་ནི་ཞལ་བཞི་རེ་རེ་ལ་ཡང་སྤྱན་གསུམ་གསུམ་དང་ལྡན་ཞིང་། ཕྱག་བཞིའི་གཡས་གཉིས་ན་རལ་གྲི་དང་རྡོ་རྗེ། གཡོན་གཉིས་ན་སྡིགས་མཛུབ་དང་ཐོད་ཁྲག་ཅན།
D432.081.0005b02.01སྟོད་ལ་མིའི་པགས་པ་གྱོན་ཞིང་སྟག་གི་ཤམ་ཐབས་ཅན། རུས་པ་དང་། ཀླུས་ཡན་ལག་བརྒྱན་པ། བསྐལ་པའི་མེ་འབར་ཞིང་ཁྲོ་བོའི་ཚོགས་ཀྱི་སྤྲིན་དུ་མ་འཕྲོ་བ། པདྨ་ལ་ཞབས་བཞིས་བདུད་བཞི་མནན་ཅིང་སྐྲ་སེར་པོ་གྱེན་དུ་བརྫེས་པ་བྲིའོ། །བདུད་ཐམས་
D432.081.0005b03.01ཅད་འདུལ་བའི་མི་གཡོ་བ་ནི་གཏུམ་པོ་ཞལ་གཅིག་ཕྱག་གཉིས་རལ་གྲི་དང་། ཞགས་པས་འབྲེལ་བ། སྐྲ་ནག་པོའམ་སེར་པོ་གྱེན་དུ་བརྫེས་པ། རིན་པོ་ཆེའི་ཅོད་པན་དང་། དོ་ཤལ་དང་། ཡན་ལག་ཐམས་ཅད་བརྒྱན་ཅིང་སྟག་གི་ཤམ་ཐབས་ཅན། སྦྲུལ་དཀར་པོ་སེ་
D432.081.0005b04.01རལ་ཁར་ཐོགས་པ། བསྐལ་པའི་ཚོགས་ཀྱི་མེར་འབར་བའི་ནང་ན་ཁྲོ་བོ་དུ་མ་འཁྲུག་ཅིང་། པདྨ་དང་ཉི་མ་ལ་པུས་མོ་གཡས་པ་འཐབ་སྟངས་ཀྱི་ཚུལ་དུ་བཞུགས་པའམ། ཡང་ན་གཡོན་པ་གཤེད་པོའི་ཚུལ་དུ་བཙུགས་ཤིང་ལྷག་མ་ནམ་མཁའ་ལ་འགྲེང་ཞིང་བཏེག་པ་བྲིའོ། །
D432.081.0005b05.01གང་ཡང་རང་འདོད་པ་ཞིག་དེ་ལྟར་བྲིས་ནས། དེའི་མདུན་དུ་རང་ཉིད་ཀྱི་འདྲ་འབག་ཚོན་སྣ་ཚོགས་ཀྱིས་བྲིས་ལ། རི་མོ་མཁན་ལ་གོ་བ་ལེགས་པར་བསྐྱེད་ནས། མཛེས་པ་གཡོན་དུ་ཕུལ་ཏེ། བཀྲ་ཤིས་བརྗོད་ནས། རང་གི་གནས་ཀྱི་དབེན་པའི་ཕྱོགས་སུ་བཞུགས་པ་མངོན་
D432.081.0005b06.01སུམ་དུ་མི་གཡོ་བར་བསྒྲུབས་ཏེ། མེ་ཏོག་ལ་སོགས་པས་ལེགས་པར་མཆོད་ནས། ཡེ་ཤེས་ཀྱི་ཁྲོ་བོའི་རྒྱལ་པོ་ཡང་དེ་ཉིད་ལ་བསྟིམ་པར་བྱའོ། །གང་ཡང་དངོས་གྲུབ་འདོད་པས་སྤོས་དང་། མེ་ཏོག་དང་། སྒྲོན་མ་དང་། ཞལ་ཟས་དང་། གོས་ལ་སོགས་པས་རྒྱུན་དུ་
D432.081.0005b07.01