完整藏文原文 · 德格版页 当前仅加载第 67 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
དཀོན་མཆོག་གསུམ་ལ་སྐྱབས་སུ་གསོལ་ལོ། །སངས་རྒྱས་བཅོམ་ལྡན་འདས་རྣམས་ནི་ཐུགས་རྗེ་དང་བྱམས་པའི་སེམས་མངའ་བས་ཀུན་ལ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི་དགེ་བའི་བཤེས་གཉེན་ལགས་ན། བདག་ཅག་ལ་སོགས་པས་བསྐལ་པ་དཔག་ཏུ་
D265.067.0284b01.01མ་མཆིས་པ་ནས་སྲིད་པ་ན་འཁོར་བའི་ཚེ། སྡིག་ལྕི་བ་བགྱིས་པ་དེ་དག་ཐམས་ཅད་འགྱོད་ཅིང་བཤགས་པས་ཚངས་པ་གནང་བར་གསོལ་ཏེ། སླན་ཆད་ཀྱང་མི་བགྱིད་པར་གྱུར་ཅིག །ཡང་བཅོམ་ལྡན་འདས་བདག་ཅག་ལ་སོགས་པས་བསྐལ་པ་དཔག་ཏུ་མ་མཆིས་པ་ནས་མཚམས་མ་མཆིས་
D265.067.0284b02.01པ་ལྔ་བགྱིས་པའམ། འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་བཅོམ་ལྡན་འདས་ཀྱི་སྡོམ་པ་དང་། ཚུལ་ཁྲིམས་ཉམས་པའམ། འདོད་ཆེན་པའི་ལས་སྤྱད་པའམ། མི་དགེ་བའི་ཚིག་རྩུབ་པོ་སྨྲས་ནས་དགེ་བའི་ཆོས་ལ་སྐུར་བའི་སྡིག་ལྕི་བའི་ལས་བགྱིས་པ་ཡང་
D265.067.0284b03.01སླར་འགྱོད་ཅིང་བཤགས་མ་མྱོང་བ་དང་། ཡིད་ལ་འཛེམ་པ་དང་། ངོ་ཚ་བ་མ་མཆིས་པས་མི་དགེ་བ་བཅུ་དང་། མཚམས་མ་མཆིས་པ་ལྔའི་དངོས་པོ་སྡིག་ལྕི་བ་ལ་སོགས་པ་བགྱིས་པའམ། ཐོག་མ་ནས་ཡིད་ལ་འཇིགས་ཤིང་འཛེམ་པ་མ་མཆིས་པས་དེ་ལྟ་བུའི་སྡིག་ལྕི་བ་བགྱིས་པར་བདག་ཉིད་
D265.067.0284b04.01ཀྱིས་ངེས་པར་འཚལ་ཀྱང་། ནོངས་པ་བཅབས་ཤིང་དད་པས་བྱིན་པ་བླངས་པ་མཐོལ་ཤིང་བཤགས་མ་མྱོང་བའམ། དམ་པའི་ཆོས་ཡུན་རིང་དུ་གནས་པར་བགྱི་ཞིང་། རིམ་གྲོར་མཆོད་པའི་བསམ་པ་མ་མཆིས་ཏེ། དེ་ལ་མི་སྙན་པར་སྨད་ཅིང་ཡང་ལོག་པར་བལྟས་པའམ། ངག་གི་སྒོ་ནས་ཀུན་ནས་
D265.067.0284b05.01ཉོན་མོངས་པའི་ཉེས་པ་མང་པོ་བགྱིས་པའམ། ཡང་འདི་སྐད་ཅེས་ཀྱང་སྨྲས་ཏེ། སངས་རྒྱས་དང་། ཆོས་དང་དགེ་འདུན་གསུམ་མ་མཆིས་ཞེས་བགྱིས་པ་ལ་སོགས་པ་མི་དགེ་བ་བཅུ་དང་། མཚམས་མེད་པ་ལྔའི་སྡིག་ལྕི་བ་དེ་ལྟ་བུ་བགྱིས་པའི་སླད་དུ། ད་འཇིགས་ཤིང་སྐྲག་པ་ནི་དཔག་ཏུ་མ་
D265.067.0284b06.01མཆིས། འཛེམ་ཞིང་གནོང་བ་ནི་བསམ་གྱིས་མི་ཁྱབ་སྟེ། དཀོན་མཆོག་གསུམ་ལ་སྐྱབས་སུ་གསོལ་ལོ། །སངས་རྒྱས་བཅོམ་ལྡན་འདས་རྣམས་ནི་ཐུགས་རྗེ་དང་བྱམས་པ་མངའ་བས་ཀུན་ལ་སྙོམས་པའི་ཡབ་ཡུམ་ལགས། བྱང་ཆུབ་སེམས་དཔའ་རྣམས་ནི་དགེ་བའི་བཤེས་གཉེན་ལགས་
D265.067.0284b07.01