完整藏文原文 · 德格版页 当前仅加载第 67 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་རྣམས་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ན་བསྐལ་པ་དཔག་ཏུ་མེད་པ་ཚུན་ཆད་ཀྱི་འཁོར་བའི་སྡིག་ལྕི་བ་ཡང་དག་པར་བསལ་བར་འགྱུར་རོ། །གང་ཟག་ལ་ལས་འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱི་མཚན་ཐོས་ན། མི་
D265.067.0281a01.01དེ་བསྐལ་པ་འབུམ་ཕྲག་བཞི་བཅུའི་བར་དུ་སེམས་ཅན་དམྱལ་བའི་སྡུག་བསྔལ་དུ་མི་ལྟུང་ཞིང་། ཁམས་གསུམ་གྱི་འཁོར་བ་ལ་མི་གཏོགས་ཏེ། རྟག་ཏུ་རྣམ་པར་ཐར་པའི་རྒྱལ་པོའི་ཁམས་སུ་གཏོགས་པར་འགྱུར་རོ། །མཐའ་འཁོབ་ཡུལ་དུ་ཡོངས་མི་སྐྱེ། །དགེ་མེད་ཡུལ་དུ་འང་དེ་བཞིན་
D265.067.0281a02.01ཏེ། །ལུས་ངན་ལེན་པར་མི་འགྱུར་ཞིང་། །ལོག་པར་ལྟ་བར་མི་སྐྱེའོ། །མ་རབས་རིགས་སུ་མི་སྐྱེ་སྟེ། །མུ་སྟེགས་ཅན་དུའང་མི་སྐྱེ་ཞིང་། །ལུས་ཀྱི་ཡན་ལག་ཀུན་དང་ལྡན། །དམ་པའི་ཆོས་ནི་རྟག་ཏུ་ཐོས། །དཀའ་ཐུབ་སྡོམ་པ་མ་བླངས་ཀྱང་། །འདི་དག་རྟག་ཏུ་ལྡན་འགྱུར་
D265.067.0281a03.01ཏེ། །ཐེག་པ་ཆེན་པོའི་སྤྱོད་ལམ་མཛེས། །རྟག་པར་སངས་རྒྱས་བདག་ཉིད་མཐོང་། །དེ་ཕྱིར་གུས་པར་ཕྱག་འཚལ་ཏེ། །བཅོམ་ལྡན་ཆོས་ལ་བདེ་བར་གནས། །མ་འོངས་དུས་ན་སངས་རྒྱས་འགྲུབ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱི་མཚན་བསྒྲགས་པ་
D265.067.0281a04.01ན་རིགས་ཀྱི་བུ་ཕོ་དང་། རིགས་ཀྱི་བུ་མོ་འབུམ་ཕྲག་བརྒྱད་ཅུ་རྩ་བརྒྱད་ཀྱིས་ལན་ཅིག་ཕྱིར་འོང་བའི་འབྲས་བུ་ཐོབ་པར་གྱུར་ཏོ། །ལྷ་དང་མི་འབུམ་ཕྲག་བཞི་བཅུ་རྩ་དགུས་ཕྱིར་མི་འོང་བའི་འབྲས་བུ་ཐོབ་བོ། །སེམས་སྟོར་བའི་དགེ་སློང་འབུམ་ཕྲག་བདུན་ཅུ་རྩ་བརྒྱད་ཀྱིས་སེམས་ཀྱི་
D265.067.0281a05.01བདག་ཉིད་སླར་རྙེད་དེ་དགྲ་བཅོམ་པའི་འབྲས་བུ་ཐོབ་བོ། །བྱང་ཆུབ་སེམས་དཔའ་སེམས་དཔའ་ཆེན་པོ་འབུམ་ཕྲག་བཅུས་གཟུངས་ཆེན་པོ་རྙེད་ནས་མ་འོངས་པའི་དུས་ན་བྱང་ཆུབ་ཀྱི་སྙིང་པོར་མངོན་པར་རྫོགས་པར་འཚང་རྒྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་
D265.067.0281a06.01དཔའ་ཆེན་པོ་སེང་གེ་སྒྲས་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་ཀྱིས་བཀའ་སྩལ་པ་ལྟར་ན་ཐེག་པ་ཡང་གཅིག་ཏུ་བས་ཏེ་གཉིས་དང་གསུམ་དུ་མ་མཆིས་སོ། །རྟོགས་པ་ཆེན་པོ་ཡོངས་སུ་རྒྱས་པའི་འགྱོད་ཚངས་ཀྱི་མདོ་འདི་ནི་སངས་རྒྱས་བཅོམ་ལྡན་
D265.067.0281a07.01