完整藏文原文 · 德格版页 当前仅加载第 67 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ནས་བརྗོད་ཅིང་ཀླགས་ལ། མོས་ཤིང་གུས་པས་དེ་ལྟར་ཕྱག་འཚལ་ཞིང་འཆང་བ་ནི་མདོ་སྡེ་འདི་ལས་བཤད་པ་བཞིན་དུ་སྡིག་ལྕི་བ་ཐམས་ཅད་ཡང་དག་པར་བསལ་བར་འགྱུར་རོ། །དེ་ཅིའི་ཕྱིར་ཞེ་ན། རྟོགས་པ་ཆེན་པོས་ཡོངས་སུ་རྒྱས་པའི་ཆོས་ཀྱི་གཞུང་འདི་ནི་ཕྱོགས་
D265.067.0265b01.01བཅུའི་སངས་རྒྱས་ཐམས་ཅད་ཀྱིས་ཀྱང་སྤྱད་ཅིང་སྦྱངས་ལ། བྱིན་གྱིས་བརླབས་ནས་ཡོངས་སུ་བཟུང་བ་སྟེ། སངས་རྒྱས་ཐམས་ཅད་ཀྱི་ནི་ཡུམ་མོ། །མདོ་སྡེ་རྣམས་ཀྱི་ནི་རྒྱལ་པོའོ། །མཆོག་གི་གཞུང་གི་ནི་མཛོད་དོ། །བྱང་ཆུབ་སེམས་དཔའ་རྣམས་ཀྱི་ནི་ལམ་མོ། །རྟོགས་པ་ཆེན་
D265.067.0265b02.01པོས་ཡོངས་སུ་རྒྱས་པ་འདི་མཆོག་ཏུ་ཟབ་པའི་ཆོས་ཀྱི་གཞུང་གི་སྙིང་པོའོ། །གཅིག་ཏུ་དཔེར་ན་འཇིག་རྟེན་ན་ཆེན་པོ་བཞི་ལ་སོགས་པ་རྣམ་པ་དྲུག་དང་མཚུངས་ཤིང་བསམ་གྱིས་མི་ཁྱབ་སྟེ། དྲུག་གང་ཞེ་ན། ས་ཆེན་པོ་དང་། ཆུ་ཆེན་པོ་དང་། མེ་ཆེན་པོ་དང་། རླུང་ཆེན་པོ་སྟེ་ཆེན་པོ་
D265.067.0265b03.01བཞི་དང་། ཉི་མ་དང་སྟོང་པ་སྟེ་དྲུག་གོ །དེ་ལ་མདོ་སྡེ་འདི་ནི་དཔེར་ནས་ཆེན་པོ་དང་འདྲ་བར་གཙང་སྨེ་དང་། བཟང་ངན་ཆེ་ཆུང་ཐམས་ཅད་ཐེག་པ་ཡིན་ནོ། །ཡང་མདོ་སྡེ་འདི་ནི་དཔེར་ན་ཆུ་ཆེན་པོ་དང་འདྲ་བར་མི་གཙང་བའི་ལྗན་ལྗིན་དང་། དྲི་མ་ཐམས་ཅད་དག་པར་འཁྲུ་བ་ཡིན་ནོ། །
D265.067.0265b04.01ཡང་མདོ་སྡེ་འདི་ནི་དཔེར་ན་མེ་ཆེན་པོ་དང་འདྲ་བར་ལས་དང་ཉོན་མོངས་པའི་དྲི་མ་མི་གཙང་བའི་སྦར་སྦུར་ཐམས་ཅད་སྲེག་པ་ཡིན་ནོ། །ཡང་མདོ་སྡེ་འདི་ནི་དཔེར་ན་རླུང་ཆེན་པོ་དང་འདྲ་བར་ལས་དང་ཉོན་མོངས་པའི་དྲི་མ་མི་གཙང་བའི་ཕྱག་དར་ཐམས་ཅད་འཐོར་ཞིང་འབུད་པ་ཡིན་ནོ། །ཡང་མདོ་སྡེ་
D265.067.0265b05.01འདི་ནི་དཔེར་ན་ཉི་མ་དང་འདྲ་བར་མ་རིག་པའི་མུན་ནག་ཐམས་ཅད་ཀུན་ཏུ་སྣང་བར་བྱེད་པ་ཡིན་ནོ། །ཡང་མདོ་སྡེ་འདི་ནི་དཔེར་ན་ནམ་མཁའ་སྟོང་པ་དང་འདྲ་བར་དངོས་པོ་མ་ལུས་པ་ཐམས་ཅད་གོ་འབྱེད་ཅིང་ཤོང་བར་བྱེད་དོ། །ཐེག་པ་ཆེན་པོའི་མདོ་སྡེ་རྟོགས་པ་ཆེན་པོས་ཡོངས་སུ་རྒྱས་པའི་
D265.067.0265b06.01མདོ་སྡེ་འདི་རྒྱ་ཆེ་བ་ནི་ཟླ་མེད་པ་ཡིན་ཏེ། བྱང་ཆུབ་སེམས་དཔའ་མན་ཆད་ཉན་ཐོས་དང་། འདོད་པ་དང་གཟུགས་དང་། གཟུགས་མེད་པ་ལ་ཐུག་པ་ཐམས་ཅད་ཤོང་བར་བྱེད་དོ། །དེ་བས་ན་ཁྱེད་ཀྱིས་མདོ་སྡེ་འདི་ལོང་ལ་ཡོངས་སུ་བཟུང་བ་དང་། རྒྱ་ཆེར་སྤེལ་ཞིང་ཁྱབ་པར་
D265.067.0265b07.01