完整藏文原文 · 德格版页 当前仅加载第 66 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
པ། བཅོམ་ལྡན་འདས་མཐོང་ངོ་། །བཅོམ་ལྡན་འདས་ཀྱིས་བཀའ་སྩལ་པ། དགའ་བོ་བྱང་ཆུབ་སེམས་དཔའ་དགའ་བར་བྱེད་པ་དེས་ནི་འདོད་ཆགས་ཀྱི་སེམས་ལས་ཆོས་ཐམས་ཅད་ཡོངས་སུ་བརྟགས་སོ། །བདུད་ཀྱི་སྡེ་བཏུལ་ལོ། །ཆོས་ཀྱི་འཁོར་
D261.066.0291a01.01ལོ་བསྐོར་ཏོ། །དེ་ནས་བུ་མོ་བསོད་ནམས་ལྡན་མཆོག་ཤི་མ་ཐག་ཏུ་བུད་མེད་ཀྱི་ལུས་ལས་བསྒྱུར་ཏེ། ཤི་འཕོས་པ་དང་མཐོ་རིས་ཀྱི་འཇིག་རྟེན་དུ་སུམ་ཅུ་རྩ་གསུམ་པའི་ལྷ་རྣམས་དང་སྐལ་བ་མཉམ་པར་སྐྱེས་སོ། །དེ་སྐྱེས་མ་ཐག་ཏུ་གཞལ་མེད་ཁང་རིན་པོ་ཆེ་སྣ་བདུན་
D261.066.0291a02.01ལས་བྱས་པ་དཔག་ཚད་བཅུ་གཉིས་པ་ཡང་བྱུང་གཡོག་བྱ་བའི་ཕྱིར་ལྷའི་བུ་མོ་བཞི་ཁྲི་བཞི་སྟོང་ཡང་སྐྱེས་ནས། དེའི་ཚེ་དེ་དགེ་བའི་རྩ་བ་གང་གིས་འདིར་སྐྱེས་པར་གྱུར་ཅེས་ཤེས་པ་སྐྱེས་ཏེ། དེ་བསམས་པ་དང་། འདི་སྙམ་དུ་གྱུར་ཏེ། བདག་ནི་མཉན་དུ་ཡོད་
D261.066.0291a03.01པའི་གྲོང་ཁྱེར་ཆེན་པོ་ན་ཁྱིམ་བདག་གི་བུ་མོར་གྱུར་པ་ལས། དེ་ན་བདག་གི་འདོད་ཆགས་ཀྱི་སེམས་ཀྱིས་བྱང་ཆུབ་སེམས་དཔའ་དགའ་བར་བྱེད་པ་མཐོང་ནས་བདག་གི་སེམས་འདོད་པའི་ཆགས་པས་ཀུན་དུ་གཟིར་ཏེ། འཆི་བའི་དུས་བྱས་པ་དང་། བདག་བུད་མེད་
D261.066.0291a04.01ཀྱི་ལུས་ལས་གྱུར་ཏེ། བདག་གིས་སྐྱེས་པའི་ལུས་ཐོབ་ནས་བདག་གིས་རྫུ་འཕྲུལ་དཔག་ཏུ་མེད་པ་འདི་དག་ཐོབ་བོ་སྙམ་མོ། །དེ་ནས་ལྷའི་བུ་དེ་འདི་སྙམ་དུ་སེམས་ཏེ། འདོད་ཆགས་ཀྱི་སེམས་ཀྱིས་རྣམ་པར་སྨིན་པ་ཡང་འདི་ཡིན་ན། གང་བདག་གིས་བྱང་
D261.066.0291a05.01ཆུབ་སེམས་དཔའ་དགའ་བར་བྱེད་པ་ལ་ཕྱག་བྱ་བའམ། བསྙེན་བཀུར་བྱ་བ་ལྟ་ཅི་སྨོས་ཀྱིས། གང་བདག་རྩེ་བའམ། དགའ་བར་བྱེད་པ་དེ་རིགས་པར་འགྱུར་བ་མ་ཡིན་གྱི། དེ་ལྟར་བདག་ནི་བཅོམ་ལྡན་འདས་ག་ལ་བ་དང་། དགའ་བར་བྱེད་པ་ག་ལ་བ་དེར་འགྲོའོ་
D261.066.0291a06.01སྙམ་མོ། །དེ་ནས་ལྷའི་བུ་དེ་འཁོར་དང་བཅས་ཏེ་མེ་ཏོག་དང་། དྲི་དང་། ཕྲེང་བ་དང་། བྱུག་པ་རྣམས་ཐོགས་ནས་ཁ་དོག་ཚད་མེད་པས་བཅོམ་ལྡན་འདས་ག་ལ་བ་དེར་སོང་སྟེ། མེ་ཏོག་དང་། ཕྲེང་བ་དང་བྱུག་པ་དེ་དག་གིས་བཅོམ་ལྡན་འདས་ལ་མཆོད་ནས།
D261.066.0291a07.01