完整藏文原文 · 德格版页 当前仅加载第 66 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
དཀར་པོར་བསྒྱུར་ཏེ་མའི་མངལ་དུ་འཇུག་པར་སྟོན་ཅེ་ན། དཀར་པོའི་ཕྱོགས་ཡིན་པའི་ཐ་ཚིག་སྟེ། བྱང་ཆུབ་སེམས་དཔའ་སེམས་ཅན་ཐམས་ཅད་དང་། ཁྱད་ཞུགས་པས་དེའི་ཕྱིར་ཅི་ནས་ཀྱང་ལྷ་དང་ཡང་མི་འདྲ། མི་དང་ཡང་མི་འདྲ་བར་དེ་ལྟར་འཇུག་པ་བསྟན་པར་བྱ་དགོས་ཏེ།
D261.066.0296b01.01དེ་ཡང་བྱང་ཆུབ་སེམས་དཔའི་ཐབས་མཁས་པར་ཤེས་པར་བྱའོ། །ཅིའི་ཕྱིར་ན་བྱང་ཆུབ་སེམས་དཔའ་མའི་མངལ་ན་ཟླ་བ་དགུར་མི་གནས་པར་ཟླ་བ་བཅུར་གནས་ཤེ་ན་སེམས་ཅན་ཁ་ཅིག་ཀྱེ་མའོ་འདི་ནི་མངལ་ན་གནས་པའི་དུས་མ་ཚང་བས་དབང་པོ་ཉམས་པ་ཞིག་བྱུང་ངོ་། །
D261.066.0296b02.01ཞེས་དེ་ལྟར་སེམས་པའི་ཕྱིར་མངལ་ན་དབང་པོ་ཡོངས་སུ་རྫོགས་པར་སྟོན་པས་ཟླ་བ་བཅུར་གནས་ཀྱི་དགུར་མ་ཡིན་ཏེ། དེ་ཡང་བྱང་ཆུབ་སེམས་དཔའི་ཐབས་མཁས་པར་ཤེས་པར་བྱའོ། །ཅིའི་ཕྱིར་ན། བྱང་ཆུབ་སེམས་དཔའ་གྲོང་དང་གྲོང་ཁྱེར་དུ་མ་སྐྱེས་ཀྱི་དགོན་
D261.066.0296b03.01པར་སྐྱེས་ཤེ་ན། བྱང་ཆུབ་སེམས་དཔའ་ནི་ཡུན་རིང་པོ་ནས་དགོན་པ་ཤིན་ཏུ་དགོན་པའི་བསྔགས་པ་རྗོད་པར་བྱེད་ལ་དབེན་པ་ན་གནས་ཤིང་གཙང་མར་སྤྱོད་པ་དང་། ཁྱིམ་གྱི་ནང་དུ་སོང་བར་གྱུར་ན། ལྷ་དང་ཀླུ་དང་། གནོད་སྦྱིན་རྣམས་ཀྱིས་ལྷའི་དྲི་དང་། ཕྱེ་མ་དང་། མེ་
D261.066.0296b04.01ཏོག་དག་གིས་རྒྱུན་མ་ཆད་པར་མཆོད་པ་བྱེད་མི་ནུས་པ་དང་། གྲོང་ཁྱེར་སེར་སྐྱའི་སེམས་ཅན་དག་རབ་ཏུ་དགའ་བར་གྱུར་པས་རྒྱུ་དང་རྐྱེན་དེའི་ཕྱིར་བྱང་ཆུབ་སེམས་དཔའ་དགོན་པར་སྐྱེས་སོ། །ཅིའི་ཕྱིར་ན་བྱང་ཆུབ་སེམས་དཔའ་མའི་དཀུ་བརྟོལ་ཏེ་མངལ་གྱི་མལ་དུ་ཞུགས་
D261.066.0296b05.01ཤེ་ན། སེམས་ཅན་གང་དག་བྱང་ཆུབ་སེམས་དཔའ་ནི་ཕ་མའི་མེར་མེར་པོ་ལས་གྱུར་པ་ཡིན་གྱི། རྫུས་ཏེ་སྐྱེས་པ་མ་ཡིན་ནོ་སྙམ་དུ་སེམས་པའི་སེམས་ཅན་དེ་དག་གི་ཐེ་ཚོམ་བཅད་པའི་ཕྱིར་བྱང་ཆུབ་སེམས་དཔའ་མའི་དཀུ་བརྟོལ་ཏེ་ཞུགས་སོ། །ཞུགས་ནས་ཀྱང་རྨ་དང་བུ་
D261.066.0296b06.01གར་མ་གྱུར་ལ་ཡུམ་སྒྱུ་མ་ཡང་དེའི་ཚེ་བདེ་བ་མྱོང་བ་ལྟ་བུ་སྔོན་མ་མྱོང་ངོ་། །ཅིའི་ཕྱིར་ན་བྱང་ཆུབ་སེམས་དཔའི་མ་ཤིང་བླག་ཤའི་ཡལ་ག་ལ་འཇུས་ཏེ། ཤ་འཆུས་སུ་བྱས་ནས་བྱང་ཆུབ་སེམས་དཔའ་སྐྱེས་ཤེ་ན། སེམས་ཅན་གང་དག་ལྷ་མོ་སྒྱུ་མ་ནི་བུད་མེད་གཞན་
D261.066.0296b07.01