完整藏文原文 · 德格版页 当前仅加载第 67 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
འདོད་ན། །ཐོས་པ་མང་པོའི་མི་ཕྱིར་འབྲངས། །དགེ་བས་མཁན་པོ་བཞིན་དུ་བཀུར། །སངས་རྒྱས་མྱུར་དུ་འགྲུབ་པར་འགྱུར། །ཚུལ་ཁྲིམས་རྣམ་དག་སྲུང་བྱེད་ན། །མིང་ནི་དགེ་སློང་དེས་པ་ཡིན། །སྟོང་ཉིད་གང་གིས་བརྟགས་ནུས་ན། །དེ་མིང་རྣལ་འབྱོར་སྒྲུབ་པ་ཡིན། །བརྩོན་
D265.067.0287a01.01འགྲུས་ལ་ལས་བསྒྲུབ་ནུས་ན། །དེ་མིང་འཕགས་ལམ་སྤྱོད་པ་ཡིན། །ལ་ལས་མྱ་ངན་འདས་བསྒྲུབས་ན། །དེ་མིང་ཡང་དག་བདེ་བ་ཡིན། །ཚུལ་ཁྲིམས་སྡོམ་པའི་དགེ་ཚུལ་དང་། །རྣམ་དག་ཁྲིམས་འཛིན་དགེ་སློང་དག །ཟླ་བ་ཕྱེད་ཅིང་གསོ་སྦྱོང་བྱ། །ཆོས་གོས་བརྟགས་པ་རྣམས་
D265.067.0287a02.01བགོས་ཏེ། ལྷུང་བཟེད་འཁར་གསིལ་སོགས་བཀུར་ཞིང་། །དག་པས་བསོད་སྙོམས་གཙང་བླང་བྱ། །ལྷ་རྣམས་ཐམས་ཅད་དགའ་མགུ་སྟེ། །གུས་པས་ཕྱག་འཚལ་ཐལ་སྦྱར་ནས། །ལྷ་རྣམས་ངེད་ཀྱིས་མི་འདི་དག །དེ་ཡི་མངག་གཞུག་བསྒྲུབ་པར་བྱ། །དཔེར་ན་ལྷ་དབང་བརྒྱ་བྱིན་ལ། །
D265.067.0287a03.01སུམ་ཅུ་རྩ་གསུམ་ལྷ་གཞན་རྣམས། །རིམ་གྲོ་གུས་པ་བྱེད་བཞིན་བྱ། །ཚེ་འདིར་ལེགས་པ་ཉིད་འཐོབ་སྟེ། །ཚེ་རབས་གཞན་གྱིའང་དཔག་མི་ཁྱབ། །རབ་ཏུ་བྱུང་ཞིང་ཚུལ་ཁྲིམས་ས་སྡོམ། །སངས་རྒྱས་བཀའ་དྲིན་ལན་བསྒྲུབས་ཡིན། །རྒྱལ་བུ་དགེ་མཐོང་ད་ཡང་ཉོན། །ང་དང་བྱང་ཆུབ་མ་
D265.067.0287a04.01གཏོགས་པར། །འཇིག་རྟེན་མི་རྣམས་ཐམས་ཅད་ཀྱིས། །མོས་པ་རྣམ་དག་སེམས་བསྐྱེད་དེ། །ཕྱོགས་བཅུའི་སངས་རྒྱས་རྟག་བཞུགས་པར། །མྱ་ངན་འདས་པར་མངོན་པར་ཤེས། །ཆོས་དང་དགེ་འདུན་དེ་བཞིན་ཏེ། །དེ་ལྟ་བུ་ཡི་མི་རྣམས་ནི། །བཅོམ་ལྡན་དྲིན་ལ་ལན་བསྒྲུབས་ཡིན། །
D265.067.0287a05.01དེ་ཡང་རྒྱལ་བུ་དགེ་མཐོང་ཉོན། །འཇིག་རྟེན་མི་རྣམས་ཐམས་ཅད་ལ། །བྱེ་བྲག་དབྱེ་བའི་སེམས་མེད་པར། །ཐེག་པ་གཅིག་ཆོས་མངོན་ཤེས་ཏེ། །ཕྱོགས་བཅུར་སྔ་མ་འདས་པ་དང་། །ད་ལྟར་མ་འོངས་དུས་རྣམས་ལ། །སངས་རྒྱས་ཐེག་ཆེན་གཅིག་པུ་ལས། །གཉིས་དང་གསུམ་ཞེས་བྱ་མེད་
D265.067.0287a06.01པར། །བྱེ་བྲག་དབྱེ་བའི་སེམས་མེད་དེ། །དེ་ལྟར་མོས་སེམས་བསྐྱེད་ནུས་ན། །དེ་ལྟ་བུ་ཡི་མི་རྣམས་ནི། །སངས་རྒྱས་བཀའ་དྲིན་འཚོབ་པ་ཡིན། །རྒྱལ་བུ་དགེ་མཐོང་ད་ཡང་ཉོན། །ད་ནི་འདས་ཏེ་གཤེགས་ཕྱི་ན། །མི་ཡི་ནང་ན་ལ་ལ་ཞིག །སེམས་ཅན་རྣམ་པ་ཐམས་ཅད་ལའང་། །སངས་རྒྱས་སྙིང་པོ་ཉིད་ཡོད་
D265.067.0287a07.01