完整藏文原文 · 德格版页 当前仅加载第 66 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་སྡུག་བསྔལ་བའི་ཚོར་བས་བྱང་ཆུབ་སེམས་དཔའ་བསྐྱེད་དོ་སྙམ་དུ་དེ་ལྟར་སེམས་པའི་སེམས་ཅན་དེ་དག་ལ་བདེ་བར་བསྟན་པའི་ཕྱིར། བྱང་ཆུབ་སེམས་དཔའི་མས་ཤིང་བླག་ཤའི་ཡལ་ག་ལ་འཇུས་ནས་ཤ་འཆུས་སུ་བྱས་ཏེ་བྱང་ཆུབ་སེམས་དཔའ་བསྐྱེད་
D261.066.0297a01.01དོ། །ཅིའི་ཕྱིར་ན་བྱང་ཆུབ་སེམས་དཔའ་སྐྱེ་གནས་དང་། ལུས་ཀྱི་ཕྱོགས་གཞན་ནས་མི་འབྱུང་བར་མའི་མངལ་བརྟོལ་ཏེ་དྲན་བཞིན་དུ་ཤེས་བཞིན་དུ་མངལ་གྱི་ལམ་ནས་བྱུང་ཞེ་ན། བྱང་ཆུབ་སེམས་དཔའ་ནི་གཙང་མར་སྤྱོད་ལ་འཇིག་རྟེན་གསུམ་པོ་ཐམས་ཅད་ཀྱི་
D261.066.0297a02.01མཆོག་ཡིན་པས། དེ་སྐྱེ་གནས་ལའང་མི་གནས་ཤིང་སྐྱེ་བ་བསྟན་དགོས་ལ། སེམས་ཅན་ཐ་མ་གཞན་དག་དང་ཡང་མི་འདྲ་སྟེ། དེ་བས་ན་བྱང་ཆུབ་སེམས་དཔའ་མའི་དཀུ་བརྟོལ་ནས་མངལ་གྱི་མལ་ནས་འབྱུང་ཞིང་སྐྱེས་མ་ཐག་ཏུ་དེའི་ཚེ་ན་གློ་ལ་རྨ་ཡང་མེད་དོ། །ཅིའི་ཕྱིར་
D261.066.0297a03.01ན་བྱང་ཆུབ་སེམས་དཔའ་སྐྱེས་མ་ཐག་ཏུ་བརྒྱ་བྱིན་ལྷའི་དབང་པོས་བླངས་ཀྱི་མིར་གྱུར་པ་གཞན་དག་གིས་མ་ཡིན་ཞེ་ན། བྱང་ཆུབ་སེམས་དཔའི་དགེ་བའི་རྩ་བ་ཤིན་ཏུ་འབར་བ་དང་བྱང་ཆུབ་སེམས་དཔའ་སྐྱེས་མ་ཐག་ཏུ་དེ་ལྟར་བརྒྱ་བྱིན་ལྷའི་དབང་པོས་བླངས་པར་ཤོག་ཤིག་
D261.066.0297a04.01ཅེས་སྨོན་ལམ་བཏབ་པའི་ཕྱིར་རོ། །ཅིའི་ཕྱིར་ན་བྱང་ཆུབ་སེམས་དཔའ་སྐྱེས་མ་ཐག་ཏུ་མ་བླངས་པར་གོམ་པ་བདུན་བོར་གྱི། དྲུག་དང་། བརྒྱད་མ་ཡིན་ཞེ་ན། རྫུ་འཕྲུལ་དང་། རྣམ་པར་འཕྲུལ་པ་དང་། སྐྱེས་བུ་དམ་པར་སྔོན་སུས་ཀྱང་མ་བསྟན་
D261.066.0297a05.01པ་བསྟན་དགོས་ལ་སེམས་ཅན་གང་དག་གི་དོན་དུ་གོམ་པ་བདུན་བོར་ཏེ་བྱ་བ་དེ་གོམ་པ་དྲུག་གིས་ཀྱང་མི་ནུས་ལ། གོམ་པ་བརྒྱད་བོར་ན་ཡང་ལྷག་པར་འགྱུར་བས་དེའི་ཕྱིར་བྱང་ཆུབ་སེམས་དཔའ་སྐྱེས་མ་ཐག་ཏུ་མ་བླངས་པར་གོམ་པ་བདུན་འདོར་གྱི། དྲུག་དང་
D261.066.0297a06.01བརྒྱད་མ་ཡིན་ནོ། །ཅིའི་ཕྱིར་ན་བྱང་ཆུབ་སེམས་དཔའ་གོམ་པ་བདུན་བོར་ནས་ང་ནི་འཇིག་རྟེན་ན་གཙོ་བོ་ཡིན་ཏེ། སྐྱེ་བ་དང་། རྒ་བ་དང་། འཆི་བ་མཐར་བྱའོ་ཞེས་པ་ཚིག་ཏུ་སྨྲ་ཞེ་ན། འཁོར་དེ་ན་ཚངས་པ་དང་ལྷ་མཐུ་ཆེ་བ་དག་ལྷགས་ཤིང་འཁོད་དེ་ང་རྒྱལ་ཅན་
D261.066.0297a07.01