完整藏文原文 · 德格版页 当前仅加载第 67 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུ་འབེབས་ཀྱིས་བཅོམ་ལྡན་འདས་རིན་ཆེན་གཙུག་ཏོར་ཅན་གྱི་མཚན་ལན་གསུམ་བརྗོད་པས་ཉ་དེ་རྣམས་ཀྱིས་ཐོས་པས་ཚེ་འཕོས་མ་ཐག་ཏུ་སུམ་ཅུ་རྩ་གསུམ་གནམ་གྱི་ལྷར་སྐྱེས་སོ། །དེ་ལྟ་བས་ན་བཅོམ་ལྡན་འདས་འཁོར་འདི་དག་དང་། མ་འོངས་པའི་སྐྱེ་བོ་རྣམས་ལ་སྨན་པའི་སླད་དུ། བཅོམ་
D265.067.0266b01.01ལྡན་འདས་རྣམས་ཀྱི་མཚན་བསྟན་ཅིང་བསྒྲགས་པར་གསོལ། བཅོམ་ལྡན་འདས་ཤཱཀྱ་ཐུབ་པའི་མཚན་ཀྱང་ཐོས་ན་དཔག་ཏུ་མ་མཆིས་ཤིང་། བརྗོད་དུ་མ་མཆིས་པའི་སྐྱེ་བོ་མང་པོ་ལ་སྨན་པ་དང་། བདེ་བ་ཐོབ་ཅིང་རྟག་ཏུ་ལོངས་སྤྱོད་ཕུན་སུམ་ཚོགས་པ་དང་ལྡན་པ་དང་། དཔག་ཏུ་མ་མཆིས་
D265.067.0266b02.01པའི་བསོད་ནམས་ཀྱི་གཏེར་རྙེད་ཅིང་དེ་བཞིན་གཤེགས་པའི་བདག་ཉིད་ཀྱང་མངོན་སུམ་དུ་རྟོགས་པར་འགྱུར་བའི་སླད་དུ་གསོལ་པ་དང་། ཚུལ་ཁྲིམས་ཀྱི་རྩ་བ་ཉམས་ཤིང་ཉོན་མོངས་པས་འཁྲུལ་པའི་སེམས་ཅན་རྣམས་ཡོངས་སུ་ཐར་བར་འགྱུར་བའི་སླད་དུ་བསྟན་པར་གསོལ། དེ་ནས་བཅོམ་ལྡན་
D265.067.0266b03.01འདས་ཀྱིས་བྱང་ཆུབ་སེམས་དཔའ་མོས་པའི་མཚན་ལ་བཀའ་སྩལ་པ། རིགས་ཀྱི་བུ་གལ་ཏེ་ངས་ཕྱོགས་བཅུའི་སངས་རྒྱས་ཐམས་ཅད་ཀྱི་མཚན་རྫོགས་པར་བསྟན་ན་བསྐལ་པ་ཁྲི་ཕྲག་བརྒྱ་སྟོང་གི་བར་དུ་བསྟན་ཀྱང་རྫོགས་པའི་མཐའ་མེད་དོ། །ཆུ་ཐམས་ཅད་ཀྱི་ཐིགས་པའི་གྲངས་ནི་
D265.067.0266b04.01བགྲང་ཞིང་ཤེས་པར་རུང་གི་སངས་རྒྱས་ཐམས་ཅད་ཀྱི་མཚན་ནི་བགྲོང་ཞིང་ཤེས་པར་མི་ནུས་སོ། །རི་རབ་ལྷུན་པོ་རྣམས་ཀྱང་སྲང་ལ་གཞལ་ཞིང་བགྲང་བར་རུང་གི །སངས་རྒྱས་བཅོམ་ལྡན་འདས་ཐམས་ཅད་ཀྱི་མཚན་ནི་བརྗོད་ཅིང་ཤེས་པར་མི་ནུས་སོ། །འཇིག་རྟེན་ཐམས་ཅད་ཀྱི་རྡུལ་
D265.067.0266b05.01ཐམས་ཅད་ནི་བགྲང་ཞིང་ཤེས་པར་རུང་གི་སངས་རྒྱས་བཅོམ་ལྡན་འདས་ཐམས་ཅད་ཀྱི་མཚན་ནི་བརྗོད་ཅིང་ཤེས་པར་མི་ནུས་སོ། །ནམ་མཁའི་ཁམས་དང་མཐའ་ནི་ཤེས་པར་རུང་གི་སངས་རྒྱས་བཅོམ་ལྡན་འདས་ཐམས་ཅད་ཀྱི་མཚན་ནི་བརྗོད་ཅིང་ཤེས་པར་མི་ནུས་སོ། །དེ་ལྟ་བས་ན་ངས་ཁྱོད་ལ་
D265.067.0266b06.01དུས་གསུམ་གྱི་སངས་རྒྱས་བཅོམ་ལྡན་འདས་རྣམས་ཀྱི་མཚན་མདོ་ཙམ་ཞིག་བསྟན་ཏེ། དེ་གང་ཟག་ལ་ལའི་རྣ་བར་ལན་ཅིག་ཙམ་ཐོས་ན་མི་དེ་ཚེ་འཕོས་མ་ཐག་ཏུ་ལྷའི་གནས་སུ་སྐྱེའོ། །ཐོས་ནས་མོས་པ་དང་། གུས་པ་བྱས་ལ་ཡི་གེར་བྲིས་སམ། མཚན་ནས་བརྗོད་ཅིང་ཕྱག་འཚལ་ན།
D265.067.0266b07.01