完整藏文原文 · 德格版页 当前仅加载第 66 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
འཇོག་པར་བྱེད་ཅིང་སྦྱིན་པ་ཡང་སྦྱིན་པར་བྱེད་པ་དེ་ནི་དེའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གང་བྱམས་པར་སེམས་པ་དང་། སེམས་མ་འཁྲུགས་པ་དང་། ཕན་པར་སེམས་པ་དང་། སེམས་རྩེ་གཅིག་པར་གྱུར་ནས་སྦྱིན་པ་སྦྱིན་པར་བྱེད་པ་དེ་ནི་དེའི་བཟོད་པའི་ཕ་རོལ་ཏུ་ཕྱིན་པའོ། །གང་
D261.066.0285b01.01བཟའ་བ་དང་། བཅའ་བ་དང་། མྱང་བར་བྱ་བ་དེ་དག་ལ་ལུས་དང་། ངག་དང་སེམས་འཇོག་ཅིང་འགྲོ་བ་དང་འོང་བར་བྱེད་པ་དེ་ནི་དེའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྦྱིན་པ་བྱིན་ནས་གང་རྩེ་གཅིག་པ་དང་། དབུགས་ཕྱིན་པར་མི་འཛིན་པ་དེ་ནི་དེའི་བསམ་གཏན་གྱི་ཕ་རོལ་ཏུ་ཕྱིན་པའོ། །
D261.066.0285b02.01གལ་ཏེ་སྦྱིན་པ་དེ་བྱིན་ནས་ཆོས་ཉིད་ལ་བརྟེན་ཏེ་འདི་སུས་བྱིན། འདི་སུས་ཟོས། སུ་ལ་རྣམ་པར་སྨིན་པར་འགྱུར་ཞེས་དེས་དེ་ལྟར་བརྟགས་ན། གང་གིས་སྦྱིན་པ་དང་། གང་ལ་སྦྱིན་པ་དང་། གང་ལ་རྣམ་པར་སྨིན་པ་མྱོང་བར་འགྱུར་བའི་ཆོས་གང་ཡང་མ་དམིགས་པ་དེ་ནི་དེའི་ཤེས་རབ་ཀྱི་
D261.066.0285b03.01ཕ་རོལ་ཏུ་ཕྱིན་པའོ། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་ཐབས་མཁས་པ་སྦྱིན་པ་སྦྱིན་པར་བྱེད་པ་ན་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཡེ་ཤེས་བླས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་འདྲ་བར་
D261.066.0285b04.01ཐབས་མཁས་ཏེ། སྦྱིན་པ་གང་གིས་སེམས་ཅན་གཞན་དག་འཁོར་བ་ཡོངས་སུ་ལེན་པར་བགྱིད་པའི་སྦྱིན་པ་དེ་ཉིད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཆོས་རྣམས་ལེན་པར་བགྱིད་པ་ངོ་མཚར་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །རིགས་
D261.066.0285b05.01ཀྱི་བུ་ཇི་སྐད་སྨྲས་པ་དེ་བཞིན་ཏེ། བྱང་ཆུབ་སེམས་དཔའ་ཐབས་མཁས་པ་ནི་སྦྱིན་པ་ཉུང་ངུ་ཡང་མང་པོར་བྱེད། སྦྱིན་པ་མང་པོ་ཡང་དཔག་ཏུ་མེད་པར་བྱེད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་ལ་བཀའ་སྩལ་པ། རིགས་ཀྱི་བུ་གཞན་
D261.066.0285b06.01ཡང་བྱང་ཆུབ་སེམས་དཔའ་ཐབས་མཁས་པ་ནི་ལྟུང་བ་ལྕི་བ་ཡང་ཐབས་མཁས་པས་སྲབ་མོར་བྱེད་དོ། །ཇི་ལྟར་སྲབ་མོར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་ཐབས་མཁས་པ་ནི་ནམ་ཞིག་བརྒྱ་ལ་ལ་ལ་ཞིག་ཏུ་སྡིག་པའི་གྲོགས་པོའི་དབང་གིས་ལྟུང་བ་བྱུང་ན་དེ་
D261.066.0285b07.01