完整藏文原文 · 德格版页 当前仅加载第 66 函德格 302b 版页；藏文 NFD、目录标记与异常页序保留在来源切片中，重复版页行以稳定序号区分。
འཛུམས་པར་ལྟ་ཞེ་ན། གཟུགས་ཀྱི་ཁམས་ན་སྤྱོད་པའི་ལྷའི་བུ་སྤྱོད་ལམ་ཞི་བ་དེ་དག་གི་དེ་བཞིན་གཤེགས་པ་དགྲ་བཅོམ་པ་སྐྱིལ་མོ་ཀྲུང་བཅས་ཤིང་བཞུགས་པ་མཐོང་ནས་ཆེར་དགའ་བར་གྱུར་ཏོ། །དེ་དག་དགའ་ཞིང་རབ་ཏུ་མགུ་བ་སྐྱེས་ནས་གང་བདག་ཅག་གིས་དགེ་སྦྱོང་གཽ་ཏ་མའི་སེམས་
D261.066.0302b01.01གང་ལ་གནས་པ་བཙལ་ལོ། །སྙམ་དུ་གྱུར་ནས་དེ་དག་གིས་ཉིན་ཞག་བདུན་དུ་བརྟགས་ཀྱང་སེམས་ཀྱི་གནས་གཅིག་ཀྱང་མ་རྙེད་དོ། །དེ་ནས་ལྷའི་བུ་སུམ་ཁྲི་ཉིས་སྟོང་གིས་ཤིན་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏེ། བདག་ཅག་ཀྱང་མ་འོངས་པའི་དུས་ན་
D261.066.0302b02.01འདི་འདྲ་བར་རབ་ཏུ་ཞི་བའི་སྤྱོད་ལམ་དང་མ་བྲལ་བར་གནས་ཤིང་དེ་ལྟར་བྱང་ཆུབ་ཀྱི་ཤིང་ལ་བལྟ་བར་བྱའོ་སྙམ་མོ། །རྒྱུ་དེ་དང་རྐྱེན་དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་བྱང་ཆུབ་ཐོབ་ནས་ཉི་མ་བདུན་དུ་སྐྱིལ་མོ་ཀྲུང་མ་བཤིག་ཅིང་མིག་མ་
D261.066.0302b03.01བཙུམས་པར་ཤིང་གི་རྒྱལ་པོ་ལ་བལྟའོ། །ཅིའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་བྱང་ཆུབ་ཐོབ་ནས་སེམས་ཅན་གྲངས་མེད་དཔག་ཏུ་མེད་པ་དབུགས་ཕྱུང་ཞིང་གཉེར་བར་བྱས་ནས། ཚངས་པས་མ་གསོལ་བར་ཆོས་མི་འཆད་ཅེ་ན། འདི་
D261.066.0302b04.01ལ་དེ་བཞིན་གཤེགས་པ་འདི་སྙམ་དུ་དགོངས་ཏེ། ལྷ་དང་མི་དག་ཕལ་ཆེར་ཚངས་པ་ལ་སྟེན་ཏེ། བདག་ཅག་ནི་ཚངས་པས་སྤྲུལ་པའོ། །བདག་ཅག་ནི་ཚངས་པས་བསྐྱེད་པའོ། །འཇིག་རྟེན་ན་ཚངས་པ་མ་གཏོགས་པར་སྟོན་པ་གཞན་མེད་དོ་སྙམ་དུ་འཛིན་པས་དེ་ལ་དེ་བཞིན་གཤེགས་པ་འདི་
D261.066.0302b05.01སྙམ་དུ་དགོངས་ཏེ། (གང་ངས་,གང་དག་)ཚངས་པ་དགུག་གོ་ཚངས་པ་ལ་བསྟོད་དོ། །ཚངས་པས་ཕྱག་འཚལ་བ་དང་། ལྷ་དང་མི་ཚངས་པ་ལ་བརྟེན་པ་ཐམས་ཅད་ཕྱག་འཚལ་བར་འགྱུར་རོ། །ཆོས་ལེན་པར་སེམས་པར་འགྱུར་རོ། །དེ་བས་ན་གསོལ་ནས་དེ་བཞིན་གཤེགས་པ་འཆད་ཀྱི་མ་
D261.066.0302b06.01གསོལ་བར་ནི་མ་ཡིན་ནོ། །དེ་བཞིན་གཤེགས་པའི་མཐུ་ཉིད་ཀྱིས་ཚངས་པ་ཆོས་གསོལ་བའི་ཕྱིར་དེ་བཞིན་གཤེགས་པའི་དྲུང་དུ་སོང་གི །ཚངས་པ་ཉིད་ཀྱིས་བདག་གིས་དེ་བཞིན་གཤེགས་པ་ལ་ཆོས་གསོལ་ལོ་སྙམ་དུ་སེམས་ཤིང་ཡིད་ལ་བྱེད་པ་ཡང་མེད་དེ། ཚངས་པ་ལ་བརྟེན་
D261.066.0302b07.01